ɛMacu 16:3 - ɛWee ne ìTsɛm iHywas

³ I ne sɛ irywa wo kɛ seng, ifɛ sii ne ihwɛlɛ, ne ɛ yɔng ɛn wu inɛn yaa reey izenge wo. ˆƐ yɛɛ ne wɛɛ ɛn inɔp ˆɛ seng ɛn nyu nikɔn nɛ nibhɛ yaa tes, sɔng ˆɛ kɛ ne yɛɛ ne seng ɛn nyu nikɔn nɛ nibhɛ tes ne izam mɛdee wo nang.

ɛMacu 16:3 ပူးပေါင်းရင်းမြစ်များ

ɛMacu 11:5

Ɛ kɛ yaang ɛ ɛli nɛ niwil la kɛ yaa wɛɛ, nigyamil la kɛ yaa hyel tsik, nikparong nga kɛ tes wɛwɛy, nirwan na kɛ yaa tenes ivol, ikpom ba ta semese, ne ta tɔng nihala na iBol iYɛnɛng ngge.

ɛMacu 15:7

Nyinɛn no ne ɛ so ɛn niluk ka! iBol ɛShaa de kaa so itin nɛ ne ɛ kaa boote daa ne ito mon de ɛ yɔngɔ,

ɛMacu 22:18

ɛYɛso gha ne ku yɛɛ idal nibhɛ de, ne ɛ yaak nibhɛ, “Nyinɛn niluk en! iKyee iphɛ kɛ te ˆɛ ten ɛn mɛɛn noo?

ɛMacu 23:13

“ɛKɔn ne ɛnik nyinɛn ninaa ne kpɛl ɛShara gha nɛ niFarisawa na! Ɛ so ɛn niluk! Ɛ kɛ cwaal ɛn ninyi na ɛnu ne izuk ne igbɔm ɛdaa ne irywa da, sɔng ɛ kɛ lel ɛn nang, sɔng ɛ kɛ ne kyii ta tek ɛn ninyi na nɛ nibhɛ sim nibhɛ aa lel lo nibhɛ lel nang.

ɛMacu 4:23

ɛYɛso gha ne kaan ne ivel ne iGalili da gbik, ɛ mɛmɛ ninyi na nɛ ndɔ ne idee ne itsɔɔy niYahodawa na, ɛ tɔng nibhɛ ibol iyɛnɛng ne igbɔm ɛTaanggbey da, ɛ ta tes nishwa nɛ ninaa ne irɔ niken.

ɛMacu 7:5

iGyɛ wo ne ɛ soyɛ ɛluk ka, yang tsa ɛ tul ngguk ne ihon ndɔ ne irisɛ mo de, aa ne ji wɛɛ ywɛywɛy ɛ ji yaang ɛli ne aa tul ɛnkɔlɔng ne irisɛ ɛgwaa mo de.

ɛLuka 11:44

ɛKɔn ne ɛnik, nyinɛn niFarisawa wo, daa ɛli ne ˆɛ so ɛn te ikpuu nɛ ninyi hyel lɛ nibhɛ ne sang jii yɛɛ te ikpuu.

ɛLuka 12:56

niLuk en! Ɛ yɛɛ ne seng ɛn ɛli ne ɛzay ya hyel; ikyee iphɛ kɛ ne te aa sang seng ɛn nten ne izam mɛdee woo?”

ɛLuka 13:15

ɛDaray ya ne kyii nɛ, ɛ yɔngɔ, “Nyinɛn niluk ghe, ɛrɔngɔ yaa tul ᐩigyol ɛbhɛ ne ɛjaakyi ɛbhɛ, ɛbhɛ nang ɛbhɛ inɛn ɛtuk ne iwɛsɛ gha.

iBirani 5:14

iRe gɛgɛy de so idee ninyi nɛ nibhɛ kɛ hɔn lenɛ ne igbaat nɛ nibhɛ kɛ ku gbaat en, nibhɛ yɛɛ ne hosop iyɛnɛng ne ibebhe.