ɛMacu 20:8 - ɛWee ne ìTsɛm iHywas

⁸ “Kɛ ne sɛ ɛlɔ yɛ kɛ teye irwirywɛ, ɛkyɛɛ ne ijwee gha ne yaak ɛhaa ne wɛɛ ɛbhɛ ihwap ba, ‘Yel-le ninaa ɛtomɛ na ɛ tal nibhɛ, tsa nɛ ninaa ɛtsim ma ɛbhɛ taal nɛ ninaa ɛyisɛ na.’

ɛMacu 20:8 ပူးပေါင်းရင်းမြစ်များ

1 ɛBiturus 4:10

ɛTaanggbey ya kɛ nang ɛrɔngɔ izɛɛng. iPhɛ ɛlɛy te ɛrɔngɔ ne bo ihywɛ ɛ mɔn nigwaa ne ɛtomɛ, te iphɛ tɔɔrek wu ɛ so ɛn ninyi nɛ nibhɛ sɛɛ boos izɛɛng ngge ne ɛTaanggbey ya kɛ nang nyini ihywee-ihywee de yɛnɛng.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

2 iKɔrɔntos 5:10

Daa ɛli ne iphɛ so nggbinggbing njwɛɛn sɛ bhɛ kyinak ɛnu ɛyisɛ ɛKiriti gha te bol njwɛɛn ɛshara. ɛRɔngɔ sɛ ne bhɛ say ɛkɔn na ne ɛ so kancɛng ne ɛtomɛ gha ne ɛ kɛ mɔn ɛli ne ɛ kɛ so ndɔ ibek kɛdee wo. Hang ɛyɛnɛng ngɛ yɔɔ, hang ɛkpɛɛ yɛ yɔɔ.

ɛLuka 12:42

ɛDaray ya ne kyii nɛ, ɛ yɔngɔ, “ɛHay ɛbhɛ so ɛkpuru ne itin na, ɛhaa ne ntsɛntsɛng ngaa? Ɛbhɛ soye ɛhaa ne ɛkyɛɛ ne ijwee ɛbhɛ gha kɛ nang ɛbhɛ irighitik ne wɛɛ ijwee, ɛ ji nang ɛbyin nikpuru na ɛkɔn ne re nibhɛ nten de ne yaa nang nibhɛ nɛ.

ɛLuka 10:7

Shɛɛ ɛn ne ijwee yɛwoo nggyɛ wo ɛɛ re ɛn, ɛɛ sɔ ɛn gbik ɛkɔn na ne kɛ nang nyini. ɛHaa ɛtomɛ gha kɛ hɔn sɛ tal ɛbhɛ ilong ɛbhɛ. Sɔng ɛ yaa bhɛ kaan ɛn ɛ roos ɛn idee ninyi de nang.

ɛLuka 8:3

ne ɛYowana ɛkuk ɛCusa ne ɛ kaa so ɛndiinday ninaa ne mɔn ɛtomɛ ndɔ ne ijwee ɛgɔm ɛHyiridus, ne ɛSuzana, nɛ ɛbyin nikuk ka maa; nibhɛ kaa tang iryat nibhɛ, nibhɛ mɛɛ niYɛso yegha.

ɛMacu 25:31

“Sɛ ne sɛ ɛli ne ɛNgɔn ɛNyi gha kɛ yɛɛs ndɔ ne ito-ndiinday ɛbhɛ de nɛ nimalɛka ɛbhɛ na, ɛ sɛ ne soos ɛcuruu ne igbɔm ɛbhɛ ne ito-ndiinday ɛbhɛ.

ɛMacu 25:19

“Ne sɛ kɛ phyɔngɔle gbom, ɛkyɛɛ ne ijwee nikpuru yɛnaa nggyɛ wo ne bhɛ kyii, ne ɛ yel-le nikpuru ɛbhɛ na, te yaang ɛkɔn na ne ɛrɔngɔ kɛ mɔn ne ijam ɛbhɛ de.

ɛMacu 20:7

“Nibhɛ ne kyii nɛ nibhɛ yɔngɔ, ‘Sɔng ɛnyi kɛ bo njwi ɛtomɛ gha nang.’ “Ɛnyi gha ne yaak nibhɛ, ‘Ne ɛ ma cwi ɛn ɛbhɛ mɔn ɛn ɛtomɛ gha ne ihwap ɛnap nge da.’

ɛMacu 20:9

“ɛNyi gha ne tal ninaa nɛ nibhɛ yɛɛs ɛtomɛ gha igyɔs iwii de ijam ɛtuk ɛdaan.