ɛMacu 26:13 - ɛWee ne ìTsɛm iHywas

¹³ Nzi tɔng nyini itin nɛ gbik ɛlɔ gha ne sɛ bhɛ sanga ne ibol iyɛnɛng ngɛ de wo ndɔ ɛzay ya, sɛ ne ma phyii ɛ tɔng ɛkɔn na ne ɛkuk kɛwo kɛ mɔn no te ne maa tas ne ɛbhɛ.”

ɛMacu 26:13 ပူးပေါင်းရင်းမြစ်များ

ɛMarakus 14:9

ɛTsak! Gbik ɛlɔ gha ne sɛ bhɛ sanga ne ɛnu ne ibol iyɛnɛng nge gha ndɔ ɛzay ya, sɛ ne ma phyii dat ngka ɛkuk kɛdee wo, da ɛkɔn na ne ɛ kɛ mɔn me nɛ wo. Ninyi na sɛ ne i maa tas ne ɛbhɛ.

ɛMacu 24:14

Sɛ ne sanga iBol iYɛnɛng ne iGbɔm ɛTaanggbey da ɛzay ya gbik, tɛ igbagha ɛzay yo phok nyɛɛn, ɛzay ya ne ji kyi taal le.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

Nikɔn ne kɛ Phaal 14:6

Ne n da yaang ɛdɛ ɛmalɛka gha dɔng, ɛɛ tel ɛceree ne irywa ne ivel, ɛ bok iBol iYɛnɛng ne inat ne aa tɔng ninaa ɛzay ya. Aa tɔng igbagha ɛzay yo, ne itaang ɛzay de, ilwem ɛzay da, ne ihywee ɛzay de gbik.

1 ɛTimɔti 2:6

Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

2 iKɔrɔntos 10:18

Sɔng ɛnyi gha ne ɛ ton ito ɛbhɛ de ɛbhɛ ne ɛTaanggbey i say nang, yang so ɛnyi gha ne ɛTaanggbey ya ton ɛbhɛ.

iRooma 15:19

ne ihwet ne nyu nikɔn, nɛ nikɔn ne kparat, lenɛ ne ihwet ne iKabyik ɛTaanggbey. iPhɛ ɛlɛy nggɛ le ne iYɛrushɛlɛm n phyii bhɛ hɔn iLirikum nzi sanga iBol iYɛnɛng ɛKiriti de n phyii taal ɛtomɛ yɛghaa wo gbik.

iRooma 10:18

Nzi phomos, “Nibhɛ kɛ shɛɛ tang phok ko ɛtsak ghee? Nibhɛ kɛ phok. ɛWee ne iBol ɛTaanggbey yo bo, ‘iZok ne izɔlɔs nibhɛ de kɛ bhɛ hɔn ndɔ ɛzay de gbik, ivol nibhɛ da kɛ bhɛ tuu ɛgak ɛzay yo.’ ”

ɛLuka 24:47

ndɔ ne irywɛɛk ɛbhɛ wo ne sɛ ne tɔng igbagha wo gbik ibol ne san ɛbɔk ge, ne idee ne hana ɛfɔt. Sɛ ne tsa ne iYɛrushɛlɛm.

ɛMarakus 16:15

ɛYɛso gha ne yaak nibhɛ, “Cwi ɛn ndɔ ɛzay ya gbigbik, te ɛbhɛ tɔng ɛn igbagha wo gbik ibol ɛyɛnɛng ngge.

ɛMarakus 13:10

iPhɛ so nggbinggbing igbagha ɛzay yo gbik phok ɛnu ne ibol nge gha nyɛɛn ɛzay ya kyi taal le.

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

ɛTomɛ 10:4

ɛKɔnɛliyas sa ne wum ɛnik ɛ see ɛmalɛka gha ne irwisɛ, ɛ phom ɛbhɛ ɛ yɔngɔ, “ɛDaray, ikyee lɛɛ?” ɛMalɛka gha ne kyii nɛ ɛ yaak ɛbhɛ, “ɛTaanggbey ya kɛ say ivol da ne ɛ bol nɛ ɛbhɛ wo gbik nɛ nikɔn niyɛnɛng nga ne ɛ mɔn nihala na nɛ wo. Ɛ kɛ say nibhɛ te ihap itsanga.