ɛMacu 26:29 - ɛWee ne ìTsɛm iHywas

²⁹ Nzi tɔng nyini, sɔng naa tang sɔ inɛn ɛnap ba dɔng nang, kang ne ɛtuk ka ne nzɛ sɛ sɔ mpas sɛ ne nyinɛn no ne igbɔm ɛKyɛɛ nge da.”

ɛMacu 26:29 ပူးပေါင်းရင်းမြစ်များ

Nikɔn ne kɛ Phaal 7:17

ɛNgɔn ne ɛpharak ka, ne ɛ so ɛceree ɛcuruu ne igbɔm ma, aa ne teye ɛhaa ne hyep nibhɛ, aa phɛ nɛ nibhɛ ne irwong ne iphɛ bok inɛn ne nang iken. ɛTaanggbey ya yaa ne yes nibhɛ niyilis sa gbik.”

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

ɛMarakus 14:25

Nzi tɔng nyini itin nɛ sɔng na tang ta sɔ inɛn ɛnap pɛdaa wo nang, sɛ ɛtuk kɛghaa nggyɛy ne n nzɛ sɔ mpas sɛ dak ne igbom ɛTaanggbey.”

ɛTomɛ 10:41

Sɔng ninyi gbik nibhɛ kaa ne yaang ɛYɛso yegha nang. Njwit to zɔng ne ɛTaanggbey ya kaa ku kasa njwi wo te njwi yaang ɛbhɛ njwi tɔng ibol lɛ wo, njwi kaa ne re njwi sɔ ne ɛbhɛ ɛtsim mɛ ne ɛ kɛ yilitsik ne ikpuu da.

ɛYohana 17:13

“ɛLyilyɛghaa wo, ne n yaaso ɛlɔ mo gha. Nzi ne bol nikɔn nɛnaa wo ɛli ne nggyi tɔ ndɔ ɛzay ya tɛ ninaa ne roos nge na ne sɛ irway ihwala nge da hyɔrɔ ndɔ nibhɛ.

ɛMacu 13:43

Ninyi ne icik ka sɛ ne jii tol te iroy ndɔ ne igbɔm ɛKyɛɛ nibhɛ da. ɛNyi gha ne ɛ bok itoro ne tenes te ne ɛ phok.

Nikɔn ne kɛ Phaal 14:3

Nibhɛ ne i yaak ne idɛ iywel lo ifas sɛ ɛnu ɛyisɛ ɛcuruu ne igbɔm ma nɛ nikɔn niken nwaas sa gbik nɛ ninu nikɔɔn na. Sɔng ɛnyi i ne yɛɛ ne mɛmɛ ne iywel lɛwoo nggyɛ wo kang nɛ ninyi ninom ikɔl ne nzuwubɔ nwaas nɛ nibhɛ nwaas (144,000) sa nang. Ninyi na ne kɛ ku say nibhɛ ndɔ ninaa ɛzay ya.

ɛLuka 15:32

iPhɛ kɛ ne jam mɛ njwɛɛn tɔɔl irway ihwala ba, daa ɛli ne ɛgwaa mo gha kaa ku ɛ kɛ ne bhɛ kyii, ɛ kaa birit kɛ ne sɛ ɛbhɛ.’ ”

ɛLuka 12:32

“Sɔng ne ɛ phok ɛn ɛnik ko, nyinɛn ninyunyɔn ne ᐩigyol nge wo nang, ɛKyɛɛ mon naa phok iyɛnɛng ne sɛ nang nyini igbɔm ba.

ɛYohana 15:11

Nggɛ tɔng nyini ɛlɛ wo te irway ihwala nge da ne yɛɛs ndɔ mon, te irway ihwala mon da te hyɔrɔ.

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

ɛMacu 18:20

ɛLɔ gha nɛ ninyi ifaa, hang itwat yɔɔ kɛ sɛme nɛ ndɔ ne irywɛɛk nge wo, ne n sonɛ ndɔ nibhɛ.”

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛYohana 16:22

Ɛlɛy ne iphɛ so ne nyinɛn no: ɛlyilyɛghaa wo iphɛ so nten ne irway ishwii mon da, nzɛ ne ta yaang nyini dɔng ɛ sɛ ne yɛk ɛn irway ihwala, sɔng ɛnyi sɛ ne phɔt irway ihwala mon da nang.

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛMacu 26:28

Neyi nge naa wo ne kɛ lok tɛ nibhɛ yaa shwaak ìtsɛm ihywas daa ninyi na gbom.

ɛMacu 26:30

Ne sɛ nibhɛ kɛ yaak ne iywel, nibhɛ ne wuru nibhɛ phɛ daa ne iGol Niphaa.