ɛMacu 27:4 - ɛWee ne ìTsɛm iHywas

⁴ Ɛ bo, “Nggɛ mɔn ɛfɔt ne nggɛ rɛp ɛnyi gha ne hame ɛ kɛ mɔn ɛkɔn na.” Nibhɛ ne yaak ɛYahuza yegha, “iNɛn mos se? iGyɛ aa phok kɛ nɛ.”

ɛMacu 27:4 ပူးပေါင်းရင်းမြစ်များ

1 ɛYohana 3:12

Sɔng ˆɛ te ɛn te ɛKɛɛnu gha ne ɛ kaa soye ɛngɔn ɛShɛtan na, ne ɛ kaa phoo ɛgwaa ɛbhɛ gha nang. iKyee iphɛ kaa te ɛ phoo ɛgwaa ɛbhɛ ghaa? ɛKɛɛnu gha kaa phoo ɛgwaa ɛbhɛ gha daa ɛli nɛ nitomɛ ɛbhɛ ɛKɛɛnu gha kaa so nibebhe yɛ, ninaa ɛgwaa ɛbhɛ na ne so cik.

1 ɛBiturus 1:19

Kɛ yang say nyini nɛ neyi ɛYɛso ɛKiriti na nɛ nibhɛ ku phyin ne ndiinday gbik. ɛYɛso ɛKiriti gha ne so te ɛngɔn ne pharak ne hap itsanga, byirik, wɛlɛng ɛkɔn ne tok.

iBirani 7:26

ɛYɛso gha ɛbhɛ ne ɛ soye ihywee ne ɛGbaang ɛGɔm Nibo gha ne njwɛɛn i sim. iHywee de ne aa nang njwɛɛn nikɔn na nɛ nibhɛ yaa hɔn njwɛɛn. Ɛ ku so kang, wɛlɛng ɛfɔt, ne ɛkɔn ne tok, kɛ tul ɛbhɛ ndɔ ninaa ne ɛfɔt ta, kɛ nang ɛbhɛ ne ndiinday i phyin irywa gbik.

ɛTitus 1:16

Nibhɛ bo wu nibhɛ i yɛɛ ɛTaanggbey ye, ɛtomɛ nibhɛ gha i ne kyi ton iyɛɛ ɛTaanggbey yeda. Nibhɛ soye ɛkɔn ne ishis, nisang-phok, sɔng nibhɛ kɛ ma yung jam mɛ nibhɛ sɛɛ mɔn ɛkɔn ɛyɛnɛng nga nang.

1 ɛTimɔti 4:2

iHywee ne imɛmɛ yɛdaa nggyɛ wo sɛ le ɛlɔ ninyi nɛ nibhɛ soye niluk, ninaa ne wul irywɛɛk. Ninyi ne izɔlɔs ne irway nibhɛ kɛ ku, ihywɛ kɛ te ngkit te ɛkɔn ne kɛ wɔɔ ne igyɔs kpikpiy.

iRooma 3:19

ɛLyilyɛghaa wo, njwi yɛɛ gbik ɛkɔn na ne ɛShara gha i bol lo, ɛ bol daa ninyi na nɛ nibhɛ so ndɔ ɛta ɛShara gha. Kɛ mɔn ɛlɛ wo te ne te ninaa ne tɔk ivol la yaa kɔsɔɔy, te ne ta yɛk ɛzay ya gbik ndɔ ɛta ɛshara ɛTaanggbey.

ɛTomɛ 13:28

Sɔng nibhɛ kaa ne sɛ ɛYɛso yegha ne ɛkɔn na ne ɛ kɛ hɔn sɛɛ phoo ɛbhɛ nang, gbik ne iphɛ ɛlɛy nibhɛ ne jung yaak ɛBilatus segha wu te phoo ɛbhɛ.

ɛYohana 19:7

niYahodawa na ne ta kyii nɛ nibhɛ yɔngɔ, “Njwi bok ikpii ne ifɛ bo wu ɛ kɛ ne hɔn ɛ sɛɛ ku daa ɛli ne ɛ bo wu i soye ɛNgɔn ɛTaanggbey.”

ɛLuka 23:47

ɛNdiinday nisooja na ne ɛ sonɛ ɛlɔ yɛwo ne yaang ɛkɔn na ne ɛ kɛ te wo, ne ɛ nang ɛTaanggbey ye ne ndiinday, ɛ yɔngɔ, “ɛTsak! ɛNyi yeghaa wo ɛnyi ɛyɛnɛng.”

ɛLuka 23:41

Njwit to nang, i tal njwii ne ɛkɔn na ne njwi kɛ mɔn, njwii saasel iphɛ. Ɛbhɛ wo sɔng ɛ kɛ ne mɔn ɛkɔn ɛbebhe nang.”

ɛLuka 23:22

ɛBilatus sa ne boote nɛ nibhɛ ɛhaa ne itwat tɛ, ɛ yaak nibhɛ, “Ɛlɔ ne ikyee? ɛFɔt ne iKyee ne ɛ kɛ mɔn ne? Sɔng nzi yaang ɛ kɛ mɔn ɛkɔn na ne aa te i phoo ɛbhɛ wo nang. Naa yɛk ngɛ hal ɛbhɛ, te tek ɛbhɛ.”

ɛMacu 27:54

Ne sɛ ɛndiinday nisooja na gbik nɛ nisooja na nɛ nibhɛ hyep ɛYɛso yegha kɛ yaang ɛli ne ivel lo kɛ runket to, nibhɛ ta yaang nikɔn na nɛ nibhɛ kɛ tes so, nibhɛ ne wum ɛnik, nibhɛ ne yɔngɔ, “iTin nɛ ne ɛnyi yɛghaa wo kaa soye ɛNgɔn ɛTaanggbey ya ɛtsak!”

ɛMacu 27:19

Kaa ne sɛ nten de ne ɛBilatus sa kɛ soos ɛlɔ ne soos ɛ bol ɛshara gha, ɛkuk ɛbhɛ ne tom ɛbhɛ nɛ ɛ yɔngɔ, “Sɔng ɛ mɔn ɛnyi yɛghaa nggyɛ wo ne ɛ kɛ sang mɔn ɛkɔn na ne ɛkɔn nang. Nibok kɛ tak me iyɔm gbom daa ɛbhɛ ne ɛtuk.”

Nikɔn ne kɛ Phaal 11:10

Ninyi ɛzay ya gbik sɛ ne bok irway ihwala ɛlɔ nɛ ninyi ifaa yɛnaa nggyɛ wo kɛ kus so. Nibhɛ sɛ ne yel isham, nibhɛ naas en ire, daa ɛli nɛ nishɛɛda ifaa yɛnaa nggyɛ wo kɛ baasek ninyi ɛzay ya nggbang gbom.