ɛMacu 25:3 - ɛWee ne ìTsɛm iHywas

³ Niwamang nga kaa ne bo ifitila nibhɛ da, sɔng nibhɛ ne bo inɔɔy nɛ nibhɛ yaa bhɛ hante nɛ yang.

ɛMacu 25:3 ပူးပေါင်းရင်းမြစ်များ

2 ɛTimɔti 3:5

Nibhɛ sɛ tɔɔsel kpas tɛ nibhɛ soye ninaa ɛTaanggbey nibhɛ ne kyii mbaray ihwet da ne ifɛ yaa phyik nibhɛ ne roos ɛTaanggbey yegha byirik. Sɔng ɛkɔn byinki yɛnɛ ninyi yɛnaa nggyɛ wo nang.

Nikɔn ne kɛ Phaal 3:1

Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.

iBirani 12:15

Wɛɛ ɛn yɛnɛng, sɔng ɛdɛ mon hyere ɛTaanggbey yegha ne ɛ nang izɛɛng ngge ɛduu nang. Sɔng ɛdɛ mon yɛk irway ivebhe ne ifɛ yaa hɔn ifɛ yɛɛs ne ishisim, ifɛ bees ninyi na gbom mo nang.

ɛMacu 25:1

“Nten nɛdee nggyɛ wo, igbɔm ɛdaa ne irywa da sɛ ne so te ibol ninɔn nilyilyap ɛnduwubɔ nɛ nibhɛ kaa bo ifitila nibhɛ, nibhɛ phɛɛs ne say ne ɛyiyaa ne yɛl.

ɛMacu 25:2

Nibhɛ ne iwii ndɔ nibhɛ wo kaa ne so niwamang, nibhɛ ne iwii ne bok ntsɛntsɛng.

ɛMacu 25:4

Ninaa ne ntsɛntsɛng nga kaa ne boos ifitila nibhɛ da, nibhɛ ne yɛk inɔɔy nicucus hyɔrɔ nibhɛ boos.