ɛMacu 27:51 - ɛWee ne ìTsɛm iHywas

⁵¹ Nɛ nten nɛ, ɛlɛbhɛlɛ ndɔ ne iDeng nga ne le dak ɛ kpɛrɛt ɛceree ɛ hobhoset ɛphaa. ɛZay ya runket, ikpɛɛ da taghasat ifɛ kpɛl le.

ɛMacu 27:51 ပူးပေါင်းရင်းမြစ်များ

ɛMarakus 15:38

Nɛ nten nɛ, ɛlɛbhɛlɛ ndɔ ne iDeng nga ne le dak ɛ kpɛrɛt ɛceree ɛ hobhoset ɛphaa. ɛLɛbhɛlɛ ndɔ ne iDeng nga ne ɛ kɛ hobhose ɛLɔ gha kɛ Tul Kang ngo ne ɛHaa ne kɛ Tul Kang i Shɛs so.

iBirani 6:19

Sit ne irwisɛ njwɛɛn da ne so ngkangat te ɛgangat ne ɛ kɛ wum ivel gɛgɛy. iPhɛ ne te njwɛɛn sang to irway wɛlɛng ɛnik. iPhɛ ne bhɛ lel ndɔ ne ideng ngge, iphɛ phee ɛlɛbhɛlɛ gha, iphɛ bhɛ hɔn ɛlɔ ne shɛɛ ɛTaanggbey.

ɛLuka 23:45

Sɔng iroy de kaa ne tɔ tol nang, ɛlɛbhɛlɛ ndɔ ne iDeng nga ne le dak ɛ kpɛrɛt ɛceree ɛ hobhoset ɛphaa. ɛLɛbhɛlɛ ndɔ ne iDeng nga ne ɛ kɛ hobhose ɛLɔ gha kɛ Tul Kang ngo ne ɛHaa ne kɛ Tul Kang i Shɛs so.

Nikɔn ne kɛ Phaal 11:19

Ne ji phaal ideng ɛTaanggbey de daa ne irywa wo, ne yaang ɛKwaati ne ìtsɛm mo ne ndɔ yɛ. ɛLɔ gha ne yaa tes derep, ɛɛ wunga, ɛɛ tɛɛ, ɛzay ya sungket, igbaang ne nkpaaling ne i hoghɛ.

ɛMacu 27:54

Ne sɛ ɛndiinday nisooja na gbik nɛ nisooja na nɛ nibhɛ hyep ɛYɛso yegha kɛ yaang ɛli ne ivel lo kɛ runket to, nibhɛ ta yaang nikɔn na nɛ nibhɛ kɛ tes so, nibhɛ ne wum ɛnik, nibhɛ ne yɔngɔ, “iTin nɛ ne ɛnyi yɛghaa wo kaa soye ɛNgɔn ɛTaanggbey ya ɛtsak!”

ɛMacu 28:2

Ne so ɛnggyɛ wo ivel da runket gbom, daa ɛli ne ɛmalɛka ɛDaray ɛbhɛ kɛ le daa ne irywa ɛ tɔm ɛ kungare ikɛɛ ɛnu ne ikpuu de gɔɔ ɛ soos nɛ.

Nikɔn ne kɛ Phaal 11:13

Nten nɛdee nggyɛ wo, ɛzay ya ne kyangkey ɛ sungket, ihop idaan ndɔ ihop ɛnduwubɔ ɛgarang nga ne bungaay. Ninyi na ninom ɛniitaa ne kus ɛlɔ ne ɛzay ya kɛ kyangkey ɛ sungket to. Ninyi na nɛ nibhɛ kɛ shɛɛ niken na ne yaa kparat, nibhɛ naas ɛTaanggbey ɛdaa ne irywa ye ne ndiinday.

iBirani 9:3

Kaa ne hobhose iduk ne ipho de ne ɛlɛbhɛlɛ, ne ji yaak ɛlɔ ne ifaa yɛ ne ɛ so ɛtsim ɛlɛbhɛlɛ gha ɛLɔ ne kɛ Tul Kang i Shɛs.

ɛLuka 23:47

ɛNdiinday nisooja na ne ɛ sonɛ ɛlɔ yɛwo ne yaang ɛkɔn na ne ɛ kɛ te wo, ne ɛ nang ɛTaanggbey ye ne ndiinday, ɛ yɔngɔ, “ɛTsak! ɛNyi yeghaa wo ɛnyi ɛyɛnɛng.”