ɛMacu 24:30 - ɛWee ne ìTsɛm iHywas

³⁰ “Nɛ nten nɛ ne nyu ne yɛɛs ɛNgɔn ɛNyi de ne ji wuru daa ne inɔp. iLwem ɛzay da sɛ ne sirit niyilis daa ɛli nɛ nibhɛ kɛ yaang ɛNgɔn ɛnyi gha yaaso ndɔ ne inɔp ndɔ ne igbom ne ito-ndiinday.

ɛMacu 24:30 ပူးပေါင်းရင်းမြစ်များ

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

ɛTomɛ 1:11

Nibhɛ ne yɔngɔ, “Ninyi ne iGalili iKyee phɛ kɛ te ɛ kɛ kyinasek ɛn ɛbɛ woo ɛ wɛɛ ɛn ɛdaa ne irywa woo? Kɛ bo ɛYɛso yeghaa i hyel lɛ phɛɛs nɛ daa ne irywa, ɛhak ɛtuk, ɛ sɛ ne bhɛ kyii ɛli ne ɛ kɛ yaang ɛn ihywel lɛ wo.”

ɛMacu 26:64

ɛYɛso gha ne yaak ɛbhɛ, “Ɛ kɛ mɔng ɛlɛy. Nzi ne tɔng nyini, yaa tsa izenge wo aa yaang ɛNgɔn ɛNyi gha kɛ soos ne iwɔ ne irwye ɛHaa ne iTo Gbik ka ne ɛ yaaso ndɔ ne inɔp ɛdaa ne irywa.”

ɛLuka 21:27

Nten nɛdee nggyɛ wo ne sɛ ne ji yaang ɛNgɔn ɛNyi gha yaaso ndɔ ne inɔp, ne igbɔm gbik ne ito-ndiinday gbom.

ɛMacu 24:3

Kɛ ne sɛ ɛYɛso gha kɛ soos daa ne iGol Niphaa de, ninɔn ne icwam ɛbhɛ na ne bhɛ sɛ ɛbhɛ gying, nibhɛ phom ɛbhɛ nibhɛ yɔngɔ, “Tɔng njwii, nggyibhii nɛ nikɔn nɛnaa wo sɛ tes soo? ɛYakɔn ɛbhɛ sɛ ne tɔɔrek nyu ne yɛɛs mo de ne izee ne taal ɛzay dee?”

2 iTasɔlɔnika 1:7

Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

ɛMarakus 13:26

Nɛ nten nɛ, ninyi na ne ji yaang ɛNgɔn ɛNyi gha kɛ wuru ndɔ ne inɔp, ne ito-ndiinday ne igbɔm ɛ yaaso nɛ.

ɛLuka 22:69

Yaa ne lenɛ ɛlyilyɛghaa wo, aa ne yaang ɛn ɛNgɔn ɛNyi gha kɛ soos ne iwɔ ne irwye ɛTaanggbey ne ɛ Bok iTo Gbik.”

ɛMarakus 13:4

“Tɔng njwii! Nggyibhii nɛ nikɔn nɛnaa wo sɛ tes soo? ɛYakɔn ne njwi sɛ ne yaang njwi seng wu nikɔn nɛnaa wo yungaa tes soo?”

ɛMacu 24:37

Te ɛli ne iphɛ kaa te nten ɛNuhu de, ɛlɛy ne iphɛ sɛ ne te, sɛ́ sɛ ɛngɔn ɛNyi gha yaaso wo.

ɛMacu 24:39

Nibhɛ ne yɔng wu te i seng en, ɛgbaang inɛn no kɛ ku yɛɛs ɛbhɛ ne kpuusi nibhɛ. ɛLɛy ne iphɛ sɛ ne so nten ne yɛɛs ɛNgɔn ɛNyi de.

Nikɔn ne kɛ Phaal 12:1

Ne yaang nyu ɛdɛ gbaang ɛkɔn ne kparat ta daa ne irywa wo, ɛkuk ne ɛ kɛ cwaal le ne iroy te ɛzene, ifɛl so ne itiita ɛbhɛ, ɛkɔn ne ito ne igbɔm ne ɛ bok niyuyɔrɔ ɛnduwubɔ nɛ nibhɛ ifaa so daa ito ɛbhɛ.