ɛMacu 17:20 - ɛWee ne ìTsɛm iHywas

²⁰ ɛYɛso gha ne kyii nɛ ɛ yɔngɔ, “Daa ɛli ne ìnang ne itin mon de kɛ taasek. Nzi tɔng nyini itin nɛ, ɛ sɛ kyi bok ɛn ìnang ne itin de ncɛt te itsara ne imɔsita, ɛ sɛ ne yaak ɛn ɛwarang ngɛ woo, ‘Shompe yɛ ɛbɛ wo te ɛ cwi gɔɔ nggyɛ,’ ɛbhɛ sɛ ne shompeey, sɔng ɛkɔn sɛ ne bɛ nyini nang.

ɛMacu 17:20 ပူးပေါင်းရင်းမြစ်များ

ɛLuka 17:6

ɛYɛso gha ne kyii nɛ, ɛ yaak nibhɛ, Ɛ sɛ kyi bok ɛn ìnang ne itin de ncɛncɛt te itsarak ɛ imɔsita, ɛ sɛ ne yaak ɛn gbaang ɛhon nɛwoo, “Yinɛ yɛ, ɛbhɛ see yɛ ndɔ ɛling, ɛ sɛ ne roos nyini nɛ.”

ɛMarakus 11:23

Nzi tɔng nyini itin nɛ, ɛhiha ɛnyi ne ɛ sɛ kyi yaak ɛphang ngɛwoo be, ‘Yilitsik ɛbhɛ ho ndɔ ɛrenes,’ ɛ sang kyii to irway ne daa ne ibol lɛ, ɛ yang nang ne itin nɛ daa ne ibol de ne ɛ kɛ boote wo, ɛkɔn na ne ɛ kɛ boote wo aa ne te.

ɛLuka 18:27

ɛYɛso gha ne kyii nɛ ɛ yɔngɔ, “ɛKɔn na ne ɛ phyin ihwet ɛten ɛsii ba, ɛ so phyonka ɛlɔ ɛTaanggbey ya.”

ɛLuka 1:37

Sɔng ɛdɛ ɛkɔn na sonɛ ne ɛ phyin ihwet ɛTaanggbey ba nang.”

ɛMacu 21:21

ɛYɛso gha ne kyii nibhɛ nɛ, ne ɛ yɔngɔ, “Nzi tɔng nyini itin nɛ, wu ɛ bok ɛn ìnang ne itin tang ɛ to ɛn irway daa ne iphɛ, ɛ sɛ ne mɔn ɛn ɛkɔn na ne ɛ phyin ɛhaa ne nggɛ mɔn ɛpharang ngɛghaa wo nɛ wo. Ɛ sɛɛ ma yung yaak ɛn ɛwarang ngɛ wo, ‘Yilitsik te ɛbhɛ ho ndɔ ɛling,’ iphɛ sɛɛ ne te ɛlɛy.

ɛMarakus 9:23

ɛYɛso gha ne yaak ɛkyɛɛ ɛngɔn na, “ɛYakɔn bhɛ kɛ te ɛ bok me wu naa yɛɛ nɛ woo? Sɔng ɛkɔn i bɛ ɛnyi gha ne ɛ kɛ nang ne itin nɛ wo nang.”

1 iKɔrɔntos 13:2

Nzɛ kyi bok izɛɛng ne bol te ɛnɛbi, n da yɛɛ ne seng ɛkɔn na ne ɛ so gying, n da bok ishweng nikɔn na gbik, n da bok ìnang ne itin ne iphɛ bok ihwet ne iphɛ sɛ yɛɛ ne shoom ivarang, wu ne n sang bok ishwim ba, sɔng ne nzo ɛkɔn nang.

ɛMacu 13:31

ɛYɛso gha ne kyi ta tɔng nibhɛ idɛ ibol ne igɔrɔp be dɔng, ɛ yɔngɔ: “Yaa ten igbɔm ɛdaa ne irywa da ne itsara imɔsita ne ɛnyi kɛ bo ɛ tup ne ihwap ɛbhɛ.

ɛYohana 11:40

ɛYɛso gha ne yaak ɛbhɛ, “Sɔng nggɛ yaak kɛ wu ɛ kɛ nang ne itin nɛ aa ne yaang ito-ndiinday ɛTaanggbey de nang nge?”

ɛMarakus 4:31

iPhɛ ne so te itsara ne iMɔsita. iTsara ne iMɔsita de ihywɛ kɛ taasek ihywɛ shɛs gbik ndɔ ne ihywee de nɛ ninyi na tubhus so.

iBirani 3:19

iPhɛ ɛlɛy, njwɛɛn kɛ ne yaang ɛli nibhɛ kaa sang bhɛ lel ndɔ ne ivel da daa ɛli nɛ nibhɛ kaa mbaray tang nang ne itin nɛ.

ɛMacu 17:17

ɛYɛso gha ne kyii nɛ nɛ ɛ yɔngɔ, “Nyinɛn ninaa ne yɔm ne itin ne ibol nɛ nibhɛ bok nggyuk ne izam mɛnaa wo nang! iShwɛɛ nge da ne nyinɛn no sɛ hɔn ne nggyibhii? ɛBɔk nge gha ne nyinɛn no sɛ hɔn ne nggyibhii? Nang ɛn mɛɛn ɛngɔn na ɛbɛ.”

1 iKɔrɔntos 12:9

iKabyik ɛTaanggbey idaan nɛ ne nang ɛdɛng izɛɛng ihwet ne ìnang ne itin, iphɛ ne nang ɛdɛng izɛɛng ne tes nisha niken.

ɛMacu 17:9

Ne sɛ nibhɛ tɔmɔs en daa ne ɛwarang ngo, ɛYɛso gha ne kpɛngke nibhɛ, ɛ yɔngɔ, “Sɔng ɛ mɔng ɛn ɛdɛ ɛnyi ibol ɛkɔn de ne ɛ kɛ yaang ɛn no nang, tek ɛn ɛ hyep nten de ne ɛNgɔn ɛNyi gha kɛ yilitsik ndɔ ne ikpuu da.”

ɛMacu 8:26

ɛYɛso gha ne yaak nibhɛ, “Nyinɛn ninaa ne ìnang ne itin mon de so ncɛt to, ikyee phɛ kɛ te ɛ wum ɛn ɛnik koo?” ɛYɛso gha ne ji yilitsik ɛ sit igbil lo ne igbugbung inɛn da ne ɛbung, ɛlɔ yɛ ne ku shii te yak.

ɛMacu 17:19

Ninɔn ne icwam ma ne yɛɛs nibhɛ sɛ ɛYɛso yegha gying, nibhɛ ne yaak ɛYɛso yegha, “iKyee phɛ kɛ te njwi kɛ doo ne tul ɛphoo ghaa?”

ɛMarakus 11:22

ɛYɛso gha ne kyii nibhɛ nɛ ɛ yɔngɔ, “Say ɛn ibol ɛTaanggbey de!

ɛMacu 14:29

ɛYɛso gha ne yaak ɛBiturus segha, “Yɛɛs.” ɛBiturus sa ne wuru ndɔ ne ikparak ko ɛ hyel daa inɛn da ɛ phɛɛs ɛlɔ ɛYɛso yegha.