ɛMacu 20:1 - ɛWee ne ìTsɛm iHywas

¹ “Yaa ne ten igbɔm ɛdaa ne irywa da ne ɛkyɛɛ ne ijwee ne ɛ kɛ wuru ne ihwɛlɛ ɛ phɛɛs ne tɔk ninaa ɛtomɛ nɛ nibhɛ yaa mɔn ɛbhɛ ɛtomɛ gha ne ihwap ɛnap ɛbhɛ.

ɛMacu 20:1 ပူးပေါင်းရင်းမြစ်များ

ɛMacu 13:47

“Yaa ne ta ten igbɔm ɛdaa ne irywa da ne ɛKara ne kɛ cwaak ndɔ ɛrenes, izing ngge ne leesel ihywee-ihywee.

ɛMacu 13:24

ɛYɛso gha ne ta tɔng nibhɛ idɛ ibol ne igɔrɔp be dɔng, ɛ yɔngɔ: “Yaa ten igbɔm ɛdaa ne irywa da ne ɛdɛ ɛnyi gha ne ɛ kaa tubhus ɛlikama ɛbhɛ ɛyɛnɛng ngɛ ne ihwap ɛbhɛ.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

ɛYohana 15:1

ɛYɛso gha ne yɔngɔ, “Mee nzo me ɛhon ne inabi ntin na, ɛKyɛɛ nge gha ɛbhɛ ji so ɛhaa ne ihwap pɛ.

ɛMacu 25:1

“Nten nɛdee nggyɛ wo, igbɔm ɛdaa ne irywa da sɛ ne so te ibol ninɔn nilyilyap ɛnduwubɔ nɛ nibhɛ kaa bo ifitila nibhɛ, nibhɛ phɛɛs ne say ne ɛyiyaa ne yɛl.

ɛMacu 22:2

“Yaa ten igbɔm ɛdaa ne irywa da ne ɛdɛ ɛgɔm ma ne ɛ kaa bok idira ne tom ɛngɔn ɛbhɛ ne ɛyɛl.

ɛMacu 13:33

Ne ɛ kyii ta boote nɛ nibhɛ ndɔ ne igɔrɔp ɛ yɔngɔ, “iGbɔm ɛdaa ne irywa da so te iyis ne ɛkuk kɛ hyoke nɛ ncɛt, ɛ yɛk ndɔ inuk ne mpɛ so gbom ɛ subhus mpɛ. iYis de ne te inuk ga wara gbom.”

ɛMacu 13:31

ɛYɛso gha ne kyi ta tɔng nibhɛ idɛ ibol ne igɔrɔp be dɔng, ɛ yɔngɔ: “Yaa ten igbɔm ɛdaa ne irywa da ne itsara imɔsita ne ɛnyi kɛ bo ɛ tup ne ihwap ɛbhɛ.

ɛMacu 25:14

“Yaa ne ten igbɔm ɛdaa ne irywa da ne ibol ɛnyi ne ɛ kaa phɛɛs ne ihywel, ne ɛ ji yel-le nikpuru ɛbhɛ ɛ hosop nibhɛ iryat ɛbhɛ wu tɛ nibhɛ hyeeme nɛ.

ɛMarakus 13:34

iPhɛ so te ɛnyi ne ɛ phɛɛs ne ihywel. Ɛ kɛ ne yel-le nikpuru ɛbhɛ ɛ nang ɛrɔngɔ ɛtomɛ ne aa mɔn. Ɛ ma yaak ɛhaa ne hyep ɛbhɛ ɛnu ne izuk wu te ɛ wɛɛ ijwee wo yɛnɛng.

ɛMacu 3:2

ɛ bo, “San ɛn ɛbɔk daa ɛli ne igbɔm ɛTaanggbey da yek cɛcɛk.”

ɛMacu 23:37

ɛYɛso ne salan ɛ yɔngɔ, “Aa ninyi ne iYɛrushɛlɛm! Ninyi ne iYɛrushɛlɛm! Ninaa phobho ninabawa, ɛ ta phengɛ ɛn ninyi ne ɛTaanggbey kɛ tom nyini nɛ. Nggɛ has irway gbom te nzɛɛ tumɛ nyini ɛli ne itsoro i tumɛ ninɔn ne ihywɛ, ihywɛ kumure nibhɛ ndɔ ne ivaat ne ihywɛ, sɔng ɛ kɛ ne sim ɛn nang!

ɛMacu 21:28

“Ɛɛ yaang ɛn ibol lɛdee wo ɛli lɛɛ? Ɛdɛ ɛnyi gha bok ninɔn niras ifaa, ne ɛ phɛ ɛlɔ ɛkɔɔn nɛ, ɛbhɛ yaak ɛbhɛ, ‘ɛNyɛn, cwi ɛbhɛ mɔn ɛtomɛ izenge wo ndɔ ne ihwap ɛnap ba.’

ɛMacu 20:2

Nibhɛ ne sim me nɛ wu yaa tal nibhɛ ɛkɔn na ne i ku tal ɛtuk ɛdaan, ne ɛ ji tom nibhɛ ne ihwap ɛnap ɛbhɛ da.