ɛMacu 22:16 - ɛWee ne ìTsɛm iHywas

¹⁶ Nibhɛ ne bhɛ tom ninɔn ne icwam nibhɛ gbik nɛ nidɛng ninyi ɛHyiridus sa, ɛlɔ ɛYɛso gha, nibhɛ ne yaak ɛbhɛ, “ɛKyɛɛ ne icwam, njwii ku yɛɛ ɛli ne ɛ so ɛnyi ɛcik. Ɛ ku mɛmɛ ninyi na nɛ nikɔn ɛTaanggbey ya nɛ ne itin nɛ. Sɔng ɛ sim ɛbyin ninyi ɛ mbaray nidɛng nang, sɔng ɛ tɔɔl sim ito daa ne ninyi nang.

ɛMacu 22:16 ပူးပေါင်းရင်းမြစ်များ

ɛMacu 22:24

nibhɛ yɔngɔ, “ɛKyɛɛ ne icwam, ɛMuusaa gha kaa yɔngɔ wu ɛnyi kɛ ku ɛ tek ɛkuk ɛbhɛ tang ɛngɔn, te ɛgwaa ɛbhɛ ne bo ɛkuk kɛ, ɛ yɛk ɛbhɛ ne ihywee.

ɛMacu 22:26

ɛKɔn ɛdaan nɛ ne ma te ne ɛhaa ne ifaa ɛgwaa gha, ne ɛhaa ne ma itwat tɛ, i phyii bhɛ hɔn ɛhaa ɛniitaa yɛ.

ɛMacu 26:18

ɛYɛso gha ne yaak nibhɛ, “Cwi ɛn ndɔ ɛgarang nga ɛlɔ ɛdɛ ɛnyi gha te ne ɛbhɛ yaak ɛn ɛbhɛ, ɛKyɛɛ ne iCwam ma i bo te njwi yaak kɛ wu nten nɛ yek cɛcɛk, wu yaa ne re ire ne idira ne Tes iDee de tsak ko ne ijwee mo nɛ ninɔn ne icwam ɛbhɛ.”

ɛMacu 26:49

ɛYahoda gha ne ku phee tsik ɛ phɛ ɛlɔ ɛYɛso gha, ɛbhɛ yaak ɛbhɛ, “Te irway ne laal shɛɛ ne igyɛ ɛkyɛɛ ne iCwam ɔɔy,” ne ɛ ji kumure ɛYɛso yegha.

ɛMarakus 10:17

Kɛ ne sɛ ɛli ne ɛYɛso gha kɛ bo nikɔn ɛ hyel, ɛdɛ ɛnyi gha shii zugha ɛbhɛ cwi ne irwa-nggburuk ɛnu ɛyisɛ ɛbhɛ ɛ phom ɛbhɛ ɛ yaak ɛbhɛ, “ɛKyɛɛ ɛyɛnɛng, ikyee ne naa mɔn te n nzɛ iken ne inat de daa mɛɛ?”

ɛMarakus 12:13

Kaa ne tom nidɛng niFarisawa na nɛ ninyi ɛHyiridus sa tɛ nibhɛ bhɛ wum ɛYɛso yegha daa ne idɛ ibol ɛbhɛ.

ɛMarakus 12:14

Nibhɛ ne phɛ ɛlɔ ɛYɛso gha nibhɛ yaak ɛbhɛ, “ɛKyɛɛ! Njwii ku yɛɛ ɛli ne ɛ so ɛnyi ɛcik. Njwii ne ta yɛɛ ɛli ne hame ɛ bok sim ito. Sɔng ɛ bok nidɛng ninyi na ne ɛ sim nibhɛ ɛ ji mbaray yɛ nidɛng nang. Ɛ ku mɛmɛ ninyi na nɛ nikɔn ɛTaanggbey ya nɛ ne itin nɛ. Ne ɛ mɔng njwii iPhɛ kɛ ne jam mɛ njwi sɛ tal ɛKɛɛsat tegha ijam ne ivel dee? Hang iphɛ kɛ ma sang jam mɛ?

ɛMarakus 3:6

Kɛ ne sɛ niFarisawa naa nggyɛ wo kɛ yaang ɛlɛ wo nang, nibhɛ ne wuusi nibhɛ tek itɔɔy de. Nibhɛ ne shii bhɛ sɛ ninyi na nɛ nibhɛ roos ibol ɛHyiridus de nibhɛ rop ɛnu nɛ nibhɛ, nibhɛ yaa tɔk ɛli nɛ nibhɛ sɛ phoo ɛYɛso yegha.

ɛMarakus 8:15

Kɛ ne sɛ nibhɛ so ndɔ ne ihywel ba nang, ɛYɛso gha ne kpɛngke nibhɛ ndɔ ne ivol ne igɔrɔp ɛ yaak nibhɛ, “Wɛɛ ɛn nyini hywɛɛ ne iyis niFarisawa de gbik ne idee ɛHyiridus de.”

ɛLuka 20:21

Ninyi na ne kɛ tom nibhɛ ɛlɔ ɛYɛso gha ne phom ɛbhɛ idɛ ibol de, nibhɛ yaak ɛbhɛ, “ɛKyɛɛ ne iCwam, njwii ku yɛɛ ivol da ne ɛ mɛmɛ nɛ wo ɛ ta i tɔng so itin nɛ. Njwii ne ta yɛɛ sɔng ɛ ta sim ito nang, ɛ tɔng ninyi na ibɔrɔk ne ibol ɛTaanggbey de.

ɛLuka 7:40

ɛYɛso gha ne shii boote ne ɛnyi gha, ɛ yaak ɛbhɛ, “ɛSimɔn, n bok idɛ bol de ne naa mɔng nge.” ɛNyi gha ne kyii nɛ, ɛ yɔngɔ, “Ɛɛy, mɔng me ɛKyɛɛ ne icwam ɔɔy.”

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 18:37

ɛBilatus sa ne phom ɛbhɛ ɛ yɔngɔ, “Ɛ soyɛ ɛgɔm me?” ɛYɛso gha ne kyii nɛ ɛ yɔngɔ, “Ɛ kɛ mɔng cik ne ɛ bo wu nzo ɛgɔm ma. iBol lɛ iphɛ kɛ te i yɛk me, ibol lɛ iphɛ phɛ kɛ ne ta te n yɛɛs ndɔ ɛzay ya; te n tɔng itin nɛ, gbik ɛnyi gha ne ɛ so ɛhaa ne itin na, aa ne phok me.”

ɛYohana 7:18

ɛNyi gha ne ɛ bol ivol ne ito ɛbhɛ da, ɛ mɔn ɛlɛy te ɛ sɛ ito ɛbhɛ ndiinday. ɛNyi gha ne ɛ sim te sɛ nang ɛhaa ne ɛ kɛ tom ɛbhɛ ndiinday de, ɛ so ɛhaa ne itin nɛ; sɔng irywɛɛk ne so ndɔ ɛbhɛ wo nang.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

2 iKɔrɔntos 5:16

iPhɛ ɛlɛy sɔng njwɛɛn yaa ne tɔ wɛɛ ninyi na daa ne icwas ɛten ɛsii nang. ɛTsak, ne ile de njwɛɛn kaa i wɛɛ ɛKiriti yegha ɛlɛy sɔng ne ta tɔɔ wɛɛ ɛbhɛ ɛlɛy ɛlyilyɛghaa wo dɔng nang.

iGalatiya 1:10

Ɛ wɛɛ ɛn te nzi mɔn ɛlɛ wo tɛ ninyi ton me naa? Yɛwɛy, nzi sim te ɛTaanggbey ɛbhɛ aa sim ɛkɔn na ne nzi mɔn no. Ɛ wɛɛ ɛn te nzi sim naa laasek niten irway ye? Yɛwɛy, sɛ yɔng ɛlɛy, sɔng nzɛ ne te me ɛkpuru ɛKiriti gha nang.

iGalatiya 2:6

Sɔng nzi sap ninyi na nɛ nibhɛ wɛɛ tɛ nibhɛ bhɛ soye nindiinday yɛwo nang, daa ɛli ne sɔng ɛTaanggbey ya bok sim ito nang. Sɔng nibhɛ kɛ ne ta hante ne ɛkɔn da ne bol nge de nang.

1 iTasɔlɔnika 2:4

Njwii yang bol ɛli ne ɛTaanggbey i sim njwii ɛ kɛ nang njwii ɛtomɛ ne sanga iBol iYɛnɛng ngge. Sɔng njwii sim te ɛten ɛsii bhɛ sɛ phok iyɛnɛng mos nang, te ɛTaanggbey ɛbhɛ phok iyɛnɛng mos de daa ɛli ne ɛbhɛ ɛɛ tɛrɛk icwas ne irway mos da.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.