ɛMacu 18:14 - ɛWee ne ìTsɛm iHywas

¹⁴ Ɛlɛy ne ɛKyɛɛ mon ɛdaa ne irywa gha, sɔng ɛ sim tɛ ɛdɛ ɛngɔn ɛshɛɛrɛng ngɛghaa wo sɛ ku nang.”

ɛMacu 18:14 ပူးပေါင်းရင်းမြစ်များ

2 ɛBiturus 3:9

Nidɛng i bo wu ɛTaanggbey ya so hyɔl ne shwaak ibol de ne ɛ kɛ ku sim-mɛ wo. Sɔng iphɛ ne so ɛlɛy nang. ɛTaanggbey ya bok ɛbɔk ne nyinɛn, ɛ sim te ɛrɔngɔ sɛ san ɛbɔk. Sɔng ɛ sim te ɛnyi ɛdaan sɛ ku nang.

ɛYohana 17:12

ɛLi ne nggaa sonɛ nibhɛ wo, nggaa ne kyɛngɛse nibhɛ, ne n wɛɛ nibhɛ yɛnɛng lenɛ ne ihwet da irywɛɛk mo wo ne ɛ kɛ nang me wo bok. Sɔng ɛdɛng kɛ ne birit tang, kang ne ɛhaa ne kaa ku yɔngɔ ɛ sɛ birit to, te shwaak ɛwee ne iBol ɛTaanggbey yo.

ɛYohana 21:15

Kɛ ne sɛ nibhɛ kɛ taal re ire de, ɛYɛso gha ne yaak ɛSimɔn ɛBiturus segha, “ɛSimɔn ne ɛ soyɛ ɛngɔn ɛYohana, ɛ kɛ yɛk ne irway daa me ɛ phyin nisaabɛ naa?” ɛSimɔn na ne kyii nɛ ɛ yɔngɔ, “Ɛɛy ɛDaray yɔɔ, ɛ ma ku yɛɛ ɛli ne nzi sim-mɛ wo.” ɛYɛso ne yaak ɛbhɛ, “Wɛɛ ninɔn ntsabhak nge na.”

iBirani 12:13

Hyel ɛn ne nkpiinɛ mon da cik, ɛlɔ ne ita mon de ne iphɛ rɔ wo yaa yung hante ne te kyɔkyɔt, te iphɛ yang te iken.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

ɛLuka 12:32

“Sɔng ne ɛ phok ɛn ɛnik ko, nyinɛn ninyunyɔn ne ᐩigyol nge wo nang, ɛKyɛɛ mon naa phok iyɛnɛng ne sɛ nang nyini igbɔm ba.

ɛMacu 6:32

Nikɔn nɛnaa wo nɛ ninyi na nɛ nibhɛ doo ɛTaanggbey yegha tɔk. ɛKyɛɛ mon ɛdaa ne irywa gha i yɛɛ ɛli ne ɛ sim ɛn nibhɛ.

ɛMacu 6:9

“Yaa sɛ aa bol ɛn ne ɛTaanggbey ya, te ne ɛ yɔng ɛn, ‘ɛTaa mos daa ne irywa, te nang irywɛɛk mo wo ne ndiinday,

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛMacu 18:13

Wu ɛ kɛ ne bhɛ sɛ ihywɛ, nzi ne tɔng nyini itin nɛ, irway ihwala da daa ne ihywɛ izaan nɛdee nggyɛ wo, yaa ne phyin irway ihwala ne ihywɛ nzuwubɔ ɛnduwujɛng ne ihywɛ ɛnduwujɛng nggɛ ne hame ihywɛ kɛ ma birit to.

ɛMacu 18:15

“Wu ɛgwaa mo gha kɛ ne mɔn nɛ ɛfɔt to, cwi ɛlɔ ɛbhɛ, te ɛbhɛ tɔɔrek ɛbhɛ ɛfɔt ɛbhɛ wo nyinɛn ne ɛbhɛ ifaa. Wu ɛ kɛ ne bhɛ phok kɛ ɛ kɛ ne kyii ne ɛgwaa mo gha.