ɛMacu 2:12 - ɛWee ne ìTsɛm iHywas

¹² Nibhɛ ne kyii nibhɛ roos ɛhak ɛnkiinɛ nibhɛ hyil en, daa ɛli ne ɛTaanggbey kɛɛ kpɛng nibhɛ ndɔ nibok wu hang nibhɛ kyii ta roos ɛlɔ ɛHyiridus sa.

ɛMacu 2:12 ပူးပေါင်းရင်းမြစ်များ

ɛMacu 1:20

Kɛ ne sɛ ɛ so ndɔ ne icwas sɛda nggyɛ wo, ɛmalɛka ɛTaanggbey ne bhɛ wuru ɛbhɛ ndɔ nibok, ɛ yaak ɛbhɛ, “ɛYisifu ɛNgɔn ɛDoda, sɔng ɛ phok ɛnik ne bo ɛyɛl mo ɛMɛri yegha ɛ teye ɛkuk mo gha nang, daa ɛli ne isik ɛbhɛ de so idee ne iKabyik ɛTaanggbey.

ɛMacu 2:13

Kɛ ne sɛ ninaa ne ishweng niYiyɔrɔ na yek en, ɛmalɛka ɛDaray ya ne bhɛ wuru ɛYisifu yegha ndɔ nibok, ɛ yaak ɛbhɛ, “Bo ɛngɔn na ne ɛgyinɛ gha, ɛ tel lɛ ɛ phɛ nɛ ne iMasad. Cwi ɛbhɛ shɛɛ ɛn ɛnggyɛ wo, ɛ hyep ɛn ɛkɔn na ne naa mɔng nyini, daa ɛli ne ɛHyiridus sa i tɔk ɛngɔn na ɛ sim aa phoo ɛbhɛ.”

ɛMacu 2:19

ɛTsim mɛ ne ɛHyiridus sa kɛ ji ku, ɛmalɛka ɛDaray ya ne bhɛ wuru ɛYisifu yegha ndɔ nibok ne iMasad de,

ɛMacu 2:22

Kɛ ne sɛ ɛYisifu gha kɛ phok wu ɛCɛlos ɛbhɛ kɛ re igbɔm ɛkyɛɛ ɛbhɛ ɛHyiridus sa ne iYahudiya de, ne ɛ wum ɛnik ne phɛ ɛnggyɛ wo. Ne kyii te kpɛng ɛbhɛ ndɔ nibok ka dɔng, iphɛ ɛlɛy, ne ɛ phɛ ne ivel ne iGalili.

ɛMacu 27:19

Kaa ne sɛ nten de ne ɛBilatus sa kɛ soos ɛlɔ ne soos ɛ bol ɛshara gha, ɛkuk ɛbhɛ ne tom ɛbhɛ nɛ ɛ yɔngɔ, “Sɔng ɛ mɔn ɛnyi yɛghaa nggyɛ wo ne ɛ kɛ sang mɔn ɛkɔn na ne ɛkɔn nang. Nibok kɛ tak me iyɔm gbom daa ɛbhɛ ne ɛtuk.”

ɛLuka 2:26

iKabyik ɛTaanggbey de kaa ne ku tɔɔl ɛbhɛ, wu hang ɛ sɛ ku tang yaang ɛKiriti yegha ne ɛDaray ya kaa ku sim-mɛ wo.

ɛTomɛ 10:22

Ninyi na ne yaak ɛBiturus segha, “ɛDɛ ndiinday nisooja na ne i bok ɛbhɛ ɛKɔnɛliyas ɛbhɛ kɛ tom njwii. Ɛɛ phok ɛnik ɛTaanggbey, niYahodawa na gbik i naas ɛbhɛ ne ndiinday. ɛMalɛka ne kɛ tul kang ne yaak ɛbhɛ wu te ɛ yel-le yɛ ne ijwee ɛbhɛ te ɛ tenes ibol de ne aa tɔng ɛbhɛ.”

ɛTomɛ 4:19

ɛBiturus sa ne ɛYohana gha ne kyii nibhɛ nɛ, nibhɛ yɔngɔ, “Yung wɛɛ ɛn ibol lɛdee wo ɛli lɛɛ, ‘Ɛ wɛɛ ɛn te ɛTaanggbey ya sim te njwi sɛɛ roos ibol mon de, hang njwi roos idee ɛbhɛ dee?’

ɛTomɛ 5:29

ɛBiturus sa nɛ ɛbyin ninɔn ne tom ma ne kyii nibhɛ nɛ, nibhɛ yɔngɔ, “iPhɛ so nggbinggbing njwi roos ibol ɛTaanggbey de ne njwi yaa roos idee ɛten ɛsii de.

1 iKɔrɔntos 3:19

Daa ɛli ne ntsɛntsɛng ɛzay yɛdee wo soye iwamang ɛlɔ ɛTaanggbey ya, ɛli ne kɛ ku haa ndɔ ne ɛWee ne iBol ɛTaanggbey yo i bo: “ɛTaanggbey ya i wumus ninaa ne ntsɛntsɛng nga ndɔ ne nggyuk nibhɛ de.”

iBirani 11:7

Kaa lenɛ ne ìnang ne itin ɛNuhu de ne ɛ roos ibol ne ɛTaanggbey kɛ mɔng ɛbhɛ daa nikɔn ne hame i yaang. Ɛ kaa lɔl ɛgyirigyi te ɛ phɔt ijwee ɛbhɛ. Kaa ne lenɛ ne ìnang ne itin ɛbhɛ de ne i hyɛ ɛzay ya ɛshara ne ku, ɛbhɛ ɛ ji say ɛwɛng ne icik ne i lenɛ ne ìnang itin de.

iBirani 8:5

Nibo yɛnaa nggyɛ wo kaa i mɔn ɛtomɛ nibhɛ gha ɛLɔ ne kɛ Tul Kang ndɔ ɛzay yɛghaa wo. ɛLɔ ɛtomɛ nibhɛ gha kaa ne so te izazurum ne i ten-nɛ nɛ nikɔn ɛdaa ne irywa. iPhɛ phɛ kaa ne te kaa yaak ɛMuusaa yegha nten de ne aa ryɔng ipho ɛTaanggbey de, “Wɛɛ yɛnɛng te ɛ lɔl iphɛ kancɛng ɛli ne kaa tɔɔl lɛ izazurum mɛdaa ne ɛwarang ngo.”