ɛMacu 17:12 - ɛWee ne ìTsɛm iHywas

¹² Nzi ne tɔng nyini, ɛLiya gha kɛ ku yɛɛs, sɔng ninyi na seng ɛbhɛ nang, nibhɛ ne mɔn ɛbhɛ ne ɛkɔn na ne irway nibhɛ i bo. Ɛlɛy nɛ nibhɛ sɛ ne ma ta baasek ɛngɔn ɛnyi gha nggbang ngga.”

ɛMacu 17:12 ပူးပေါင်းရင်းမြစ်များ

ɛMacu 16:21

Ne lenɛ nten nɛdee nggyɛ wo, ɛYɛso gha ne yaa bol nɛ ninɔn ne icwam ɛbhɛ na wɛsɛrɛk, ɛ bok nibhɛ, “iPhɛ so nggbinggbing mbɛ ne iYɛrushɛlɛm mbɛ sɔ nggbang gbom ne iwɔ ne ndiinday niYahodawa na, nɛ nindiinday nibo na, gbik nɛ ninaa ne kpɛl ɛShara gha. Nibhɛ sɛ bhɛ phoo me ne nggyi ta yilitsik ɛtuk ne itwat tɛ.”

ɛTomɛ 4:10

Ne ɛ seng ɛn iphɛ ɛlɛ nyinɛn no gbik nɛ ninyi niSɛrɛla na: ɛnyi yɛghaa wo ne ɛ kɛ kyinak ɛbɛ wo, kɛ te ɛken na lenɛ ne irywɛɛk ɛYɛso ɛKiriti ne iNazarat, ɛhaa ne ɛ kaa gangat ɛn ɛbhɛ wo, ɛhaa ne ɛTaanggbey ya ne kyii yiisik ɛbhɛ tsik ndɔ ne ikpuu da.”

ɛTomɛ 7:52

ɛDɛ ɛnɛbi gha sonɛ ne hame nikyɛɛ-nikyɛɛ mon na kaa sang baasek ɛbhɛ nggbang ngga? Nibhɛ kaa phobho ninaa nɛ nibhɛ kɛ tɔng ibol ne yɛɛs ɛNyi ɛCik ge ne ˆɛ kɛ mbaray ɛn nyini ɛbhɛ ˆɛ phoo ɛn no.

ɛTomɛ 2:23

ɛTaanggbey ya kaa ku lɔl lɛ, ne ɛ ku i yɛɛ iphɛ ɛlɛy. Ɛ kaa nang ɛn ɛYɛso yeghaa wo ndɔ ne iwɔ nibebhe ninyi, nibhɛ ne phoo ɛbhɛ dak ne ihon.

ɛYohana 1:11

Ɛ kaa yɛɛs ɛgarang ɛbhɛ, sɔng ninyi ɛbhɛ na ne say ɛbhɛ nang.

ɛLuka 7:33

“Daa ɛli ne ɛYohana ne Yaak ne iBatisima gha kaa yɛɛs ɛ mbaray tang sɔ inɛn ɛnap, ɛɛ kuma; ne ɛ yaa bo ɛn wu ɛ bok niphoo.

ɛMacu 21:32

Daa ɛli ne ɛYohana gha kaa yɛɛs ɛ tɔɔrek nyini ɛnkiinɛ ɛcik ko, sɔng ɛ kaa ne nang ɛn ne itin nɛ ne ɛbhɛ nang. Ninaa ne saasel ijam nvel la, nɛ nikuk ne re shwaa na ne nang ne itin nɛ ne ɛbhɛ. ɛLi ne ɛ kɛ jung ta yaang ɛn ɛlɛ wo, sɔng ɛ kɛ ne kyii ɛn ɛ san ɛn ɛbɔk ɛ nang ɛn ne itin nɛ ne ɛbhɛ nang.”

ɛMacu 11:2

Nten nɛdee nggyɛ wo, ɛYohana ne Yaak ne iBatisima gha kaa ne so ne ijwee ne nyang, ne ɛ phok nikɔn na ne ɛKiriti gha mɔn no, ne ɛ tom ninɔn ne icwam ɛbhɛ na ɛlɔ ɛKiriti gha,

ɛMacu 8:20

ɛYɛso gha ne yaak ɛbhɛ, “Nikwiy ya bok ivong, ninon ɛdaa ne irywa na ne bok niryee, sɔng ɛNgɔn ɛNyi gha ne ɛ bok ɛlɔ ne aa phɔng ngɛ nang.”

ɛMacu 17:9

Ne sɛ nibhɛ tɔmɔs en daa ne ɛwarang ngo, ɛYɛso gha ne kpɛngke nibhɛ, ɛ yɔngɔ, “Sɔng ɛ mɔng ɛn ɛdɛ ɛnyi ibol ɛkɔn de ne ɛ kɛ yaang ɛn no nang, tek ɛn ɛ hyep nten de ne ɛNgɔn ɛNyi gha kɛ yilitsik ndɔ ne ikpuu da.”

ɛMacu 17:11

ɛYɛso gha ne kyii nɛ ɛ yɔngɔ, “ɛLiya gha sɛ tsa ɛ yɛɛs so ɛtsak, ɛ sɛ yɛɛs ɛ ryɔng nikɔn na gbik.

ɛMacu 17:13

Ninɔn ne icwam ma ne ji seng wu ɛYɛso gha kaa bol nɛ nibhɛ ibol ɛYohana ne Yaak ne iBatisima.

ɛMacu 17:22

Kɛ ne sɛ ninɔn ne icwam ɛYɛso na kɛ tumɛy gbik ne iGalili de, ne ɛ yaak nibhɛ, “Yungaa nang ɛNgɔn ɛNyi gha ndɔ ne iwɔ ninyi,