ɛMacu 15:31 - ɛWee ne ìTsɛm iHywas

³¹ Kɛ ne sɛ ninyi na kɛ yaang ɛli nɛ ningkpɔy ya kɛ yaa bol lo, nigyamil la yaa hyel tsik ko, nilɔɔm ma yaa hyel lo, niwil la ne yaa wɛɛ wo, nibhɛ ne wum ɛnu zii. Nibhɛ ne yaa dɛp ɛTaanggbey niSɛrɛla yegha.

ɛMacu 15:31 ပူးပေါင်းရင်းမြစ်များ

ɛMacu 9:8

Kɛ ne sɛ idira ninyi de kɛ yaang ɛlɛ wo, nibhɛ ne wum ɛnu zii. Nibhɛ ne ji dɛp ɛTaanggbey ye ne ɛbhɛ kɛ nang ninyi na ihywee ne igbɔm mɛdaa nggyɛ wo.

ɛLuka 18:43

Nɛ nten nɛ, ne ɛ yaa wɛɛ ɛ ji yaa kungus ɛYɛso yegha ɛ tɔɔsel ɛTaanggbey irway ihwala. Kɛ ne sɛ ninyi na kɛ yaang ɛlɛ wo, nibhɛ ne ma yaa dɛp ɛTaanggbey yegha.

ɛLuka 7:16

Ninyi na ne wum ɛnik gbom, nibhɛ ne ho ne dɛp ɛTaanggbey ye, nibhɛ bo, “ɛDɛ ɛgbaang ɛnɛbi wo kɛ yɛɛs ndɔ njwɛɛn! ɛTaanggbey ya yɛɛs ne phɔt ninyi ɛbhɛ na.”

ɛMacu 18:8

Wu iwɔ mo, hang icwa mo yɔɔ, ifɛ yaa teyɛ ɛ mɔn ɛfɔt to, ne ɛ hyɛ ifɛ ɛ hana. iPhɛ phyin nɛ nɛ ɛbhɛ lel ɛlɔ ne iken ne inat de tang iwɔ, hang icwa yɔɔ, ne aa boos ibɔ de, ne ita mo de gbik ko, i ji bhɛ cwaak kɛ ne igboo ne sang kuuy yo.

ɛMacu 9:33

Ne sɛ ɛYɛso gha kɛ tul ɛphoo gha, ɛnyi gha ne ɛ sang ku bol lo ne ɛ yaa bol. iDira ninyi de ne wum en zii, nibhɛ ne ji yɔngɔ, “Sɔng njwi kɛ ji ku yaang ihywee ɛkɔn nɛ de wo ndɔ niSɛrɛla de nang.”

ɛYohana 9:24

niFarisawa na ne kyii ta yel-le ɛnyi gha ne ɛ kaa bok iwil da dɔng nibhɛ yaak ɛbhɛ, “Mɔng itin nɛ te ɛ nang ɛTaanggbey ye ne ndiinday, njwii yɛɛ ɛnyi yɛghaa wo so ɛhaa ne ɛfɔt.”

ɛLuka 14:21

ɛKpuru ɛnyi gha ne kyii, ɛbhɛ tɔng ɛkyɛɛ ne ijwee ɛbhɛ gha ivol ba nɛ ninyi na kɛ tɔng ɛbhɛ wo gbik. ɛKyɛɛ ne ijwee ɛbhɛ gha ne te njenjek gbom. iPhɛ ɛlɛy yang ne ɛ yaak ɛkpuru ɛbhɛ gha, Yɔng ɛhywarat, te ɛ lel ndɔ ɛgarang; ɛ roos nilɔ na ne igbagha wo shɛɛ nɛ wo, ɛbhɛ yeres me nihala ninyi, nɛ ninaa ne kuruk ita, nɛ nilɔɔm, gbik nɛ ne iwil.

ɛLuka 14:13

iPhɛ ɛlɛy yang, yaa sɛ ɛ bok idira de, ne ɛ tɔk nihala ninyi, nɛ ninaa ne kuruk ita, nɛ nilɔɔm, gbik nɛ niwil, ɛ tɔng nibhɛ.

ɛMarakus 9:43

Wu iwɔ ijwaan mo wo ifɛ sɛ teyɛ ɛ mɔn ɛfɔt to nang, ne ɛ hyɛ ifɛ ɛ hana. iPhɛ kɛ jam mɛ ɛ sɛ iken ne inat de ne iwɔ ijwaan no ne aa bhɛ lel ndɔ ne ijwee ne igboo wo ne ibɔ mo de gbik ko.

ɛMarakus 7:37

Ninyi na ne yaang ɛkɔn ne kparat gbom. Nibhɛ ne ji yɔngɔ, “Nikɔn ɛbhɛ na ku so niyɛnɛng ngɛ gbik. Ɛ kɛ phaasel nirwan na itoro ɛ ta phaasel ningkpɔy ye ninu.”

ɛMarakus 2:12

ɛNyi gha ne shii yilitsik, vok, ɛ harap ifurang ɛbhɛ ba, ɛ bo nikɔn ɛ yaa hyel ɛɛ hyilis se. Ninyi na ne wum en zii daa ɛli nɛ nibhɛ kɛ yaang ɛkɔn ne kparat. Nibhɛ ne ji yaa naas ɛTaanggbey yegha ne ndiinday nibhɛ bo, “Sɔng njwi kɛ ku yaang ɛlɛ wo nang!”

ɛMacu 21:14

Ninaa niwil la, nɛ nilɔɔm ne yɛɛs ɛlɔ ɛYɛso gha ndɔ ne iDeng ngge, ne ɛ tes nibhɛ niken.

ɛMacu 8:10

Ne sɛ ɛYɛso gha kɛ phok ɛlɛ wo, ne ɛ wum ɛnu zii, ne ɛ ji yaak ninyi na nɛ nibhɛ kungus ɛbhɛ wo, “Nzi tɔng nyini itin nɛ, sɔng nggɛ ku sɛ ɛdɛ ɛnyi niSɛrɛla gha ne ɛ bok ihywee ne ìnang ne itin nɛdee wo nang.

ɛMacu 9:32

Kɛ ne sɛ nibhɛ kɛ bo nikɔn nibhɛ hyel, nidɛng ninyi na ne yɛɛs ɛYɛso yegha ne ɛdɛ ɛnyi gha ne ɛ bok ɛphoo ne ɛ ring ɛbhɛ ne bol lɛ.

ɛMacu 15:30

ɛGbaang ne idira ninyi wo ne phɛ ɛlɔ ɛbhɛ, nibhɛ boos nilɔɔm, nɛ niwil, nɛ nigyamil, nɛ ningkpɔy, ne ɛbyin ninaa ne isha na, nibhɛ bhɛ teesek nibhɛ ɛnu ɛyisɛ ɛYɛso gha, ɛYɛso gha ne ji tes nibhɛ niken.