ɛMacu 16:18 - ɛWee ne ìTsɛm iHywas

¹⁸ Nzi ne tɔng ngɛ igyɛ ne ɛ soyɛ ɛBiturus, ɛ soye ɛphang, daa ne ɛphang ngɛwoo wo ne nzɛ ne lɔl ne idira ninaa ne roos nge de. Sɔng iku sɛ ne phyin iphɛ ne ihwet tang.

ɛMacu 16:18 ပူးပေါင်းရင်းမြစ်များ

iKɔlɔsi 1:18

ɛKiriti gha ɛbhɛ so ito ne idira ninaa ne roos de, nibhɛ ne soye ibek ɛbhɛ. Ɛbhɛ so ɛyisɛ yɛ, ɛbhɛ ne ɛ ta so ɛyisɛ yɛ ndɔ ninaa ne yilitsik ne ikpuu da, te ɛbhɛ teye ɛyisɛ ndɔ nikɔn na gbik.

ɛYohana 1:42

ɛNdarawus sa ne phɛ ne ɛSimɔn na ɛlɔ ɛYɛso gha. ɛYɛso gha ne yɛɛn ɛSimɔn negha ne ɛ ji yaak ɛbhɛ, “I bok kɛ ɛSimɔn, ɛngɔn ɛYohana, yaa ne yaa bok kɛ ɛKyɛfas.” Kaabi i bo “iKɛɛ.”

iBirani 12:28

iPhɛ ɛlɛy, te njwɛɛn teye ninaa ne irway ihwala, daa ɛli ne njwɛɛn i saasel igbɔm ba ne hame i ta sungki wo. Te njwɛɛn i re ɛTaanggbey yegha ntsong ngga ɛli ne ɛ sim, ndɔ ne ndiinday ne ɛnik.

ɛTomɛ 2:47

Nibhɛ ne i dɛp ɛTaanggbey ye. Ninyi na gbik ne yaa sim nibhɛ. ɛDaray ya ne ma hanas nibhɛ nɛ ninaa ne i phɔrɔt to.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

iFisus 5:32

iBol lɛdee wo so gying, iphɛ so kyukyum gbom, nggɛ ne bo iphɛ daa ne ibol ne ìtsɛm ne ɛKiriti bok ne idira ninaa ne roos.

iFisus 3:10

iCwas ɛbhɛ da kaa so wu te lenɛ ne idira ninaa ne roos de ɛlyilyɛghaa wo, tɛ nigɔm gbik nɛ ninaa ne igbɔm ɛzay ɛdaa ne irywa na mɛmɛ ne ntsɛntsɛng ɛTaanggbey de hywee-hywee.

Nikɔn ne kɛ Phaal 21:14

iWabha ɛgarang ngo kaa bok ikpɛɛ ne itsum ɛnduwubɔ ne ifɛ ifaa. Ne haa irɛɛk ninɔn ne tom ɛnduwubɔ nɛ nibhɛ ifaa ɛNgɔn ne Pharak ge ne itsum ba. ɛWowoo ɛtum ne i bok irywɛɛk ɛngɔn ne tom ɛdaan.

ɛTomɛ 8:1

ɛShawulu gha ne sim ɛli ne kɛ phoo ɛSitivin ne gha. ɛTuk kɛghaa nggyɛ wo ɛgbaang nggbang ne sɛ idira ninaa ne roos de nɛ nibhɛ so ne iYɛrushɛlɛm be. Nibhɛ ne tes en shwaa nibhɛ phɛ ne iYahudiya ne iSamariya. Ninɔn ne tom ma zɔng nibhɛ mak ne iYɛrushɛlɛm be.

1 ɛTimɔti 3:5

Wu ɛnyi gha i doo ne boos ijwee ɛbhɛ wo, aa ne mɔn ɛlii ɛ yɛɛ ne wɛɛ idira ninaa ne roos ɛTaanggbey yedee?

iGalatiya 2:9

ɛYakub pa ne ɛBiturus sa, ne ɛYohana gha ne kaa ku bo nibhɛ tɛ nindiinday ya kaa ne ma seng wu ɛTaanggbey ya kɛ nang me ɛtomɛ yɛghaa wo. Nibhɛ ne sɔ iwɔ ne ìtsɛm ninaa ne roos. Nibhɛ ne sim me nɛ wu te mee wo ne ɛBanabas sa te njwi phɛ ɛlɔ ninyi na ne hame nibhɛ soye niYahodawa na tɛ nibhɛ wo ne ji phɛ ɛlɔ niYahodawa na.

ɛMacu 18:17

Wu ɛ kɛ ne ta bhɛ mbaray tang phok nibhɛ, ne ɛ cwi ne ɛbhɛ ɛlɔ ne idira ninaa ne roos, wu ɛ kɛ ne ji ta bhɛ mbaray tang phok idira ninaa ne roos sa, ne ɛ bo ɛn ɛbhɛ te ɛ kɛ teye ɛhaa ɛzay ne ɛhaa ne ɛfɔt.”

ɛMacu 11:23

iGyɛ wo lɛɛ? iKafanahum, ɛ ji wɛɛ te sɛ tɔɔk kɛ daa ne irywa naa? Kwa! Sɛ yang cwaak kɛ ndɔ ɛtata ɛlɔ ne ikpom ma. Sɛɛ yɔng kɛ mɔn ihywee nikɔn ne kparat de ne kɛ mɔn ndɔ ne igyɛ ɛgarang ne iSɔdɔm, ninaa ne iSɔdɔm na saa ne shɛɛ nɛ ɛbhɛ hɔn izenge.

ɛMacu 10:2

Nibhɛ kaa ne so ɛlɛ: ɛHaa ɛyisɛ yɛ kaa so ɛSimɔn ne ɛYɛso gha kaa nang ɛbhɛ idɛ irywɛɛk ko ɛ bok ɛbhɛ ɛBiturus, ne ɛgwaa ɛbhɛ ɛNdarawus, ne ɛYakub ne ɛ so ɛngɔn ɛZɛbɛdi, gbik ne ɛgwaa ɛbhɛ ɛYohana.

Nikɔn ne kɛ Phaal 11:15

ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”

1 iKɔrɔntos 15:55

“iGyɛ ne iku, ihwet ne phobho da so ɛbii? ɛNyɛs mo wo so ɛbii?”

ɛMacu 4:18

Kaa ne sɛ ɛYɛso gha i hyel ɛmbambang ne ɛLing ne iGalili gha, ne ɛ yaang nidɛng nigwaa na ifaa, ɛSimɔn ne i ta bok ɛbhɛ ɛBiturus, ne ɛgwaa ɛbhɛ ɛNdarawus. Nibhɛ kaa ne i cwaasek ne ɛkara ndɔ ɛling nga daa ɛli nɛ nibhɛ so ninaa ne lok izing.

ɛMacu 7:24

“iPhɛ ɛlɛy, ɛhiha ɛnyi ne ɛ kɛ tenes ivol lɛdaa wo, ɛ ji mɔn ɛtomɛ ne ifɛ, ne ɛ so te ɛnyi ɛntsɛntsɛng ne ɛ kɛ lɔl ijwee ɛbhɛ daa ne ɛphang.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.