ɛMacu 17:22 - ɛWee ne ìTsɛm iHywas

²² Kɛ ne sɛ ninɔn ne icwam ɛYɛso na kɛ tumɛy gbik ne iGalili de, ne ɛ yaak nibhɛ, “Yungaa nang ɛNgɔn ɛNyi gha ndɔ ne iwɔ ninyi,

ɛMacu 17:22 ပူးပေါင်းရင်းမြစ်များ

ɛMacu 16:21

Ne lenɛ nten nɛdee nggyɛ wo, ɛYɛso gha ne yaa bol nɛ ninɔn ne icwam ɛbhɛ na wɛsɛrɛk, ɛ bok nibhɛ, “iPhɛ so nggbinggbing mbɛ ne iYɛrushɛlɛm mbɛ sɔ nggbang gbom ne iwɔ ne ndiinday niYahodawa na, nɛ nindiinday nibo na, gbik nɛ ninaa ne kpɛl ɛShara gha. Nibhɛ sɛ bhɛ phoo me ne nggyi ta yilitsik ɛtuk ne itwat tɛ.”

ɛMarakus 8:31

ɛYɛso gha ne ji yaa mɛmɛ ninɔn ne icwam ɛbhɛ na nɛ ɛ bok nibhɛ, “iPhɛ so nggbinggbing mee ɛNgɔn ɛNyi gha n sɔ nggbang ngga ihywee-ihywee. Nindiinday ne ivel la nɛ nindiinday nibo ɛTaanggbey ya, nɛ ninaa ne kpɛl ɛShara na sɛ mbaray mee. Nibhɛ sɛ phoo me n nzɛ ne ra ne ikpuu ba nituk itwat ne n nggyii ta yilitsik.”

ɛMacu 17:23

nibhɛ sɛ ne phoo ɛbhɛ, ne sɛ ɛtuk ne itwat tɛ ne yiisik ɛbhɛ tsik.” Ninɔn ne icwam ma ne yaa bees irway gbom.

ɛLuka 24:46

Ɛ kaa yaak nibhɛ, “ɛKɔn neghaa ne Kaa haa ndɔ ne ɛWee ne iBol ɛTaanggbey yo, iPhɛ so nggbinggbing, ɛKiriti gha sɔ nggbang ɛ ji yilitsik ndɔ ne ikpuu ba ɛtuk ne itwat tɛ,

ɛLuka 24:26

iPhɛ so nggbinggbing ɛKiriti gha sɔ nggbang ngɛdaa nggyɛ wo nyɛɛn ɛ kyi lel ndɔ ne ndiinday ɛbhɛ de!”

ɛLuka 9:22

Ɛ kyii ta yaak nibhɛ, “iPhɛ so nggbinggbing ɛNgɔn ɛNyi sɔ nggbang ngga ihywee-ihywee. Ninu nikɔɔn na, nɛ nindiinday nibo ɛTaanggbey ya nɛ Ninaa ne Kpɛl ɛShara gha sɛ mbaray ɛbhɛ. Nibhɛ sɛ ne phoo ɛbhɛ; ne sɛ ɛtuk ne itwat tɛ, ne iyiisik ɛbhɛ tsik ne iken.”

ɛTomɛ 7:52

ɛDɛ ɛnɛbi gha sonɛ ne hame nikyɛɛ-nikyɛɛ mon na kaa sang baasek ɛbhɛ nggbang ngga? Nibhɛ kaa phobho ninaa nɛ nibhɛ kɛ tɔng ibol ne yɛɛs ɛNyi ɛCik ge ne ˆɛ kɛ mbaray ɛn nyini ɛbhɛ ˆɛ phoo ɛn no.

ɛMacu 26:46

Yili ɛn tsik te njwɛɛn hyel, yaang ɛn ɛNyi gha ne ɛ kɛ rɛp me wo kɛ tuu.”

ɛMacu 24:10

Nten nɛdee nggyɛ wo itin ne ibol ninyi de gbom sɛ ne te ntsenteng, nibhɛ ne naas isap nigwaa nibhɛ, nibhɛ ne ta mbaray nigwaa nibhɛ.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

1 iKɔrɔntos 11:23

ɛKɔn nɛghaa wo ne nggɛ mɛmɛ nɛ ɛlɔ ɛDaray, ɛbhɛ ne nzi ne ma tɔng nyini; wu ɛtuk ka ne kaa nang ɛDaray ɛYɛso yegha ndɔ ne iwɔ ninaa ne iphup po, ɛ kaa bo ibɛrɛdi,

ɛMacu 26:16

Ne lenɛ ɛlɛy, ɛYahoda gha ne yaa tɔk ikpɛk kɛ ne aa sɛ ɛ roos ɛ rɛp ɛYɛso yegha nɛ.

ɛMacu 17:9

Ne sɛ nibhɛ tɔmɔs en daa ne ɛwarang ngo, ɛYɛso gha ne kpɛngke nibhɛ, ɛ yɔngɔ, “Sɔng ɛ mɔng ɛn ɛdɛ ɛnyi ibol ɛkɔn de ne ɛ kɛ yaang ɛn no nang, tek ɛn ɛ hyep nten de ne ɛNgɔn ɛNyi gha kɛ yilitsik ndɔ ne ikpuu da.”

ɛMacu 17:12

Nzi ne tɔng nyini, ɛLiya gha kɛ ku yɛɛs, sɔng ninyi na seng ɛbhɛ nang, nibhɛ ne mɔn ɛbhɛ ne ɛkɔn na ne irway nibhɛ i bo. Ɛlɛy nɛ nibhɛ sɛ ne ma ta baasek ɛngɔn ɛnyi gha nggbang ngga.”

ɛLuka 9:43

Gbik ninyi na ne yaang ɛkɔn ne kparat, daa ne igbom ɛTaanggbey de. Ninyi na gbik kaa ne wum en zii daa nikɔn ne ɛYɛso gha kɛ mɔn no, ne ɛ boote nɛ ninɔn ne icwam ɛbhɛ na, ɛ yaak nibhɛ,