ɛMacu 17:5 - ɛWee ne ìTsɛm iHywas

⁵ Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

ɛMacu 17:5 ပူးပေါင်းရင်းမြစ်များ

ɛMacu 3:17

iZɔlɔs ne le dak ne irywa wo ihywɛ yɔngɔ, “ɛNgɔn nge gha wo ne nzi sim; n bok irway ihwala ne ɛbhɛ gbom.”

ɛMacu 12:18

“ɛKpuru ngeghaa bɛ ne nggɛ kasa, nzi ne sim ɛbhɛ, nzi phok yɛnɛng ɛbhɛ. Naa sit ɛbhɛ ne ikabyik nge, aa ne tɔng ɛzay ya ibol ne iphɔrɔt de.

ɛMarakus 9:7

iNɔp ne shii yɛɛs iphɛ cwaal niYɛso yena, ne ji phok idɛ izɔlɔs de kɛ yaa bol nɛ ndɔ yɛ ihywɛ bo, “ɛNgɔn ngeghaa wo ɛhaa ne n nzi sim ɛbhɛ, roos ɛn ibol ɛbhɛ de.”

ɛYohana 3:35

ɛKyɛɛ ghaa sim ɛNgɔn na, ɛ kɛ ne nang ɛbhɛ igbɔm nikɔn na gbik.

ɛMarakus 1:11

iZɔlɔs ne ji le daa ne irywa wo ihywɛ boote ne ɛYɛso gha ihywɛ yaak ɛbhɛ, “iGyɛ ɛ soyɛ ɛNgɔn nge ne nzi sim. Ne n bok irway ihwala ne igyɛ gbom.”

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

ɛLuka 3:22

iKabyik ɛTaanggbey ne iphɛ so te ihywiyhwaa, ne tɔm iphɛ soos daa ɛYɛso gha. iZɔlɔs ne le daa ne irywa wo, ihywɛ boote, ihywɛ yɔngɔ, “iGyɛ ɛ so ɛngɔn nge ne nzi sim, nzi ne phok yɛnɛng mo.”

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

ɛTomɛ 7:37

Ne ta so ɛMuusaa ɛdaan kɛgha wo ne ɛ kaa yaak ninyi niSɛrɛla na, ‘ɛTaanggbey ya sɛ tom nyini ne ɛdɛ ɛNɛbi gha te mee wo, ɛ sɛ ne so ɛdɛ ɛnyi mon na.

ɛYohana 5:37

Ɛbhɛ ɛKyɛɛ nge gha, ne ito ɛbhɛ, ɛbhɛ kɛ tom me wo, ɛ kɛ ne ma tɔng ihywee ɛnyi gha ne nzo wo. Sɔng ɛ kɛ ku phok ɛn izɔlɔs ɛbhɛ nang, sɔng ɛ kɛ ne ku yaang ɛn ɛli ne ɛ so nang,

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

iFisus 1:6

Ɛ kɛ mɔn ɛlɛ wo te njwɛɛn dɛp ito-ndiinday ne izɛɛng ɛbhɛ ne ɛ kɛ nang njwɛɛn walala lenɛ ne ɛNgɔn ɛbhɛ ne ɛ sim.

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

ɛTomɛ 1:9

Ne sɛ ɛ kɛ boote ɛlɛ wo, ne bo ɛYɛso yegha ɛnu ɛyisɛ nibhɛ phɛɛs nɛ daa ne irywa. Idɛ inɔp be ne cwaal ɛbhɛ, sɔng nibhɛ tang yaang ɛbhɛ nang.

ɛMacu 17:6

Ne sɛ ninɔn ne icwam ma kɛ phok izɔlɔs de, nibhɛ ne wum ɛnik, nibhɛ ne ji hoghɛse gup ne ivel.

Nikɔn ne kɛ Phaal 14:14

Ne nyɛɛn ne n yaang inɔp ihala ne ɛdɛ ɛnyi gha ne ɛ so te ɛNgɔn ɛNyi ɛ kɛ soos ne inɔp be. ɛKɔn ne ito ne igbɔm izinariya so ne ito ɛbhɛ, ɛluwujɛ ne ɛbhɛ re ne so ne iwɔ ɛbhɛ.