ɛMacu 22:3 - ɛWee ne ìTsɛm iHywas

³ Ne ɛ tom nikpuru ɛbhɛ ɛlɔ ninyi na ne kɛ mɔng nibhɛ idira de wu tɛ nibhɛ yɛɛs, ninyi na ne bhɛ mbaray.

ɛMacu 22:3 ပူးပေါင်းရင်းမြစ်များ

Nikɔn ne kɛ Phaal 22:17

iKabyik ge gbik ne ɛYɛl lo i bo, “Yɛɛs.” Gbik ɛnyi gha ne ɛ kɛ phok ibol lɛdee wo, te ne ɛ ma yɔngɔ; “Yɛɛs.” Gbik ɛnyi gha ne irway ɛbhɛ i has te ne ɛ yɛɛs. Gbik ɛnyi gha ne ɛ sim tɛ ne ɛ yɛɛs ɛ say inɛn ne iken da buu.

iRooma 10:21

Daa ne ibol ninyi niSɛrɛla de ɛTaanggbey ya kɛ ne ta yɔngɔ, “Nggɛ phoo iroy gbik, nggɛ phaal ninaa ne sang roos ibol nge de gbik nɛ nisang-phok kɛ na wo ibɔ nge.”

ɛYohana 5:40

Gbik ne iphɛ ɛlɛy, sɔng ɛ kɛ ne sim ɛn ɛ yɛɛs ɛn ɛlɔ nge gha ɛ say ɛn iken inat de nang.

ɛTomɛ 13:45

Ne sɛ niYahodawa na kɛ yaang ɛgbaang ne idira ninyi wo, nibhɛ ne yaa waa irway, nibhɛ hyis ɛBulus segha ne ɛnyɛs, nibhɛ re ishamas nibhɛ jii ishamas ivol ɛbhɛ da.

ɛLuka 19:27

ɛLyilyaghaa wo, ninaa ne iphup nge na, nɛ nibhɛ bo wu hang naa te me ɛgɔm nibhɛ gha, yɛɛs ɛn nɛ nibhɛ ɛbɛ, te ɛ phobho ɛn nibhɛ ɛnu ɛyisɛ nge.”

ɛLuka 15:28

“ɛGwaa ɛkɔɔn na ne te njenjek gbom, ɛ mbaray tang lel ndɔ ne ijwee wo. iPhɛ ɛlɛy ɛkyɛɛ gha ne wuru ɛbhɛ roo ɛbhɛ wu te ɛ lel ndɔ ne ijwee wo.

ɛLuka 13:34

ɛYɛso ne ji salan, ɛ yɔngɔ, “Aa, ninaa ne iYɛrushɛlɛm! Ɛ phopho ɛn ninabawa, ne ɛ ta phengɛ ɛn ninaa ɛTaanggbey ya ne kɛ tom nyini nɛ. Nggɛ kyanke me nɛ nyinɛn, te n yaang nggɛ byinki nyini ɛlɔ ɛdaan, ɛli ne itsooro boos ninɔn ne ihywɛ ne ivaat, gbik ne iphɛ ɛlɛy, sɔng ɛ kɛ sim ɛn nang!

ɛMacu 23:37

ɛYɛso ne salan ɛ yɔngɔ, “Aa ninyi ne iYɛrushɛlɛm! Ninyi ne iYɛrushɛlɛm! Ninaa phobho ninabawa, ɛ ta phengɛ ɛn ninyi ne ɛTaanggbey kɛ tom nyini nɛ. Nggɛ has irway gbom te nzɛɛ tumɛ nyini ɛli ne itsoro i tumɛ ninɔn ne ihywɛ, ihywɛ kumure nibhɛ ndɔ ne ivaat ne ihywɛ, sɔng ɛ kɛ ne sim ɛn nang!

ɛMacu 3:2

ɛ bo, “San ɛn ɛbɔk daa ɛli ne igbɔm ɛTaanggbey da yek cɛcɛk.”

iBirani 12:25

Wɛɛ ɛn yɛnɛng, sɔng ˆɛ mbaray ɛn nyini tang tenes ɛn ɛnyi gha ne ɛ bol lo nang. Seng ɛn, ninyi na nɛ nibhɛ kɛ mbaray tang tenes ibol ɛnyi de ne ɛ kaa kpɛng nibhɛ ndɔ ɛzay ya, sɔng nibhɛ kɛ ne phɔrɔt nang. Yaa ne ji mɔn ɛlii njwɛɛn phɔrɔt to wu njwɛɛn kɛ mbaray tang tenes ɛnyi gha ne ɛ kpɛng njwɛɛn daa ne irywa woo?

ɛMacu 21:34

Kɛ ne sɛ nten ne bon ikpam ba kɛ tuu, ɛnyi gha ne tom nikpuru ɛbhɛ ɛlɔ ninaa ne wɛɛ ihwap ba, wu tɛ nibhɛ bhɛ say ɛbhɛ ihop ne ikpam ba.

ɛMacu 9:15

ɛYɛso gha ne yaak nibhɛ, “Yaa mɔn ɛlii nitaay ɛyiyaam ne yɛl la bok irway ishwii da nten de ne ɛyiyaam ne yɛl la sonɛ nibhɛ woo? Nten nɛ yaaso, ne sɛ bo ɛyiyaam en yɛl la, nten nɛdee nggyɛ wo nɛ nibhɛ sɛ ne ji kuma wo.

iBirani 9:15

iPhɛ ɛlɛy, ɛKiriti gha ɛbhɛ ne so ɛhaa ɛceree ne ibol ne rop ìtsɛm ihywas de ne ihywɛ kɛ byinki ninyi na ne ɛTaanggbey ya, tɛ ninaa ne kɛ ku yel-le wo say isha ne inat de ne ɛTaanggbey kɛ ku sim-mɛ wo. iPhɛ kɛ te ɛlɛ wo daa ɛli ne ɛKiriti gha kɛ ku te ɛ phɔt ninyi na ndɔ ne ɛfɔt to nɛ nibhɛ kaa mɔn nten de ne ibol ne rop ìtsɛm itsɛl de kaa sonɛ wo.