ɛMacu 27:26 - ɛWee ne ìTsɛm iHywas

²⁶ ɛBilatus sa ne ji tul nibhɛ ɛBarabas segha ndɔ ne nyang ngge. Ne ji sɛ ɛ kɛ hal ɛYɛso yegha, ne ɛ ji nang nibhɛ ɛbhɛ, te nibhɛ bhɛ gangat ɛbhɛ.

ɛMacu 27:26 ပူးပေါင်းရင်းမြစ်များ

ɛYohana 19:1

ɛBilatus sa ne bhɛ bo ɛYɛso yegha ɛ yɛk ngɛ i hal ɛbhɛ.

ɛMarakus 15:15

ɛBilatus sa ne i sim te ɛ sɛ laasek nibhɛ irway, iphɛ ɛlɛy yang, ne ɛ biri ɛBarabas segha ndɔ ne nyang ngge ɛ tek ɛbhɛ. Ne ɛ ji yɛk ngɛ lɛng ɛYɛso yegha, ɛ ji nang nisooja ɛbhɛ wu tɛ nibhɛ bhɛ gangat ɛbhɛ.

ɛLuka 23:16

iPhɛ ɛlɛy yang, naa ne sɔn ɛbhɛ ne ihon tsasarak n ji tek ɛbhɛ ɛ hyel.”

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

ɛMarakus 10:34

Nibhɛ sɛ ne bɛɛs me nibhɛ ne tuk me ne ncwincway, nibhɛ hal me, nibhɛ ne ji phoo ɛbhɛ. N nzɛ ne ra ndɔ ne ikpuu ba nituk itwat, ɛtsim mɛ ɛlɛy yang ne n ji yilitsik.”

ɛMacu 20:19

Nibhɛ ne nang ɛbhɛ nɛ ninyi na ne hame nibhɛ so niYahodawa tɛ nibhɛ ne towos ɛbhɛ, nibhɛ hal ɛbhɛ, nibhɛ ne ji gangat ɛbhɛ. Ɛ sɛ ne yilitsik ɛtuk ne itwat tɛ.”

ɛYohana 19:16

ɛTsim mɛ ɛlɛy, ɛBilatus sa ne nang nibhɛ ɛYɛso yegha wu tɛ nibhɛ bhɛ gangat ɛbhɛ. Nisooja na ne ji bo ɛYɛso yegha nibhɛ hyel lɛ.