ɛMacu 27:2 - ɛWee ne ìTsɛm iHywas

² Nibhɛ ne robhos ɛbhɛ, nibhɛ bo ɛbhɛ nibhɛ bhɛ nang ɛBilatus se ne ɛ kaa so ɛgɔm-na ne iRooma.

ɛMacu 27:2 ပူးပေါင်းရင်းမြစ်များ

ɛTomɛ 3:13

ɛTaanggbey ɛBaraying ne ɛShaaku, ne ɛYakub, ɛTaanggbey nikyɛɛ-nikyɛɛ njwɛɛn na kɛ nang ɛkpuru ɛbhɛ ɛYɛso yegha ne ndiinday. ɛYɛso gha ne ɛ kaa nang ɛn ɛbhɛ te i phoo wo. Ɛ kaa ne mbaray ɛn nyini ɛbhɛ ɛnu ɛyisɛ ɛBilatus ɛli ne ɛ kaa jung i sim te aa tek ɛbhɛ ɛ hyel.

ɛMacu 20:19

Nibhɛ ne nang ɛbhɛ nɛ ninyi na ne hame nibhɛ so niYahodawa tɛ nibhɛ ne towos ɛbhɛ, nibhɛ hal ɛbhɛ, nibhɛ ne ji gangat ɛbhɛ. Ɛ sɛ ne yilitsik ɛtuk ne itwat tɛ.”

1 ɛTimɔti 6:13

Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

ɛLuka 13:1

Nten nɛdee nggyɛ wo, nidɛng ninyi na kaa ne so ɛnggyɛ wo, nɛ nibhɛ kaa ne tɔng ɛYɛso yegha ibol ninyi ne iGalili de, ne ɛBilatus kaa yɛk ngɛ phobho wo nten de nɛ kaa hap itsanga de.

iBirani 13:3

Taate ɛn nɛ ninaa nɛ nibhɛ so ne ijwee ne nyang ngo te ˆɛ so ɛn ne inyang ngge nɛ nibhɛ. Ne ˆɛ ta taate ɛn nɛ ninaa nɛ nibhɛ sɔ nggbang ngga te ɛ sɔ ɛn nggbang ngga nɛ nibhɛ.

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

ɛTomɛ 28:20

iPhɛ phɛ kɛ ne te nggɛ tɔk te naa yaang nyini wu, te ne n da boote ne nyinɛn daa ne ibol ne ɛnyi de nɛ niSɛrɛla na kɛ yɛk ne irway da nibhɛ hyep po, ibol ɛKiriti de. Daa ne ibol ɛbhɛ de ne kɛ rop me ne nyang ngɛdee wo.”

ɛTomɛ 24:27

Ne sɛ ɛtsim ishay iphaa, ɛFɔkiyɔs ɛFɛsitus ne teye ɛgɔm-na gha ɛ sunu ɛFɛlis segha. ɛFɛlis sa ne tek ɛBulus segha ndɔ ne ijwee ne nyang ngo daa ɛli ne ɛ kaa sim tɛ niYahodawa sɛɛ phok iyɛnɛng ɛbhɛ.

ɛTomɛ 22:29

iPhɛ ɛlɛy ninyi na nɛ nibhɛ kɛɛ sim tɛ nibhɛ yaa phomos ɛBulus segha ivol ba ne shii kyii ne ɛtsim. ɛGbaang ɛndiinday nisooja wo ne wum ɛnik daa ɛli ne ɛ kɛ ku rop ɛBulus segha ne ɛ so ɛnyi ne iRooma gha.

ɛTomɛ 22:25

Ne sɛ nisooja na kɛ rop ɛBulus segha nibhɛ yaa ho ne hal lɛ, ɛBulus sa ne boote ne ɛndiinday ne ɛguu nisooja na ne ɛ so cɛcɛk ne ɛbhɛ ɛ yɔngɔ, “ɛShara gha kɛ sim-mɛ wu te hal ɛnyi gha ne ɛ so ɛnyi ne iRooma gha tang i phɛ ne ɛbhɛ ɛlɔ ninaa ne bol ɛshara ghaa?”

ɛTomɛ 21:33

Ɛndiinday ya ne yɛɛs ɛ wum ɛBulus segha, ɛ yɛk ngɛ rop ɛbhɛ ne inyang ihywɛɛ ihywaa. Nɛ ji phom ɛBulus segha ɛ yaak ɛbhɛ. “I bok kɛ ɛhay? Kyee ne ɛ kɛ mɔn no?”

ɛTomɛ 12:6

Ne sɛ ɛtuk, ɛtuk ka ne sɛ ji cwiil ɛHyiridus sa bhɛ bol ɛBiturus segha ɛshara gha, ɛBiturus sa ne so nwa ɛceree nisooja ifaa kɛ robhos ɛbhɛ ne nyang ihywɛ ihywaa. Nisooja ne so ɛnu ne izuk ne ijwee ne nyang nga nibhɛ hyep.

ɛTomɛ 9:2

ɛbhɛ phom ɛbhɛ ɛ yaak ɛbhɛ te ɛhaa ye ɛwee te i phɛ nɛ ne idee ne itɔɔy niYahodawa de ndɔ ne ivel ne iDimaskus. Te yaa sɛ ɛ kɛ bhɛ sɛ idɛ idira ninaa ne roos de ɛnggyɛ wo, hang nikuk kɛ yɔɔ, hang niras sɛ yɔɔ, te ɛ wum nibhɛ ɛ yɛɛs nɛ nibhɛ ne iYɛrushɛlɛm be.

ɛTomɛ 4:27

Ɛtsak, ɛHyiridus sa ne ɛBuntus ɛBilatus sa kaa byinkit nɛ ninyi na ne hame nibhɛ so niYahodawa na, nɛ niSɛrɛla na ndɔ ɛgarang ngɛghaa wo. Nibhɛ yɛk iphup ne ɛKpuru mo ɛYɛso gha ne ɛ so kang ngo, ɛhaa ne ɛ kɛ sit ɛbhɛ ne nɔɔy da.

ɛYohana 18:24

ɛNas sa ne kyii ne ɛbhɛ, ɛ maa tɔ ne irop ba, wu te phɛ nɛ ɛlɔ ɛKayafa ne ɛ soye ɛgɔm nibo.

ɛYohana 18:12

ɛGuu nisooja ne iRooma na ne ɛndiinday nibhɛ gbik nɛ ninaa ne hyep ideng ngge ne ji wum ɛYɛso yegha, nibhɛ rop ɛbhɛ ibɔ.

ɛLuka 20:20

iPhɛ ɛlɛy yang nibhɛ ne i tɔk nkpiinɛ yɛ. Nibhɛ ne ji tal nidɛng ninyi na ijam tɛ nibhɛ luk wu i so ninyi niyɛnɛng. Nibhɛ ne ji tom ninyi yɛnaa nggyɛ ɛlɔ ɛYɛso gha tɛ nibhɛ bhɛ ten ɛbhɛ ndɔ ne iphomos ivol nibhɛ ne wum ɛbhɛ nibhɛ ji nang igbɔm ne iRooma da.

ɛLuka 3:1

Kaa ne sɛ igbɔm ɛTibaryus sa, ne ɛ so ɛgbaang ɛgɔm ne ivel ne iRooma ba, kɛ hɔn ishay ɛnduwubɔ ne iphɛ iwii, ɛBuntus ɛBilatus kaa ne soye ɛgɔm-na ne iYahudiya. ɛHyiridus ne soye ɛgɔm ne iGalili, ɛgwaa ɛbhɛ ɛFilibus ne soye ɛgɔm ne iTuriya gbik ne iTarakɔnitis. ɛLisaniya ɛbhɛ ne soye ɛgɔm ne iBiliya.

ɛMacu 28:14

Wu bol lɛ kɛ bhɛ hɔn ɛlɔ ɛgɔm-na gha, njwi yaa ne yɛɛ ɛli ne njwi yaa bol lɛ ɛbhɛ ɛ sim, sɔng aa ne sɔ ɛn nggbang nang.”

ɛLuka 23:1

iTɔrɔng niYahodawa de ne kpuruuy gbik nibhɛ phɛ ne ɛYɛso gha ɛlɔ ɛBilatus.

ɛLuka 23:12

ɛTuk kɛghaa nggyɛ wo nang, ɛBilatus sa ne ɛHyiridus sa kaa ne teye nitay daa ɛli ne sɔng nibhɛ kaa ku i yaang en ywit tang.

ɛYohana 18:28

Kɛ ne cwiil ne ihwɛlɛ ywiriri niYahodawa na ne bo ɛYɛso yegha ne ijwee ɛKayafa wo nibhɛ phɛ nɛ ne ijwee ɛgɔm ne iRooma. Sɔng nindiinday niYahodawa na ne bhɛ sim nibhɛ lel ndɔ ɛsaa ɛgɔm-na gha nang, nibhɛ bo wu n yaa yung te kpɛɛ iphɛ ji ring en ne re idira ne Tes iDee Tsak.