ɛMacu 16:16 - ɛWee ne ìTsɛm iHywas

¹⁶ ɛSimɔn ɛBiturus sa ne kyii nɛ ɛ yɔngɔ, “iGyɛ ɛ soyɛ ɛKiriti, ɛNgɔn ɛTaanggbey ne iken.”

ɛMacu 16:16 ပူးပေါင်းရင်းမြစ်များ

ɛMacu 14:33

Ninaa nɛ nibhɛ so ndɔ ne ikparak ko, ne re ɛYɛso yegha ntsong, nibhɛ bo: “iTin nɛ, igyɛ soyɛ ɛNgɔn ɛTaanggbey ya.”

ɛYohana 11:27

ɛMata gha ne kyii nɛ ɛ yɔngɔ, “Ɛɛy ɛDaray yɔɔy, nggɛ nang ne itin nɛ, igyɛ ɛ soyɛ ɛKiriti gha, ɛNgɔn ɛTaanggbey ya ne njwi ku hyep iyɛɛs ɛbhɛ da.”

1 ɛYohana 4:15

Gbik ɛnyi gha ne ɛ kɛ boote ne ɛnu ɛbhɛ ɛ yɔngɔ wu ɛYɛso gha soye ɛNgɔn ɛTaanggbey ya, ɛTaanggbey ya i ne shɛɛ ndɔ ɛbhɛ ɛ ma i shɛɛ ndɔ ɛTaanggbey ya.

ɛMacu 27:54

Ne sɛ ɛndiinday nisooja na gbik nɛ nisooja na nɛ nibhɛ hyep ɛYɛso yegha kɛ yaang ɛli ne ivel lo kɛ runket to, nibhɛ ta yaang nikɔn na nɛ nibhɛ kɛ tes so, nibhɛ ne wum ɛnik, nibhɛ ne yɔngɔ, “iTin nɛ ne ɛnyi yɛghaa wo kaa soye ɛNgɔn ɛTaanggbey ya ɛtsak!”

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

ɛTomɛ 9:20

Ne phyɔngɔle ncɛt, ɛShawulu gha ne yaa sanga ibol ɛYɛso de ndɔ ne idee ne itɔɔy niYahodawa de wu ɛYɛso gha so ɛngɔn ɛTaanggbey.

1 iTasɔlɔnika 1:9

Daa ɛli nɛ ninyi na ne ito nibhɛ bhɛ tɔng ihywee ne say da ne ɛ kaa say ɛn njwi wo. Nibhɛ tɔng ɛli ne ɛ kaa hyere ɛn nyini ɛlɔ ɛTaanggbey ya ɛ tek ɛn re igunkyi de ntsong nggaa, ɛ yaa re ɛn ɛTaanggbey ne itin na, ɛhaa ne iken na ntsong ngga,

ɛMacu 26:63

ɛYɛso gha ne i shɛɛ nggbyak. ɛGɔm nibo gha ne yaak ɛbhɛ, “Nzi bol ne igyɛ ndɔ ne irywɛɛk ɛTaanggbey, mɔng njwii, igyɛ so ɛKiriti ghaa, ne ɛ soye ɛNgɔn ɛTaanggbey yaa?”

1 ɛYohana 5:5

ɛHay ɛbhɛ aa yɛɛ ne re ɛwɛng nga ne ɛzay yaa? iPhɛ so ɛnyi gha ne ɛ kɛ nang ne itin nɛ wu ɛYɛso gha soye ɛNgɔn ɛTaanggbey ya.

iBirani 10:31

iPhɛ so ɛkɔn ne ɛnik gbom ɛnyi gha ho ne iwɔ ɛTaanggbey ne iKen na.

iRooma 1:4

Ndɔ ne ibol de ne ɛ le ɛlɔ ɛTaanggbey ya ne idee ne iwɛwɛy ɛbhɛ de nang, kaa ne tɔɔrek ɛli ne ɛ so ɛngɔn ɛTaanggbey ya nten de ne kaa yiisik ɛbhɛ tsik ndɔ ne ikpuu da lenɛ ne ihwet ne iKabyik ɛTaanggbey de. Ɛbhɛ ne ɛ so ɛYɛso ɛKiriti ɛDaray njwɛɛn.

ɛMarakus 14:61

ɛYɛso gha ne i shɛɛ nggbyak, sɔng ɛ kyii nibhɛ ne ibol nang. ɛGɔm nibo ɛTaanggbey ya ne kyii ta phom ɛbhɛ ɛ yaak ɛbhɛ, “Hang igyɛ ɛ yung so ɛKiriti gha ne ɛ so ɛNgɔn ɛTaanggbey ne ndiinday ya naa?”

ɛYohana 20:31

Kɛ ne haa ninaa wo te ɛ nang ɛn ne itin wu ɛYɛso gha ɛbhɛ soye ɛKiriti gha, ɛNgɔn ɛTaanggbey ya. Te ne ji lenɛ ne itin de ne ɛ kɛ nang ɛn ne ɛbhɛ wo, ɛ sɛ ɛn iken ndɔ ne irywɛɛk ɛbhɛ wo.

ɛYohana 1:49

ɛNatanyɛl la ne yɔngɔ, “ɛKyɛɛ ne iCwam, igyɛ ɛ so ɛNgɔn ɛTaanggbey; igyɛ ne ɛ soyɛ ɛgɔm niSɛrɛla gha.”

iBirani 12:22

ˆƐ kɛ ne yang yɛɛs ɛn ne ɛwarang ne iSihiyɔɔna, ne iYɛrushɛlɛm ɛdaa ne irywa, ɛgarang ɛTaanggbey ne iken. ˆƐ kɛ yɛɛs ɛn ɛlɔ ne idira ne nimalɛka nɛ nibhɛ kɛ hɔn ninom ma daa ɛco ninom, nibhɛ so irway ihwala.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

2 iKɔrɔntos 6:16

ɛYakɔn ɛbhɛ kɛ byinki ideng ɛTaanggbey de ne ɛlɔ ne ikpii ghaa? Njwɛɛn soye ideng ɛTaanggbey ɛhaa ne iken, te ɛli ne ɛTaanggbey ya kɛ boote ɛ yɔngɔ, “Naa shɛɛ ndɔ nibhɛ, ne n hyel ndɔ nibhɛ. Naa te me ɛTaanggbey nibhɛ, nibhɛ ne teye ninyi nge.

2 iKɔrɔntos 3:3

Ɛ kɛ tɔɔrek ɛn wu ɛ so ɛn ɛwee ɛKiriti lenɛ ne ɛtomɛ mos. Sɔng kɛ ne haa ɛwee yɛwoo wo ne ngkyi nang, kɛ yang haa ne iKabyik ɛTaanggbey ne iken. Sɔng kɛ ne haa daa ne ikpɛɛ ne sɛp te igbii nang, kɛ yang haa ndɔ ne irway ninyi.

ɛTomɛ 14:15

“Ninyi ne iLisitira! iKyee iphɛ kɛ te ɛɛ mɔn ɛn ɛkɔn neghaa woo? Njwi ma so niten nisii tɛ nyinɛn. Njwi kɛ yɛɛs nyini ne ibol iyɛnɛng, njwii bok nyini te ɛ hyere ɛn nyini ɛ tek ɛn nikɔn nibuu yɛnaa nggyɛ wo, ɛ yaa re ɛn ɛTaanggbey ne iken ne ntsong ne ɛbhɛ kɛ ryɔng ɛdaa ne irywa ne ndɔ ɛzay, nɛ nirenes gbik nɛ nikɔn na nɛ nibhɛ sonɛ ndɔ yɛ.

ɛMacu 4:3

ɛShɛtan na ne ji yɛɛs ɛ yaak ɛYɛso yegha, “Wu ɛ so yɛ ɛNgɔn ɛTaanggbey ya, ne ɛ yɛk ngɛ ikpɛɛ yɛdaa wo teye ire.”

ɛTomɛ 8:36

Ne sɛ nibhɛ ma tɔɔ hyel lo nibhɛ ne sɛ irong inɛn, ɛgbaang ɛnyi wo ne yɔngɔ, “Yaang, inɛn daa nggyɛ ɛyakɔn ɛbhɛ yaa ne ring ne yɛk me ne ibatisima dee?”

ɛYohana 6:69

Njwi kɛ ne nang ne itin nɛ, njwii ne ta yɛɛ wu igyɛ soyɛ ɛNyi ɛTaanggbey ne kɛ Tul Kang.”

ɛMacu 1:16

ɛYakub pa ne yɛk ɛYisifu ye, ɛYisifu gha ne ɛ so ɛ̀ras ɛMɛri gha ne ɛbhɛ so ɛgyinɛ ɛYɛso gha ne i bok ɛbhɛ ɛKiriti gha.

ɛMacu 16:15

ɛYɛso gha ne phom nibhɛ ɛ yɔngɔ, “Nyinɛn no lɛɛ, ɛ bo ɛn wu nzo ɛhay?”

ɛLuka 2:11

iZenge wo ndɔ ɛgarang ɛgɔm ɛDoda gha, kɛ yɛk nyini ɛhaa ne phɔt ɛzay. Ɛbhɛ soye ɛDaray ɛKiriti gha.

ɛYohana 6:57

ɛLi ne iphɛ so wo, ɛKyɛɛ nge gha ne ɛ so iken na, ɛ kɛ tom me, ne nzo ɛken daa ɛli ne ɛkyɛɛ nge gha so ɛken, ɛlɛy ne mang, ɛhiha ɛnyi ne ɛ kɛ re ibek nge de, naa te ɛbhɛ ɛ shɛɛ ɛken.

ɛYohana 6:68

ɛSimɔn ɛBiturus sa ne kyii ɛbhɛ nɛ ɛ yɔngɔ, “ɛDaray, njwi yaa phɛ ɛlɔ ɛhay? iGyɛ ɛ bok ivol da ne ifɛ nang iken ne inat de.

2 iKɔrɔntos 1:19

Daa ɛli ne ɛYɛso ɛKiriti gha ne ɛ so ɛNgɔn ɛTaanggbey ya, ne nggaa tɔng nyini ibol ɛbhɛ de, ɛSila gha, gbik ne ɛTimɔti gha ma tɔng nyini wo, sɔng ɛ so ɛnyi ne so “Ɛɛy” ne “Kwa” nang. Ɛbhɛ yang so “Ɛɛy” ɛTaanggbey.

iBirani 3:12

Nigwaa nge ninaa ne roos, wɛɛ ɛn nyini, sɔng ɛdɛ mon sim iyɔm ne ìnang ne itin de, ne irway ivebhe da te ɛbhɛ ɛ hyereey, ɛ tek ɛTaanggbey ne iken na nang.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

Nikɔn ne kɛ Phaal 7:2

Ne n da yaang ɛdɛ ɛmalɛka gha ɛ le ne iwap ɛdak, ɛ bok ɛlamba ɛTaanggbey ne iKen. Ne ɛ boote nɛ nimalɛka nwaas sɛnaa nggyɛ wo ne kɛ nang nibhɛ ito ne bees ɛzay ya nɛ niling nga, ne ɛgbaang ne izɔlɔs.

ɛTomɛ 8:37

ɛFilibus sa ne yaak ɛbhɛ, “Wu ɛ kɛ nang ne itin nɛ ne irway mo gbik, yaa ne yɛk kɛ nɛ.” ɛNyi gha ne yɔngɔ, “Nggɛ nang ne itin nɛ ɛYɛso ɛKiriti gha ɛbhɛ so ɛngɔn ɛTaanggbey ya.”