ɛMacu 19:9 - ɛWee ne ìTsɛm iHywas

⁹ Nzi tɔng nyini, gbik ɛnyi gha ne ɛ kɛ hosobhe ne ɛkuk ɛbhɛ gha, kang daa ne ibol ne nzangas, ɛ kyii ta tul ɛhak ɛkuk, ɛɛ ne ra nzangas ne ɛkuk ka ne ɛ kɛ tul lo.”

ɛMacu 19:9 ပူးပေါင်းရင်းမြစ်များ

ɛMacu 19:10

Ninɔn ne icwam ma ne yaak ɛYɛso yegha, “Wu ɛlɛ wo ne ibol ɛras de ne ɛkuk ɛbhɛ ghe ne so, kaa ne so iphɛ ne ma yung phyin ɛnyi gha shɛɛ tang tul ɛkuk ka.”

ɛMacu 19:8

ɛYɛso gha ne kyii ne, ɛ yaak nibhɛ, “iTo ihet mon iphɛ kaa te ɛMuusaa gha sim nyini nɛ tɛ hosop ɛn ninyi nɛ nikuk mon na, sɔng ɛlɛy ne iphɛ kaa ne ku so ɛli ne ryɔng ɛzay ya nang.

ɛMacu 5:32

Mee wo nzi ne bok nyini, ɛhiha ɛnyi ne ɛ kɛ ne kasa ɛkuk ɛbhɛ gha, wu tang so daa ne ibol ne nzangas, ɛ kɛ ne te ɛkuk ka ɛ teye ɛkuk ne nzangas. ɛHiha ɛnyi ne ɛ kɛ ne tul ɛkuk ka ne kɛ kasa ɛbhɛ wo, ɛɛ ne ra nzangas.

ɛLuka 16:18

“Gbik ɛnyi gha ne ɛ kasa ɛkuk ɛbhɛ ɛ tul ɛhak ka ɛ ra nzangas, ɛnyi gha ne ɛ kɛ ne tul ɛkuk ka ne ɛ̀ras sa kɛ kasa ɛbhɛ wo ɛ ma ra nzangas.”

1 iKɔrɔntos 5:1

Nggɛ phok ɛtsak ibol ne nzangas de ne ɛ ra ɛn ndɔ mon no, izee ne sɔng kɛ ma yung ku phok ɛlɔ ninaa ne sang yɛɛ ɛTaanggbey ye nang, wu ɛdɛng kɛ bo ɛkuk ɛkyɛɛ te ɛhaa ɛbhɛ.

1 iKɔrɔntos 7:39

Sɔng ɛkuk ka yaa hosop bhe ne ɛras sa ɛ tɔ ɛken nang, wu ɛras sa kɛ ne ku ɛ sɛ yɛɛ ne tul ɛhak ɛras, nggbinggbing te ɛnyi yɛ ne so ɛhaa ne roos ɛDaray ye.

1 iKɔrɔntos 7:4

Sɔng ɛkuk ka bok ihwet daa ne ibek ɛbhɛ de nang, ɛ̀ras sa ɛbhɛ ɛ bok, sɔng ɛ̀ras sa ne ma bok ihwet daa ne dee ɛbhɛ de ibek nang, ɛkuk ɛbhɛ gha ɛbhɛ bok.