ɛMacu 18:22 - ɛWee ne ìTsɛm iHywas

²² ɛYɛso gha ne yaak ɛBiturus segha, “Kwa, sɔng ɛniitaa nang, ɛniitaa gha ɛte nzuwubɔ ɛniitaa yɛ.”

ɛMacu 18:22 ပူးပေါင်းရင်းမြစ်များ

iKɔlɔsi 3:13

Boos ɛn ɛbɔk nɛ nigwaa na. Wu ɛdɛng ndɔ mon no kɛ ne bees ɛdɛng ngɛ, hana ɛn ɛbhɛ nɛ. Te ɛli ne ɛDaray ya kɛ hana nyini nɛ ɛfɔt mon no ne ˆɛ ma i han ɛn nyini nɛ.

ɛMarakus 11:25

Yaa ne sɛ aa roo ɛn no nang, ne ɛ kyi tsa ɛ han ɛn ninyi na nɛ nikɔn nikpɛɛ na nɛ nibhɛ kɛ mɔn nyini nɛ wo gbik, te ɛKyɛɛ mɔn na ne ɛ so daa ne irywa wo ne ma han nyini ne ɛfɔt mon no ne mang.

iFisus 4:31

Hosop ɛn nyini ne irway icway da, ne njenjek ge, ne irway njɛt da, ne irywen da, ne ibees ninyi na irywɛɛk ga gbik ne waa irway da.

iRooma 12:21

Sɔng ɛ sim ɛn ibebhe de phyin ihwet mon da nang, te iyɛnɛng mon de yang phyin ibebhe de ne ihwet.

iFisus 4:26

Wu ˆɛ kɛ te ɛn njenjek, sɔng ne ˆɛ mɔn ɛn ɛfɔt nang. Sɔng ne ˆɛ te ɛn njenjek ko iroy phyii bhɛ hooy nang.

1 ɛTimɔti 2:8

Ndɔ ne ijwira ninaa ne roos da, nzi ne sim tɛ niras sa sɛ i bol ne ɛTaanggbey, iphɛ ne so nggbinggbing niras sɛ soye ninaa ne ishwɛɛ nibhɛ kɛ jam ɛTaanggbey yegha. Yaa ne sɛ nibhɛ kɛ tɔɔk ibɔ de nibhɛ yaa bol ne ɛTaanggbey ya, tɛ nibhɛ ne mɔn ɛlɛy wɛlɛng njenjek ne ishamas.

ɛMacu 18:23

iPhɛ ɛlɛy, igbɔm ɛdaa ne irywa da so te ɛgɔm ne ɛ sim ɛ sɛɛ wɛɛ ɛli nɛ nikpuru ɛbhɛ kɛ mɔn ɛbhɛ ɛtomɛ.