ɛMacu 26:18 - ɛWee ne ìTsɛm iHywas

¹⁸ ɛYɛso gha ne yaak nibhɛ, “Cwi ɛn ndɔ ɛgarang nga ɛlɔ ɛdɛ ɛnyi gha te ne ɛbhɛ yaak ɛn ɛbhɛ, ɛKyɛɛ ne iCwam ma i bo te njwi yaak kɛ wu nten nɛ yek cɛcɛk, wu yaa ne re ire ne idira ne Tes iDee de tsak ko ne ijwee mo nɛ ninɔn ne icwam ɛbhɛ.”

ɛMacu 26:18 ပူးပေါင်းရင်းမြစ်များ

ɛYohana 7:6

ɛYɛso gha ne kyii nɛ, ɛ yaak nibhɛ, “Sɔng nten nge de kɛ ku shii tuu nang. ɛLɔ mon na nang, nten de kɛ ne jam nyini nɛ.

ɛYohana 17:1

Kɛ ne sɛ ɛYɛso gha kɛ taal ivol lɛbaa wo, ne ɛ waal ito ɛ yɛɛn daa ne irywa ɛ roo ɛ yɔngɔ: “ɛTaa nten nɛ kɛ tuu. Tɔɔrek ito-ndiinday mo daa ɛNgɔn mo gha, te ɛNgɔn na ne ma tɔɔrek kɛ ito-ndiinday.

ɛYohana 13:1

ɛTuk kɛ kaa ne mak ɛdaan ne yaa tsa iDira ne Tes iDee de Tsak ko. ɛYɛso gha ne i yɛɛ wu nten nɛ kɛ tuu ne aa tek ɛzay yɛghaa wo ɛ kyii ɛlɔ ɛKyɛɛ gha. Ɛ kaa ne ku i sim ninyi ɛbhɛ na nɛ nibhɛ kaa so ne ɛbhɛ ndɔ ɛzay ya, ne ɛ kaa tɔɔrek nibhɛ ishwim bhɛ hɔn ɛgak kɛ.

ɛYohana 7:30

iPhɛ ɛlɛy yang, nibhɛ ne yaa sim nibhɛ yaa wum ɛbhɛ, sɔng ɛnyi ne kyii dad ɛbhɛ nang, daa ɛli ne nten ɛbhɛ de kaa kyi tɔ.

ɛYohana 7:8

Cwi ɛn ne idira de. Sɔng naa phɛ nang, daa ɛli ne nten nge de kyi tɔ.

ɛYohana 12:23

ɛYɛso gha ne kyii nibhɛ nɛ ɛ yɔngɔ, “Nten nɛ kɛ tuu ne ɛNgɔn ɛNyi gha yaa lel ne ito-ndiinday ɛbhɛ de.

ɛLuka 22:53

Nggɛ shɛɛ ɛbɛ wo nɛ nyinɛn ndɔ ne iDeng ngge cɛcɛɛy, sɔng ɛ kɛ ne ku yɔng aa wum ɛn mɛɛn nang. ɛLyilyɛghaa wo iphɛ ne ji so nten mon, nten de ne igbyik ge iphɛ i re igbɔm ba.”

ɛYohana 11:28

ɛTsim mɛ ne ɛMata gha kɛ boote ɛlɛ wo, ne ɛ kyii ɛbhɛ yel-le ɛgwaa ɛbhɛ ɛMɛri yegha ɛ boote ne ɛbhɛ ne itsoro, ɛ yaak ɛbhɛ, “ɛKyɛɛ ne iCwam ma so ɛbɛ wo, ɛɛ ne phomos sɛ.”

ɛMarakus 5:35

Kɛ ne sɛ ɛYɛso gha tɔ ndɔ ne ivol ba nang, nidɛng ninyi na ne le ne ijwee ɛYɛrus so nibhɛ tuu nibhɛ yaak ɛbhɛ, “ɛLap mo gha kɛ ku, sɔng ɛ yung yɔng wu yaa bak ɛkyɛɛ yegha nggbang nang.”

ɛMacu 26:2

“Ɛ yɛɛ ɛn idira ne Tes iDee de Tsak ko kɛ mak nituk ifaa, sɛ ne nang ɛNgɔn ɛNyi i bhɛ gangat ɛbhɛ.”

ɛMacu 23:10

Sɔng ne yel-le nyini ‘ɛNdiinday’ yang, daa ɛli ne ɛ bok ɛndiinday ya ɛdaan zɔng, ɛbhɛ ɛ soye ɛKiriti gha.

ɛMacu 23:8

“Sɔng ne yel-le nyini ɛKyɛɛ ne iCwam ma nang, daa ɛli ne ɛ bok ɛn ɛKyɛɛ ne iCwa ma ɛdaan, ne ɛ so ɛn nigwaa gbik.

ɛMacu 21:3

Wu ɛnyi kɛ boote ne nyinɛn, yaak ɛn ɛbhɛ, ‘ɛDaray ɛbhɛ sim, aa ne phyɔngɔle ɛbhɛ kyii nɛ.’ ”

ɛYohana 20:16

ɛYɛso gha ne yel-le ɛbhɛ ɛ yɔngɔ, “ɛMɛri!” ɛMɛri gha ne hyereey ɛ phɛɛs ne sɛ ɛYɛso yegha ɛɛ bo, “ɛRaboni!” Te kaa so ɛ bo ɛKyɛɛ ne icwam ndɔ ne ilem ne iRamik ge.

ɛMacu 26:49

ɛYahoda gha ne ku phee tsik ɛ phɛ ɛlɔ ɛYɛso gha, ɛbhɛ yaak ɛbhɛ, “Te irway ne laal shɛɛ ne igyɛ ɛkyɛɛ ne iCwam ɔɔy,” ne ɛ ji kumure ɛYɛso yegha.

ɛMacu 26:19

Ninɔn ne icwam ma ne mɔn ɛli ne ɛYɛso gha kɛ tɔng nibhɛ wo, nibhɛ ne bhɛ ryɔng ire ne idira ne Tes iDee de tsak ko.