ɛMacu 24:13 - ɛWee ne ìTsɛm iHywas

¹³ ɛNyi gha ne ɛ kɛ ne rop iku i bhɛ phyii taal, ɛbhɛ sɛ ne iphɔrɔt.

ɛMacu 24:13 ပူးပေါင်းရင်းမြစ်များ

ɛMacu 10:22

Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

ɛMarakus 13:13

Ninyi gbom sɛ ne yaa mbaray nyini ɛlɔ me wo. ɛNyi gha ne ɛ sɛ ne kyinak gɛgɛy ndɔ ne ibol nge de nang ɛbhɛ sɛ ne phɔrɔt.

iBirani 10:39

Sɔng njwɛɛn ne so ndɔ ninyi na nɛ nibhɛ kyisi ne ɛtsim ma nibhɛ phɛɛs ne bees se wo nang, njwɛɛn yang so ndɔ ninyi na nɛ nibhɛ kɛ nang ne itin nɛ nibhɛ phɔrɔt.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

ɛLuka 8:15

iHywee de ne ihywɛ kɛ ne ho ne ivel nyɛnɛng ngga ne ji so tɛ ninyi nɛ nibhɛ kɛ phok ibol de, nibhɛ say iphɛ, nibhɛ boos iphɛ yɛnɛng ne irway ilyaak, nibhɛ kyinak ngɛ nting, nibhɛ phyii yɛk ibɔrɔk.”

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

ɛMacu 24:6

Ɛ sɛ ne phok ɛn ngka ne itsom ne i ta cɛcɛk, ne ɛ phok ɛn ngka ne izee ne i ta kyakyak. Sɔng ne ɛ sap ɛn nang, iphɛ so ngbingbing nikɔn nɛnaa tes, itaal ɛzay da sɛ ne kyi tɔ.

ɛMacu 24:12

iBebhe de sɛ ne hantey yɛ, iphɛ ne te ishwim ninyi da ne te ntsentseng.

ɛLuka 21:19

Kyinak ɛn nting, ɛ sɛ ne phɔt ɛn ito mon.