ɛMacu 17:18 - ɛWee ne ìTsɛm iHywas

¹⁸ ɛYɛso gha ne sit ɛphoo gha ne ɛbung, ne ɛ wuru ndɔ ɛngɔn na, ɛngɔn na ne shii te ɛken.

ɛMacu 17:18 ပူးပေါင်းရင်းမြစ်များ

ɛMacu 9:22

ɛYɛso gha ne hyereey, ne ɛ yaang ɛkuk ka ne ɛ yaak ɛbhɛ, “ɛLap, sɔng ɛ sap nang, ìnang ne itin mo de kɛ phɔt tɛ.” Nɛ ne nten nɛ ɛkuk ka ne shii te ɛken.

ɛTomɛ 16:18

Ne ɛ mɔn ɛlɛ wo nituk maa. ɛBulus sa ne te njenjek ne ɛ hyereey ɛ yaak ɛphoo gha ne ɛ so ndɔ ɛbhɛ wo, “Nzi bok kɛ tek ɛngɔn nɛghaa wo ndɔ ne irywɛɛk ɛYɛso ɛKiriti!” Nɛ nten nɛ ɛphoo gha ne shii wuru ndɔ ɛngɔn ɛlyilyap pa.

ɛLuka 9:42

Kɛ ne sɛ ɛli ne ɛngɔn na phɛɛs ne sɛ ɛYɛso yegha, ɛphoo gha ne ta shii yinɛ ɛbhɛ, ɛ cwaak ɛbhɛ ne ivel; ɛngɔn na ne ta yaa bo tsitsiy yo dɔng. ɛYɛso gha ne sit ɛphoo gha ne ɛbung, ɛ te ɛngɔn na ɛken ɛ nang ɛkyɛɛ yɛ.

ɛLuka 8:29

Ɛ kɛ boote ɛlɛ wo, daa ɛli ne ɛYɛso gha kɛ ku yɛk niphoo na nɛ wu tɛ nibhɛ wuru ndɔ ɛbhɛ. niPhoo na kaa ku mɔɔng nibhɛ wum ɛnyi gha gɛgɛy, ne i sɛ kɛ bo nyang i rop ɛbhɛ ibɔ ne ita, i rop ɛbhɛ ɛgangat ne ɛ sɛs nyang ngɛ, niphoo na ji bo ɛbhɛ nibhɛ lel lɛ ɛhay.

ɛMarakus 5:8

Ɛ kɛ boote ɛlɛ wo daa ɛli ne ɛYɛso gha kɛ ku boote nɛ niphoo na ɛ yaak nibhɛ, “Wuru ndɔ ɛnyi gha igyɛ ne ikabyik ibebhe.”

ɛMarakus 1:34

ɛYɛso gha ne jii tes nisha na niken ihywee-ihywee. Ɛ ta tuul niphoo na ndɔ ninyi na gbom. Sɔng ne ɛɛ kyii sim niphoo na ne boote nang, daa ɛli nɛ niphoo na kaa ku yɛɛ ɛli ne ɛYɛso gha so ɛNgɔn ɛTaanggbey ya.

ɛMacu 15:28

ɛYɛso gha ne kyii ɛkuk ka nɛ, ɛ yaak ɛbhɛ, “ɛKuk, ɛ bok ìnang ne itin gbom! ɛKɔn na ne ɛ sim mo, yaa mɔn nɛ nɛ.” ɛLap ɛkuk ka ne shii te ɛken nɛ ne nten nɛ.

ɛMacu 12:22

Kaa ne yɛɛs ɛYɛso yegha ne ɛdɛ ɛnyi gha ne ikabyik ibebhe so ndɔ ɛbhɛ ne iphɛ kɛ te ɛnyi gha ɛ yɛk iwil, ɛ ta te nkpɔy. ɛYɛso gha ne te ɛnyi gha ɛken, ɛnyi gha ne yaa wɛɛ, ɛ ta yaa bol.

ɛLuka 4:41

niPhoo na ne ma wuusi ndɔ ninyi na gbom. Nibhɛ ne i banga ikpun, nibhɛ bo, “Ɛ soyɛ ɛNgɔn ɛTaanggbey!” ɛYɛso gha ne sit niphoo na ne ɛbung, ɛ ring nibhɛ ne bol lɛ, daa ɛli nɛ nibhɛ yɛɛ ɛli ne ɛYɛso gha so ɛKiriti gha.

ɛMacu 17:17

ɛYɛso gha ne kyii nɛ nɛ ɛ yɔngɔ, “Nyinɛn ninaa ne yɔm ne itin ne ibol nɛ nibhɛ bok nggyuk ne izam mɛnaa wo nang! iShwɛɛ nge da ne nyinɛn no sɛ hɔn ne nggyibhii? ɛBɔk nge gha ne nyinɛn no sɛ hɔn ne nggyibhii? Nang ɛn mɛɛn ɛngɔn na ɛbɛ.”

ɛMacu 17:19

Ninɔn ne icwam ma ne yɛɛs nibhɛ sɛ ɛYɛso yegha gying, nibhɛ ne yaak ɛYɛso yegha, “iKyee phɛ kɛ te njwi kɛ doo ne tul ɛphoo ghaa?”