ɛMacu 22:17 - ɛWee ne ìTsɛm iHywas

¹⁷ Nɛ ɛ mɔng njwi, icwas mo i bo ɛlii? ɛShara gha kɛ sim-mɛ wu te tal ɛKɛɛsat tegha ijam ne ivel de? Hang ɛ kɛ ring ngɛ?”

ɛMacu 22:17 ပူးပေါင်းရင်းမြစ်များ

ɛLuka 2:1

Ndɔ nituk kɛnaa nggyɛ wo nang, ɛGɔsitus sa bhɛ kaa ne soyɛ ɛgbaang ɛgɔm ne ivel iRooma. Ɛ kaa ne yɛk ngɛ wu te haa ye ninyi ne na te tɔng nibhɛ gbik ndɔ nigarang nga ne ɛ re ne igbɔm ba.

ɛMacu 17:25

ɛBiturus sa ne kyii nɛ ɛ yɔngɔ, “Ɛɛy, ɛ taal.” Ne sɛ ɛBiturus sa kɛ kyii ndɔ ne ijwee wo, ɛYɛso gha ne tsa ɛ boote ne ɛbhɛ ɛ yɔngɔ, “ɛSimɔn ɛ yaang ɛli lɛɛ? Nigɔm ɛzay yɛnaa wo i saasel ijam be ɛlɔ ninaye lɛɛ? ɛLɔ ninaa ne ivel lɛɛ? Hang ɛlɔ ninaa ne ne ikpoo?”

ɛTomɛ 28:22

Gbik ne iphɛ ɛlɛy, njwii ne sim njwi aa phok, ɛnu mo, ɛkɔn na ne icwas mo i bo, daa ɛli ne njwi yɛɛ ninyi na nilɔ na kang-ka-kang kɛ bol ivol ne ifɛ kɛ mbaray ibol ɛguu ɛnyi ne tɔng ivol ifas sɛdaa wo.”

ɛTomɛ 25:8

ɛBulus sa ne bol ivol ne tul ito ɛbhɛ ɛ yɔngɔ, “Sɔng nggɛ mɔn ɛkɔn ɛkpɛɛ daa ɛShara niYahodawa na nang, sɔng nggɛ ne mɔn ɛkɔn ɛkpɛɛ daa ne iDeng ngge nang, sɔng nggɛ ne mɔn ɛkɔn ɛkpɛɛ daa ɛKɛɛsat ta nang, kɔɔ ncɛt.”

ɛTomɛ 17:7

ɛYason na kɛ ne say nibhɛ ne ijwee ɛbhɛ. Nibhɛ wo gbik i ne mɔn ɛkɔn na ne ɛ so kyii ne ikpii ɛKɛɛsat da, nibhɛ bo wo ɛdɛ ɛgɔm ma sonɛ ne bok ɛbhɛ ɛYɛso.”

ɛTomɛ 5:37

Ɛtsim ɛbhɛ, ɛdɛ ɛnyi ne iGalili gha ne kaa i bok ɛbhɛ ɛYahuza ne ma ta wuru nɛ nten de ne kaa tɔng ninyi ne ivel lɛdaa nggyɛ wo. Ɛ yɔng wu te ninyi nibhɛ mbaray igbɔm, ɛbyin ninyi na ne ma ta roos ɛduu ɛbhɛ. Ne ma ta phoo ɛbhɛ, ninaa ne roos ɛduu ɛbhɛ na ne ma tes en shwaa.

ɛLuka 3:1

Kaa ne sɛ igbɔm ɛTibaryus sa, ne ɛ so ɛgbaang ɛgɔm ne ivel ne iRooma ba, kɛ hɔn ishay ɛnduwubɔ ne iphɛ iwii, ɛBuntus ɛBilatus kaa ne soye ɛgɔm-na ne iYahudiya. ɛHyiridus ne soye ɛgɔm ne iGalili, ɛgwaa ɛbhɛ ɛFilibus ne soye ɛgɔm ne iTuriya gbik ne iTarakɔnitis. ɛLisaniya ɛbhɛ ne soye ɛgɔm ne iBiliya.

ɛMacu 22:18

ɛYɛso gha ne ku yɛɛ idal nibhɛ de, ne ɛ yaak nibhɛ, “Nyinɛn niluk en! iKyee iphɛ kɛ te ˆɛ ten ɛn mɛɛn noo?

ɛLuka 20:22

iPhɛ kɛ ne jam mɛ njwi tal ɛKɛɛsat tegha ijam ne ivel dee hang iphɛ kɛ ma sang jam mɛ?”