ɛMacu 22:4 - ɛWee ne ìTsɛm iHywas

⁴ Ne ɛ ta tom nidɛng nikpuru ɛbhɛ na dɔng ɛ yaak nibhɛ, ‘Cwi ɛbhɛ yaak ɛn ninyi na ne kɛ mɔng nibhɛ idira de, wu kɛ ku ryɔng nikɔn ne idira na gbik, kɛ hyɛghɛ irwandɔng ngga ne kaa ku sal i hyep ne idira de, ire de kɛ ne bel. Yɛɛs ɛn ne idira de.’

ɛMacu 22:4 ပူးပေါင်းရင်းမြစ်များ

ɛTomɛ 13:46

ɛBulus sa ne ɛBanabas sa ne boote ne irway nviit nibhɛ yɔngɔ, “iPhɛ kɛ so ngbingbing njwi tsa tɔng nyini niYahodawa na ibol ɛTaanggbey de. Ɛ ne mbaray ɛn nyini iphɛ. iPhɛ kɛ ne tɔɔrek, sɔng ɛ kɛ ma yung hɔn ɛn sɛɛ nang nyini iken ne inat de nang. Njwi yaa ne tek nyini njwi phɛ ɛlɔ ninyi na ne hame nibhɛ so niYahodawa.

ɛMacu 21:36

Ɛnyi gha ne ta tom nidɛng nikpuru ɛbhɛ na nɛ nibhɛ bhɛ phyin ninaa ɛyisɛ na, ninaa ne wɛɛ ihwap ba ne ta bhɛ mɔn nibhɛ te ninaa ɛyisɛ na dɔng.

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

ɛTomɛ 1:8

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

ɛLuka 14:17

Kɛ ne sɛ nten ne idira de kɛɛ tuu, ne ɛ tom ɛkpuru ɛbhɛ wu te ɛbhɛ yaak ninyi na, ‘Yɛɛs ɛn kɛ ryɔng nikɔn na gbik.’ ”

ɛMacu 22:8

“ɛGɔm ma ne yaak nikpuru ɛbhɛ na, ‘Kɛ ku ryɔng nikɔn ne idira na, ninaa ne kɛ ku tɔng nibhɛ wo, sɔng nibhɛ ne so ɛli nɛ nibhɛ yaa re idira de nang.

ɛMacu 22:5

“Sɔng ninyi na ne kɛ mɔng nibhɛ idira de ne bhɛ tenes ibol lɛ nang, ɛdɛng ne phɛ ɛhay ɛbhɛ, ɛdɛng ne phɛ ɛtomɛ ne lɛbhɛl nikɔn ɛbhɛ,