ɛMacu 18:3 - ɛWee ne ìTsɛm iHywas

³ ne ɛ ji yɔngɔ, “Nzi tɔng nyini itin nɛ, wu ɛ kɛ sang hyere nyini ɛ te ɛn tɛ ninɔn nishɛɛrɛng, sɔng ɛ sɛ ne bhɛ lel ɛn ne iGbɔm ɛdaa ne irywa ba nang.

ɛMacu 18:3 ပူးပေါင်းရင်းမြစ်များ

ɛMacu 13:15

Daa ɛli ne irway nibhɛ da kɛ te nkpuy, itoro nibhɛ de kɛ ne babhay, irwisɛ nibhɛ da kɛ ne ta cwamas se. Tɛ nibhɛ ne sang i wɛɛ, itoro nibhɛ de sang phok, irway nibhɛ da sang seng, ɛli nɛ nibhɛ yaa hyereey ɛlɔ nge gha, mee ne ɛTaanggbey yo, n ji te nibhɛ niken.’

ɛMacu 18:2

ɛYɛso gha ne yel-le ɛngɔn ɛshɛɛrɛng, ne ɛ yɛk ɛbhɛ nɛ ɛ kyinak ɛnu ɛyisɛ nibhɛ,

ɛMacu 18:4

ɛHiha ɛnyi ne ɛ kɛ laasek ito ɛbhɛ te ɛngɔn nɛghaa bɛ, ɛbhɛ ne ɛ phyin ne igbom be ne igbɔm ɛdaa ne irywa da.

ɛMacu 19:14

ɛYɛso gha ne yɔngɔ, “Tek ɛn ninɔn na nibhɛ yɛɛs ɛlɔ nge gha, sɔng ɛ ring ɛn nibhɛ nɛ wo nang, daa ɛli ne igbɔm ɛdaa ne irywa da so ivaa ne ihywee nibhɛ.”

ɛMacu 19:23

ɛYɛso gha ne yaak ninɔn ne icwam ɛbhɛ na, “Nzi tɔng nyini itin nɛ, iphɛ bok nggbang ɛhaa ne iryat ta bhɛ lel dak ne igbɔm ɛdaa ne irywa da.

ɛMacu 5:18

Nzi tɔng nyini itin nɛ, ɛdaa ne irywa wo ne ɛzay ya gbik sɛ taal le, sɔng ɛdɛ byibyɔɔrɔk gbik ne ɛdɛ ɛlyilying ne ibol ɛShara gha sɛ phee nang, sɛ shwaasek nibhɛ gbigbik.

ɛMacu 5:20

Nzi bok nyini, wu ɛ kɛ sang hyel ɛn cik ɛ phyin ɛn niFarisawa na nɛ ninaa ne kpɛl ɛShara gha, ɛtsak kɛ sɔng ɛ sɛ ne bhɛ lel ɛn ne igbɔm ɛdaa ne irywa da nang.

ɛMacu 6:16

“Wu aa ne kuma ɛn no, sɔng ne ɛ bees ɛn ɛyisɛ mon na ɛli nɛ niluk ka i mɔn no nang, daa ɛli nɛ nibhɛ bees ɛyisɛ nibhɛ gha tɛ ninyi ji seng wu nibhɛ kuma. Nzi tɔng nyini itin nɛ nibhɛ kɛ ne ku say ilong nibhɛ.

ɛMacu 6:2

“iPhɛ ɛlɛy, wu aa nang ɛtaasek ka ɛkɔn na, sɔng ne ɛ tɔɔrek kpas tɛ niluk ka nɛ nibhɛ tɔɔsel ndɔ ne idee ne itsɔɔy de ne nkpiinɛ da nang. Nibhɛ mɔn ɛlɛ wo te ninyi na ji ton nibhɛ. Nzi ne tɔng nyini itin nɛ, nibhɛ kɛ ku say ilong nibhɛ de.

ɛMacu 6:5

“Wu ˆaa ne bol ɛn ne ɛTaanggbey ya, sɔng ne ˆɛ roo ɛn tɛ niluk ka nang, daa ɛli nɛ nibhɛ kyinasek tsik ndɔ ne idee ne itsɔɔy gbik nɛ nilamas ne nkpiinɛ nibhɛ roro tɛ ninyi ji yaang nibhɛ. Nzi tɔng nyini itin nɛ nibhɛ kɛ ku say ilong nibhɛ.

ɛMarakus 4:12

Kɛ haa ndɔ ne ɛWee ne iBol ɛTaanggbey yo i bo, ‘Nibhɛ yaa i wɛɛ, sɔng nibhɛ ne yaang nang. Nibhɛ yaa ne i tenes, sɔng nibhɛ ne seng nang. Wu nibhɛ seng en, nibhɛ yaa ne ji san ɛbɔk, i hana nibhɛ ne ɛfɔt nibhɛ wo!’ ”

ɛLuka 13:24

“Maa Kyanke nyini nɛ, ɛ lel ɛn ɛnu ne izuk ɛnggbyak ka, daa ɛli nɛ ninyi na gbom sɛ tɔk tɛ nibhɛ sɛ nibhɛ lel ɛnggyɛ wo, sɔng nibhɛ sɛ ne yɛɛ nɛ nang.

ɛLuka 22:32

Nggɛ ne ku roo ɛTaanggbey ye daa ne ito mo ɛSimɔn ɔɔy, wu hang ìnang ne itin mo de taasek. Yaa ne sɛ ɛ kɛ bhɛ kyii ne ɛ te nigwaa mo na itsɔngɔl gɛgɛy.”

ɛYohana 1:51

Ne ɛ yaak nibhɛ, “Nzi tɔng nyini itin nɛ, ɛ sɛ yaang ɛn irywa kɛ phaal le, nimalɛka ɛTaanggbey ji le ne ɛdak kɛ nibhɛ tɔmɔs nibhɛ ta i waase daa ɛNgɔn ɛNyi gha.”

ɛYohana 3:3

ɛYɛso gha ne kyii ɛbhɛ nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi gha dɔng, sɔng ɛ sɛ ne bhɛ yaang igbɔm ɛTaanggbey da nang.”

ɛYohana 3:5

ɛYɛso gha ne kyii nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi ndɔ inɛn gbik ne iKabyik, sɔng ɛ sɛ ne bhɛ lel ne igbɔm ɛTaanggbey da nang.

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

ɛTomɛ 28:27

Daa ɛli ne irway ninyi yɛdaa wo kɛ te gɛgɛy. Nibhɛ kɛ gangat itoro nibhɛ, nibhɛ kɛ ne ta cwamas irwisɛ. Tɛ nibhɛ sang yaang, nibhɛ sang ta phok, nibhɛ seng, nibhɛ hyereey ɛlɔ nge gha te n tes nibhɛ niken.’ ”

ɛTomɛ 3:19

iPhɛ ɛlɛy yang, ne ɛ san ɛn ɛbɔk te ɛ kyii ɛn ɛlɔ ɛTaanggbey ya te ɛ kuus nyini ɛfɔt mon no.

1 iKɔrɔntos 14:20

Nigwaa en, sɔng ɛ tas ɛn tɛ ninɔn nang, yang te ɛn tɛ ninɔn na ɛlɔ ne mɔn nikɔn nibebhe, te icwas mon da ne ji so ivaa ɛnyi ne ɛ kɛ hɔn.

1 ɛBiturus 2:2

Te ne ɛɛ sak ɛn nyini ne ire ne ikabyik ge ɛli nɛ ninɔn nishesheng nga i sak ghe ne mbalas da, te ɛ hɔn ɛn ndɔ ne ìphɔrɔt mon da,

2 ɛBiturus 1:11

Yaa ne lenɛ ɛlɛ wo ne say nyini ne ibɔ iphaa ndɔ ne igbɔm ne inat ɛDaray njwɛɛn ɛYɛso ɛKiriti ɛhaa ne phɔt njwɛɛn.