ɛMacu 25:4 - ɛWee ne ìTsɛm iHywas

⁴ Ninaa ne ntsɛntsɛng nga kaa ne boos ifitila nibhɛ da, nibhɛ ne yɛk inɔɔy nicucus hyɔrɔ nibhɛ boos.

ɛMacu 25:4 ပူးပေါင်းရင်းမြစ်များ

iRooma 8:9

Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

1 ɛYohana 2:27

Nyinɛn no nang, ɛKiriti gha kɛ ne tul nyini kang lenɛ ne ɛ kɛ sit nyini ne iKabyik ɛbhɛ. ɛLi ne iKabyik ɛbhɛ de so ndɔ mon no, sɔng ne ˆɛ ta tɔtɔk ɛn ɛdɛ ɛkyɛɛ ne icwam ma kang ne aa mɛmɛ nyini nɛ nang. Daa ɛli ne iKabyik ɛbhɛ de i mɛmɛ nyini nɛ nikɔn na gbik, imɛmɛ ɛbhɛ da ne so itin nɛ sɔng irywɛɛk nang. iPhɛ ɛlɛy, ne ˆɛ roos ɛn imɛmɛ ne iKabyik ge te ˆɛ shɛɛ ɛn ndɔ ne ìtsɛm be ne ɛKiriti gha.

ɛYohana 3:34

ɛNyi gha ne ɛTaanggbey ya kɛ tom mo nang, ɛ ne bol ivol ɛTaanggbey daa ɛli ne ɛTaanggbey ya kɛ nang ɛbhɛ iKabyik wɛlɛng ɛgak.

1 ɛYohana 2:20

Nyinɛn no, ɛKiriti gha ɛhaa ne ɛ so kang ngo kɛ ne tul nyini kang, iphɛ ɛlɛy gbik mon no ˆɛ yɛɛ ɛn itin de.

ɛYahuza 1:19

Ninyi yɛnaa nggyɛ wo ne soye ninaa ne yɛɛs ne hosop nɛ ninaa ne roos ihyop ne ibek ngɛ. Sɔng nibhɛ bok ikabyik ɛTaanggbey de nang.

2 iKɔrɔntos 1:22

ɛTaanggbey ya kɛ yɛk njwɛɛn ne ɛlamba ne aa tɔɔrek wu njwɛɛn soye ninaa ɛbhɛ. Ɛ kɛ ne nang njwɛɛn iKabyik ɛbhɛ ndɔ ne irway njwɛɛn, te njwɛɛn seng ncɛncɛng wu ɛ sɛ shwaak ɛkɔn na ne ɛ kɛ ku sim njwɛɛn nɛ wo.

ɛMacu 7:24

“iPhɛ ɛlɛy, ɛhiha ɛnyi ne ɛ kɛ tenes ivol lɛdaa wo, ɛ ji mɔn ɛtomɛ ne ifɛ, ne ɛ so te ɛnyi ɛntsɛntsɛng ne ɛ kɛ lɔl ijwee ɛbhɛ daa ne ɛphang.

ɛMacu 10:16

“Phok ɛn, nggɛ tom nyini te ᐩigyol ntsabhak ne ihywɛ phɛɛs ɛlɔ nibabu ne izaram. Nɛ te ɛn ntsɛntsɛng te izɔ, te ɛn hywɛɛ te ihywihywaa.

ɛMacu 25:2

Nibhɛ ne iwii ndɔ nibhɛ wo kaa ne so niwamang, nibhɛ ne iwii ne bok ntsɛntsɛng.

ɛMacu 25:3

Niwamang nga kaa ne bo ifitila nibhɛ da, sɔng nibhɛ ne bo inɔɔy nɛ nibhɛ yaa bhɛ hante nɛ yang.

ɛMacu 25:5

Sɔng ɛyiyaam ne yɛl la ne wɔɔ ne tuu nang, nilyilyap pa ne yaa phok nwa, nibhɛ ne wum nwa ba.