ɛMacu 19:16 - ɛWee ne ìTsɛm iHywas

¹⁶ Ɛdɛ ɛnyi gha ne yɛɛs ɛlɔ ɛYɛso gha ɛ yaak ɛbhɛ, “ɛKyɛɛ ne iCwam, ɛyakɔn ɛyɛnɛng ne naa mɔn, te n sɛ iken de ne inat dee?”

ɛMacu 19:16 ပူးပေါင်းရင်းမြစ်များ

ɛYahuza 1:21

Shɛɛ ɛn ndɔ ne seng wu ɛTaanggbey ya i sim nyini, nten de ne ˆɛ hyep ɛn isan iyɔm ɛDaray njwɛɛn ɛYɛso ɛKiriti de ne iphɛ yaa phɛ ne nyini ne iken ne inat de.

ɛYohana 3:15

te ɛhiha ɛnyi ne ɛ kɛ nang ne itin nɛ ne ɛbhɛ wo, te ne ɛ sɛ iken ne inat.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

1 ɛYohana 1:2

iKen nɛdee wo kaa ne phaal le njwi ne yaang. Njwi i ne naas ishɛɛda ne iphɛ njwi i ta tɔng nyini wu iphɛ iphɛ soye iKen ne inat, idee ne iphɛ kaa ku sonɛ ɛTaa gha ne ile de, iphɛ ne kɛ ne tɔɔl njwii wo.

ɛMacu 25:46

Nibhɛ sɛ ne ji bhɛ lel ndɔ ne nggbang ne inat, ninyi ne cik ka ne ma bhɛ lel ndɔ niken ne inat.”

ɛTitus 3:7

Ɛ kɛ mɔn ɛlɛ wo te lenɛ ne izɛɛng ɛbhɛ de njwɛɛn teye ɛkɔn ne say wu hang i bok ɛfɔt ɛnu ɛyisɛ ɛTaanggbey ya, i ta teye ninaa ne re isha ne iken ne inat de ne njwɛɛn kɛ yɛk ne irway da.

1 ɛYohana 2:25

ɛKɔn nɛghaa ɛbhɛ soye ibol de ne ɛNgɔn na kɛ ku sim-mɛ aa nang njwɛɛn no, ɛ soye iken ne inat.

ɛTitus 1:2

lenɛ ne iyɛk ne irway daa ne ibol ne iken ne inat de. ɛTaanggbey ya ne hame ɛ wul irywɛɛk ga kaa ku sim-mɛ ne iken nɛdee wo ɛli ne kɛ tang tum ɛzay ya.

1 ɛTimɔti 6:19

ɛLɛ wo nɛ nibhɛ yaa mɔn nibhɛ tuma ito nibhɛ iryat ne ihywɛ ihywɛ sɛ soye ɛtum ɛzay ya ne ɛ yaaso wo, tɛ nibhɛ sɛ iken de ne iphɛ phɛ soye iken ne itin de.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.

ɛTomɛ 16:30

Ne ɛ tul ɛBulus segha ne ɛSila gha ne izay, ne ɛ yaak nibhɛ, “Nindiinday, ikyee iphɛ so nggbinggbing n mɔn te nzɛ iphɔrɔt daa?”

iRooma 5:21

Kaabi i bo wu ɛli ne ɛfɔt to kaa bok ihwet daa ninyi gbom daa ɛli ne ɛbhɛ yɛɛs ne iku de, ɛlɛy ne izɛɛng ɛTaanggbey de ne bok ihwet daa ne ninyi na daa ɛli ne ihywɛ te i say nibhɛ wu nibhɛ so cik ɛnu ɛyisɛ ɛTaanggbey. iCik ge ne iphɛ nang iken ne inat lenɛ ne ɛYɛso ɛKiriti gha.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

ɛYohana 12:25

ɛNyi gha ne ɛ sim iken ɛbhɛ de, aa ne wɔs iphɛ, ɛhaa ne ɛɛ ne mbaray iken ɛbhɛ de ndɔ ɛzay yeghaa wo, yaa ne nang iphɛ idee ne inat.

ɛYohana 10:28

Nzi naas ihywɛ iken ne inat, sɔng ihywɛ sɛ́ ne kus sang; sɔng ɛnyi sɛ ne yɛɛ ne phɔt ihywɛ ndɔ ne iwɔ nge gha nang.

ɛYohana 6:68

ɛSimɔn ɛBiturus sa ne kyii ɛbhɛ nɛ ɛ yɔngɔ, “ɛDaray, njwi yaa phɛ ɛlɔ ɛhay? iGyɛ ɛ bok ivol da ne ifɛ nang iken ne inat de.

ɛYohana 6:47

Nzi tɔng nyini itin nɛ, ɛhiha ɛnyi ne ɛ kɛ nang ne itin ne me wo, ɛ bok iken ne inat.

ɛYohana 5:39

Ɛ phɛl ɛn ɛWee ne iBol ɛTaanggbey yo cɛcɛɛy daa ɛli ne ɛ wɛɛ ɛn te ndɔ yɛ ne aa sɛ ɛn ne iken ne inat de. iVol lɛdaa nggyɛ wo ifɛ ne bol daa ne ito nge.

ɛYohana 4:14

Gbik ne iphɛ ɛlɛy, ɛhaa ne ɛ kɛ ne sɔ inɛn da ne naa nang ngo, sɔng aa ne tang phok irway ne has ba nang. iNɛn da ne naa nang ɛbhɛ wo yaa te te ɛncincɛk ndɔ ɛbhɛ wo, mpɛ ne ji naas iken ne inat.”

ɛMacu 19:29

Gbik ɛnyi gha ne ɛ kɛ ne tek idee, nɛ nigwaa niras sɛ nɛ nikuk kɛ, ne ɛkyɛɛ ne ɛgyinɛ, nɛ ninɔn, ne ihap ɛlɔ me wo, ɛ sɛ ne bhɛ say nikɔn nɛnaa wo i kyii tiil ɛbhɛ nɛ ikɔl idaan, ne ji ta nang ɛbhɛ iken ne inat.

1 ɛTimɔti 1:16

Gbik ne iphɛ ɛlɛy, ɛTaanggbey ya kɛ ne tɔɔrek me isan iyɔm gbom, mee wo ne n shɛs ne ɛfɔt to ndɔ ninaa ne ɛfɔt ta. ɛYɛso ɛKiriti gha kɛ mɔn ɛlɛ wo te ɛ tɔɔrek wu ɛbɔk ɛbhɛ ne ɛ sang ɛgak, te n te me ɛkɔn ne mɛmɛ nɛ ɛlɔ ninaa nɛ nibhɛ sɛ nang ne itin nɛ ne ɛbhɛ, nibhɛ sɛ iken ne inat de.

ɛMacu 19:26

ɛYɛso gha ne yɛɛn nibhɛ ne ɛ yaak nibhɛ, “Wu kɛ wɛɛ ne ɛten ɛsii sɔng ɛnyi sɛɛ ne yɛɛ nɛ nang, wu kɛ ne wɛɛ ɛn ɛTaanggbey yaa ne yɛɛ nɛ gbik.”

ɛMacu 19:15

Ne sɛ ɛYɛso gha kɛ darat ninɔn na ne iwɔ ɛbhɛ wo, ne ɛ tek ɛlɔ yɛ.