ɛMacu 2:13 - ɛWee ne ìTsɛm iHywas

¹³ Kɛ ne sɛ ninaa ne ishweng niYiyɔrɔ na yek en, ɛmalɛka ɛDaray ya ne bhɛ wuru ɛYisifu yegha ndɔ nibok, ɛ yaak ɛbhɛ, “Bo ɛngɔn na ne ɛgyinɛ gha, ɛ tel lɛ ɛ phɛ nɛ ne iMasad. Cwi ɛbhɛ shɛɛ ɛn ɛnggyɛ wo, ɛ hyep ɛn ɛkɔn na ne naa mɔng nyini, daa ɛli ne ɛHyiridus sa i tɔk ɛngɔn na ɛ sim aa phoo ɛbhɛ.”

ɛMacu 2:13 ပူးပေါင်းရင်းမြစ်များ

ɛTomɛ 12:11

ɛLɛy ɛBiturus sa ne ji seng nge, ne ɛ yɔngɔ, “ɛLyilyɛghaa ne nggɛ ne ji seng! ɛDaray ɛbhɛ kɛ tom ɛmalɛka ɛbhɛ ɛ kɛ yɛɛs ɛ kɛ phɔt me ne iwɔ ɛHyiridus so ɛ ta phɔt me daa ɛkɔn na nɛ niYahodawa na kɛɛ sim nibhɛ yaa mɔn me nɛ wo.”

ɛTomɛ 10:7

Ne sɛ ɛmalɛka gha kɛ hyel, ɛKɔnɛliyas sa ne yel-le nidɛng nikpuru ɛbhɛ na nibhɛ ifaa, ne ɛdɛ ɛsooja gha ne ɛ phok ɛnik ɛTaanggbey ɛ so ɛdɛng ndɔ ninaa ne mɔn ɛbhɛ ɛtomɛ.

ɛTomɛ 5:19

Ne sɛ ɛtuk, ɛmalɛka ɛTaanggbey ne yɛɛs ɛ phaasel ninu ne izuk ne ijwee ne nyang nga, ɛ tul ninɔn ne tom ma ne izay, ɛ yaak nibhɛ,

ɛMacu 2:12

Nibhɛ ne kyii nibhɛ roos ɛhak ɛnkiinɛ nibhɛ hyil en, daa ɛli ne ɛTaanggbey kɛɛ kpɛng nibhɛ ndɔ nibok wu hang nibhɛ kyii ta roos ɛlɔ ɛHyiridus sa.

ɛMacu 1:20

Kɛ ne sɛ ɛ so ndɔ ne icwas sɛda nggyɛ wo, ɛmalɛka ɛTaanggbey ne bhɛ wuru ɛbhɛ ndɔ nibok, ɛ yaak ɛbhɛ, “ɛYisifu ɛNgɔn ɛDoda, sɔng ɛ phok ɛnik ne bo ɛyɛl mo ɛMɛri yegha ɛ teye ɛkuk mo gha nang, daa ɛli ne isik ɛbhɛ de so idee ne iKabyik ɛTaanggbey.

ɛMacu 2:16

Kɛ ne sɛ ɛHyiridus sa kɛ seng wu kɛ dyɛɛl ɛbhɛ wo, ne ɛ te njenjek. Ne ɛ yɛk ngɛ wu te phobho ninɔn niras sa nɛ nibhɛ kɛ hɔn ishay iphaa nɛ ninaa nibhɛ kɛ taasek ishay iphaa de ɛgarang ne iBatalami gha nɛ nigarang nga nɛ nibhɛ so cɛcɛk ɛnggyɛ wo. Ɛ kaa mɔn ɛlɛ wo ɛ wɛɛ ne nten de ne kɛ yɛk ɛngɔn na ɛli ne ɛ kaa seng ɛlɔ ninaa ne ishweng niyuyɔrɔ na.

Nikɔn ne kɛ Phaal 12:14

Ne shii nang ɛkuk ka ivaat ne ɛgbaang ne ika te ɛ yeret nɛ, ɛ phɛ ndɔ ɛhay ɛlɔ gha ne kɛ ku ryɔng ɛbhɛ nɛ ɛli ne hame ɛgbaang ne izɔ wo yaa sɛ ɛbhɛ. ɛNggyɛ wo, aa bhɛ shɛɛ nɛ, i bo nten, daa ɛco nten, ne ngguk ne nten i mɛɛ ɛbhɛ.

ɛTomɛ 16:36

Ɛhaa ne hyep ijwee ne nyang nga ne yaak ɛBulus segha, “Ninaa ne bol ɛshara gha kɛ tom me nibhɛ bo te n yaak nyini tɛ hyel ɛn. iPhɛ ɛlɛy, ne ɛ wuru ɛn ɛ hyel ɛn. Njwii ɛn ncaang.”

ɛTomɛ 10:22

Ninyi na ne yaak ɛBiturus segha, “ɛDɛ ndiinday nisooja na ne i bok ɛbhɛ ɛKɔnɛliyas ɛbhɛ kɛ tom njwii. Ɛɛ phok ɛnik ɛTaanggbey, niYahodawa na gbik i naas ɛbhɛ ne ndiinday. ɛMalɛka ne kɛ tul kang ne yaak ɛbhɛ wu te ɛ yel-le yɛ ne ijwee ɛbhɛ te ɛ tenes ibol de ne aa tɔng ɛbhɛ.”

ɛTomɛ 7:19

“Ɛgɔm mɛghaa wo ne luk nikyɛɛ-nikyɛɛ njwɛɛn na, ɛ mɔn nibhɛ ne ɛfɔt. Ɛ yɛk ngɛ i yaa han ninɔn nishesheng nibhɛ te nibhɛ kus.

ɛMacu 10:23

Sɛ ne sɛ i baasek nyini nggbang ngga ɛgarang nga, ne ɛ tel ɛn ɛ phɛ ɛn ɛhak ɛgarang. Nzi ne tɔng nyini itin nɛ, sɔng ɛ sɛ tel ɛn ɛ taal ɛn nigarang niSɛrɛla na gbik nyɛɛn ɛNgɔn ɛNyi gha kyi yɛɛs sang.

Nikɔn ne kɛ Phaal 12:6

ɛKuk ka ne ji tel ɛ phɛ ndɔ ɛhay ɛlɔ gha ne ɛTaanggbey ya kɛ ku ryɔng ɛbhɛ nɛ aa bhɛ shɛɛ nɛ i mɛɛ ɛbhɛ nituk ɛnom ɛdaan ne ikpɔl ifaa ne nzuwubɔ ɛtaraa (1,260).

Nikɔn ne kɛ Phaal 12:4

iHywɛ ne bo ihwel ihywɛ yese ne ihop idaan ndɔ ne iphɛ itwat niyuyɔrɔ de ihywɛ sit ne ivel. ɛGbaang ne izɔ igywebhe de ne ji kyinak ɛnu ɛyisɛ ɛkuk ka ne aa yɛk ko te yaa sɛ ɛngɔn na wuusi ihywɛ wum ɛbhɛ ihywɛ reke.

ɛMacu 2:22

Kɛ ne sɛ ɛYisifu gha kɛ phok wu ɛCɛlos ɛbhɛ kɛ re igbɔm ɛkyɛɛ ɛbhɛ ɛHyiridus sa ne iYahudiya de, ne ɛ wum ɛnik ne phɛ ɛnggyɛ wo. Ne kyii te kpɛng ɛbhɛ ndɔ nibok ka dɔng, iphɛ ɛlɛy, ne ɛ phɛ ne ivel ne iGalili.

ɛMacu 2:14

ɛYisifu gha ne yilitsik, ɛ tɛ ne ɛlɔ, ɛ bo ɛngɔn na ne ɛ ɛgyinɛ gha ɛ hyel lɛ ɛ phɛ ne iMasad de.

ɛTomɛ 12:7

ɛMalɛka ɛDaray ne shii bhɛ kyinak ɛnggyɛ wo, ɛwɛwɛy tolte ndɔ ne izuk ne robhos ninyi wo. ɛMalɛka gha ne ji dat ɛBiturus segha ifam ɛ yaak ɛbhɛ, “Yilitsik! Yɔng ɛhywarat!” Nɛ nten nɛ, inyang ngge ne sasat ne ibɔ ɛBiturus de, ihywɛ ho ne ivel.