ɛMacu 18:4 - ɛWee ne ìTsɛm iHywas

⁴ ɛHiha ɛnyi ne ɛ kɛ laasek ito ɛbhɛ te ɛngɔn nɛghaa bɛ, ɛbhɛ ne ɛ phyin ne igbom be ne igbɔm ɛdaa ne irywa da.

ɛMacu 18:4 ပူးပေါင်းရင်းမြစ်များ

ɛMacu 18:1

Nten nɛdee nggyɛ wo, ninɔn ne icwam ma ne yɛɛs ɛlɔ ɛYɛso gha, nibhɛ phom ɛbhɛ nibhɛ yaak ɛbhɛ, “ɛHay ɛbhɛ phyin ne igbom ndɔ ne iGbɔm ɛdaa ne irywa daa?”

ɛMacu 18:3

ne ɛ ji yɔngɔ, “Nzi tɔng nyini itin nɛ, wu ɛ kɛ sang hyere nyini ɛ te ɛn tɛ ninɔn nishɛɛrɛng, sɔng ɛ sɛ ne bhɛ lel ɛn ne iGbɔm ɛdaa ne irywa ba nang.

ɛMacu 18:5

“ɛHiha ɛnyi gha ne ɛ kɛ ne say ɛngɔn ɛshɛɛrɛng nga tɛ ɛsaa bɛ gha lenɛ ne irywɛɛk nge wo, mee nɛ kɛ ne say me.”

ɛMarakus 10:43

Sɔng ɛlɛy ne iphɛ ne so ndɔ mon no nang. ɛHiha ɛnyi ne ɛ sim te ɛ sɛ teye ɛndiinday mon na nang te ne ɛ yang teye ɛngɔn ne tom mon.

ɛMarakus 9:34

Ninɔn ne icwam ɛbhɛ na ne yaa shɛɛ nggbyak. Nibhɛ kɛ ku i reye ne ishamas de nkiinɛ daa ɛhaa ne ɛ phyin ne igbom.

ɛLuka 14:11

Gbik ɛnyi gha ne ɛ kɛ tɔɔk ito ɛbhɛ de, yaa ne tɔmɔsek ɛbhɛ, ɛhaa ne ɛ kɛ ne laasek ito ɛbhɛ de nang yaa ne tɔɔk ɛbhɛ.”

ɛLuka 9:48

Ne ɛ ji yaak nibhɛ, “ɛHiha ne ɛ kɛ say ɛnyinyɔn neghaa lenɛ ne irywɛɛk nge wo, mee ne ɛ kɛ say. ɛHiha ne ɛ kɛ ne say me wo, ɛ kɛ ne ma say ɛnyi gha ne ɛ kɛ tom me. ɛNyi gha ne ɛ kɛ taasek ɛ shɛs ndɔ mon no, ɛbhɛ ne ɛ phyin nyini ne igbom be.”

ɛYakub 4:10

Laasek ɛn itso mon ɛnu ɛyisɛ ɛDaray ya, aa ne yinɛ nyini.

1 ɛBiturus 5:5

ɛLɛy ne nyinɛn ninɔn niphas sa, roos ɛn ibol ninu ne ikɔɔn de. Gbik mon no, te ɛrɔngɔ laasek ito ɛbhɛ ɛnu ɛyisɛ ɛgwaa ɛbhɛ daa ɛli ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya mbaray ninyi na nibhɛ tɔɔsek ito de, ne ɛ ji mɔn ninaa nɛ nibhɛ kɛ laasek ito de iyɛnɛng.”