ɛMacu 18:9 - ɛWee ne ìTsɛm iHywas

⁹ Wu irisɛ mo iphɛ ne teyɛ ɛ mɔn ɛfɔt to, tul iphɛ te ɛ hana. iPhɛ phyin nɛ nɛ ɛbhɛ lel ɛlɔ ne iken inat de ne irisɛ idaan, ne aa boos irwisɛ mo da gbik ko i ji bhɛ cwaak kɛ ndɔ ne ijwee ne igboo wo.

ɛMacu 18:9 ပူးပေါင်းရင်းမြစ်များ

ɛMacu 16:26

iPhɛ so ɛnyi gha ikyee ne aa sɛ ɛzay ya gbik ko ɛ ji wɔs iken ɛbhɛ dee? iKyee ne ɛnyi gha sɛ yɛɛ ne bo ɛ sunu ne iken ɛbhɛ dee?

ɛMacu 18:8

Wu iwɔ mo, hang icwa mo yɔɔ, ifɛ yaa teyɛ ɛ mɔn ɛfɔt to, ne ɛ hyɛ ifɛ ɛ hana. iPhɛ phyin nɛ nɛ ɛbhɛ lel ɛlɔ ne iken ne inat de tang iwɔ, hang icwa yɔɔ, ne aa boos ibɔ de, ne ita mo de gbik ko, i ji bhɛ cwaak kɛ ne igboo ne sang kuuy yo.

ɛMacu 19:17

ɛYɛso gha ne yaak ɛbhɛ, “iKyee phɛ kɛ te ɛ phomos me daa ɛkɔn ɛyɛnɛng ngaa? ɛNyi ɛdaan zɔng ɛbhɛ so ɛyɛnɛng nga. Wu ˆɛ sim ˆɛ sɛ bhɛ lel ne iken ne inat de ne ˆɛ roos ikpii da.”

ɛMacu 5:22

Mee wo nzi ne bok nyini, ɛnyi gha ne kɛ te njenjek ne ɛgwaa ɛbhɛ gha, sɛ ne bol ɛbhɛ ɛshara. ɛHiha ɛnyi gha ne ɛ bol ivol ivebhe da ɛgwaa ɛbhɛ gha, itɔrɔng ngge sɛ ne soosek ɛbhɛ ɛnu ɛyisɛ. ɛHiha ɛnyi ne ɛ kɛ ne ta yaak ɛgwaa ɛbhɛ wu ɛ soye ɛwamang, ɛ sɛ ne bhɛ lel ne ijwee ne igboo.

ɛMacu 5:29

iPhɛ ɛlɛy, wu irisɛ ne iwɔ ne irywe mo iphɛ phɛ yaa teyɛ ɛ mɔn ɛfɔt to, ne ˆɛ tul iphɛ ˆɛ hana, iphɛ phyin ˆɛ wɔs ɛdɛ ɛlɔ ne ibek mo gha, ne yaa bo ibek mo de gbik ko bhɛ cwaak ne ijwee ne igboo wo.

ɛMarakus 9:47

Wu irisɛ idaan mo iphɛ sɛ ne teyɛ ɛ mɔn ɛfɔt to nang, ne ɛ tul iphɛ ɛ hana. iPhɛ kɛ jam mɛ ɛ sɛ ikɛn ne inat de ne irisɛ idaan de ne aa bhɛ lel ndɔ ne ijwee ne igboo wo ne irwisɛ mo da gbik ko.

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

iBirani 4:11

iPhɛ ɛlɛy, te njwɛɛn kyangkey yɛ gbom te bhɛ lel ndɔ ne ìfɔng ngɛdaa nggyɛ wo. Sɔng ɛdɛ ɛnyi shɛɛ tang bhɛ lel daa ɛli ne ɛ kɛ roos ngkɔɔl ninaa ne mbaray ibol ɛTaanggbey de nang.

Nikɔn ne kɛ Phaal 21:27

Sɔng ɛkɔn ne ishis, ne ɛnyi ne mɔn nikɔn ne ishis gbik ne ɛhaa ne irywɛɛk sɛ́ ne lel ɛgarang ngɛ nang. Ninyi na ne irɛɛk nibhɛ so ndɔ ne ɛWee ne iKen ɛNgɔn ne ɛpharak ka zɔng, nibhɛ bhɛ sɛ lel ndɔ ɛgarang nga.