ɛMacu 26:10 - ɛWee ne ìTsɛm iHywas

¹⁰ ɛYɛso gha ne seng ɛkɔn na nɛ nibhɛ tas so, ne ɛ yaak nibhɛ, “iKyee iphɛ kɛ te ɛ tak ɛn ɛkuk kɛgha wo iyɔm be? Ɛ kɛ mɔn me ɛkɔn ɛyɛnɛng.

ɛMacu 26:10 ပူးပေါင်းရင်းမြစ်များ

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

ɛTitus 3:1

Taate ninyi mo na nɛ wu tɛ nibhɛ laasek nindiinday ne ivel la nɛ gbik nɛ nigɔm ma. Tɛ nibhɛ roos ibol nibhɛ, nibhɛ ryɔng en ɛli nɛ nibhɛ yaa i mɔn nikɔn niyɛnɛng gbik.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

ɛTitus 1:16

Nibhɛ bo wu nibhɛ i yɛɛ ɛTaanggbey ye, ɛtomɛ nibhɛ gha i ne kyi ton iyɛɛ ɛTaanggbey yeda. Nibhɛ soye ɛkɔn ne ishis, nisang-phok, sɔng nibhɛ kɛ ma yung jam mɛ nibhɛ sɛɛ mɔn ɛkɔn ɛyɛnɛng nga nang.

2 ɛTimɔti 2:21

ɛLɛy ne iphɛ ne sonɛ ninyi na ne mang. Wu ɛnyi gha kɛ kuus ito ɛbhɛ ndɔ ne ibebhe de, ne ɛ so tɛ nikɔn na ne i mɔn ne ɛtomɛ ɛgbaang ɛtuk ka. Ɛ kɛ tul le kang ɛ teye ɛnyi ne aa mɔn ɛkyɛɛ ne ijwee ɛbhɛ gha ɛtomɛ, ɛ kɛ ne ryɔng te ɛ mɔn gbik ɛtomɛ ɛyɛnɛng nga ne ɛ kɛ jam.

1 ɛTimɔti 5:10

Te ɛ so ɛkuk ne ngka nitomɛ ɛbhɛ kɛ jam, kaabi ɛ boos ninɔn ɛbhɛ byirik, ɛ say ninaa ne ikpoo, ɛ mɔn ninaa roos ɛTaanggbey ye ɛtomɛ, ɛ phyighis ninaa nɛ nibhɛ i tɔk iphyik, ɛ kɛ see ito daa ne mɔn nikɔn niyɛnɛng cɛcɛɛy.

1 ɛTimɔti 3:1

iBol lɛdee wo so itin nɛ sɛ kyinak daa ne iphɛ, gbik ɛnyi gha ne ɛ bok irway ne teye ɛndiinday ne idira ninaa ne roos sa, ne ɛ bok irway ne mɔn ɛgbaang ɛtomɛ.

2 iTasɔlɔnika 2:17

te nyini itsɔngɔl gɛgɛy, ɛ nang nyini ihwet ne mɔn nikɔn niyɛnɛng gbik ne bol ivol iywɛnɛng.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iGalatiya 6:17

Naa ne ta yaak nyini, sɔng ɛdɛ ɛnyi ne tang ta tak me iyɔm be nang, daa ɛli ne itsili de ne n bok ne ibek nge de kɛ tɔɔrek wu n some ɛkpuru ɛYɛso gha.

iGalatiya 5:12

Ninyi yɛnaa wo nɛ nibhɛ suruk ihywɛɛ mon de daa ne ibol ne hyɛghɛ icwee da, nzi ne bo tɛ nibhɛ sɛɛ ma yung tuul ivaa nibhɛ gbik.

iGalatiya 1:7

ɛTsak, sɔng idɛ ibol iyɛnɛng ngge sonɛ kang nang. Nggɛ boote ɛlɛ wo, daa ɛli nɛ nidɛng ninyi na sonɛ nɛ nibhɛ hyeem ibol iyɛnɛng ɛKiriti de ne nggɛ tɔng nyini wo.

2 iKɔrɔntos 9:8

ɛTaanggbey ya i yɛɛ ne sit nyini nɛ Niwɛng nga gbik, tɛ nibhɛ hɔn nyini gbik, te ɛ sɛ ɛn gbik nikɔn na nɛ nibhɛ yaa hɔn nyini cɛcɛɛy, ɛ ji mɔn ɛn ne ɛtomɛ ɛyɛnɛng nga.

ɛMarakus 14:6

ɛYɛso gha ne yaak nibhɛ, tek ɛn ɛkuk ka yak. Ɛ mɔn ɛn ɛlii ɛ bol ɛn ne ɛbhɛ woo? Ɛ kɛ mɔn me ɛkɔn ɛyɛnɛng.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

ɛMacu 26:9

Sɛɛ yɔng kɛ rɛp inɔɔy yɛdaa wo ne ijam gbom i naas nihala ijam mɛ.”

ɛMacu 26:11

Ninyi nihala na so ɛbɛ wo ne nyinɛn, sɔng naa ne maa i shɛɛ ne nyinɛn no nang.

ɛLuka 8:49

Kɛ ne sɛ ɛYɛso gha tɔ ndɔ ne ivol ba, ɛdɛ ɛhaa ne ijwee ɛYɛrus sa ne tuu, ɛ yaak ɛbhɛ, “iFɔng ɛngɔn mo da kɛ wuru, sɔng ɛ yung bak ɛkyɛɛ ne icwam megha nggbang nang.”