ɛMacu 26:24 - ɛWee ne ìTsɛm iHywas

²⁴ ɛNgɔn ɛNyi gha yaa ku ɛli ne kɛ ku haa ibol ɛbhɛ de, gbik ne iphɛ ɛlɛy iphɛ ne so ɛkɔn ne ɛnik daa ɛnyi gha ne ɛ kɛ sim ɛ rɛp ɛngɔn ɛnyi gha! Sɛɛ ma yung yɔng kɛ ku shɛɛ tang yɛk ɛnyi yɛghaa nggyɛ wo, iphɛ sɛ ne phyin ɛbhɛ ne yɛnɛng.”

ɛMacu 26:24 ပူးပေါင်းရင်းမြစ်များ

ɛLuka 24:46

Ɛ kaa yaak nibhɛ, “ɛKɔn neghaa ne Kaa haa ndɔ ne ɛWee ne iBol ɛTaanggbey yo, iPhɛ so nggbinggbing, ɛKiriti gha sɔ nggbang ɛ ji yilitsik ndɔ ne ikpuu ba ɛtuk ne itwat tɛ,

ɛMacu 18:7

“ɛKɔn ne ɛnik daa ninaa ɛzay ya daa nikɔn na nɛ nibhɛ te ninyi na mɔn ɛfɔt to! iPhɛ ku so nggbinggbing nikɔn ne ɛfɔt ta yɛɛset, ne so ɛhaa ɛkawɛy yaa nggyɛy ne ɛbhɛ ɛ kɛ yɛɛset nɛ nibhɛ!”

1 iKɔrɔntos 15:3

ɛKɔn na ne ɛ shɛs gbik ndɔ nikɔn na ne nggɛ say yo ɛbhɛ ne nzi ne ma tɔng nyini. Ɛbhɛ ghaa lɛ, ɛKiriti gha kaa ku ɛlɔ ne ɛfɔt njwɛɛn, ɛli ne kɛ haa ndɔ ɛWee ne iBol ɛTaanggbey yo,

ɛYohana 17:12

ɛLi ne nggaa sonɛ nibhɛ wo, nggaa ne kyɛngɛse nibhɛ, ne n wɛɛ nibhɛ yɛnɛng lenɛ ne ihwet da irywɛɛk mo wo ne ɛ kɛ nang me wo bok. Sɔng ɛdɛng kɛ ne birit tang, kang ne ɛhaa ne kaa ku yɔngɔ ɛ sɛ birit to, te shwaak ɛwee ne iBol ɛTaanggbey yo.

ɛLuka 22:22

ɛNgɔn ɛNyi gha yaa ne ku ɛli ne kɛ ku yɔngɔ wo, ne so ɛkɔn ne ɛnik daa ɛnyi gha ne aa ne rɛp me wo nang!”

ɛMarakus 14:21

iPhɛ ku so nggbinggbing mee ɛNgɔn ɛNyi gha n ku ɛli ne kɛ ku haa ndɔ ne iwee ne ibol ɛTaanggbey yo. iPhɛ ne soye ɛKɔn ne ɛnik daa ɛnyi gha ne ɛ kɛ phok ghe ɛ rɛp ɛNgɔn ɛNyi gha! Sɛɛ ma yung yɔng kɛ ku shɛɛ tang yɛk ɛbhɛ.”

ɛMacu 26:54

Wu nggɛ ne mɔn ɛlɛ wo sɛ ne mɔn ɛlii i shwaak iBol ne iWee de ne kɛ ku haa i bo wu iphɛ so ngbingbing ɛlɛy yoo?”

ɛMarakus 9:12

ɛYɛso gha ne kyii nɛ ɛ yaak nibhɛ, “iPhɛ so ɛtsak ne kɛ haa ndɔ ne iWee ne ibol ɛTaanggbey yo i bo wu ɛLiya gha se tsa ɛ yɛɛs so ɛ ryɔng nikɔn na. Kɛ ne ma ta haa i bo wu ɛNgɔn ɛNyi gha sɛ ne sɔ nggbang ngga hywee-hywee, ne ta mbaray ɛbhɛ. Hang ma sang so ɛ ɛlɛy naa?

ɛMacu 26:56

Nikɔn nɛnaa wo kaa ne tes gbik ɛlɛ wo, te shwaasek ivol da ninabawa na kaa ku haa ndɔ ne ɛWee ne iBol ɛTaanggbey yo.” Ninɔn ne icwam ma ne tek ɛYɛso yegha nibhɛ tel.

ɛTomɛ 28:23

Nibhɛ ne yɛk ne ɛtuk nɛ nibhɛ sɛ sɛm me nɛ, ninyi na gbom ne yɛɛset ɛlɔ gha ne ɛBulus sa kɛ tek nɛ nikɔn na, ɛBulus sa ne i kpɛl nibhɛ ivol ne igbɔm ɛTaanggbey da gbik. Ɛ kaa ne tsa ne ihwɛlɛ ne ɛ phyii bhɛ hɔn irwirywɛ ɛ kpɛl nibhɛ ivol da ɛ kyangase nɛ tɛ nibhɛ hyereey nibhɛ nang ne itin nɛ ne ɛYɛso gha lenɛ ne ɛShara ɛMuusaa gha gbik ne ibol ne iwee ninabawa na.

ɛTomɛ 4:28

Nibhɛ kaa byinkit gbik tɛ nibhɛ mɔn ɛkɔn na ne ɛ kɛ ku lɔl lɛ lenɛ ne ihwet mo ne ishwim mo.

ɛTomɛ 2:23

ɛTaanggbey ya kaa ku lɔl lɛ, ne ɛ ku i yɛɛ iphɛ ɛlɛy. Ɛ kaa nang ɛn ɛYɛso yeghaa wo ndɔ ne iwɔ nibebhe ninyi, nibhɛ ne phoo ɛbhɛ dak ne ihon.

ɛYohana 19:28

ɛYɛso gha ne seng wu ɛ kɛ taal ɛtomɛ ɛbhɛ gha gbik, ne ɛ yɔngɔ, “iRway nge kɛ yaa has.” Ɛ kɛ boote ɛlɛ wo te ne shwaak ɛkɔn na ne kɛ haa ndɔ ɛWee ne iBol ɛTaanggbey yo.

ɛYohana 19:24

Nibhɛ ne yɔngɔ, “Sɔng njwɛɛn kpɛrɛ ɛbhɛ wo nang, njwɛɛn te sɔ ihywi, te seng ɛnyi gha ne aa boos ɛbhɛ.” Nibhɛ kaa ne mɔn ɛlɛ wo te shwaak ibol de ne kɛ ku haa ndɔ ne ɛWee ne iBol ɛTaanggbey yo i bo, “Nibhɛ kɛ hobhos itsura nge ndɔ nibhɛ. Nibhɛ ne ji sɔ ihywi daa ne ɛtura ɛdɔrɔng nge wo.”

ɛMacu 26:31

ɛYɛso gha ne yaak ninɔn ne icwam ɛbhɛ na, “Gbik mon no aa tel ɛn ɛ tek ɛn mɛɛn daa ɛkɔn na ne aa te ne mee wo, te ne shwaak ibol de ne kɛ haa i bo, ‘Naa hale ɛhaa ne hyep ᐩigyol la ᐩigyol lɛ teye shwaa.’