ɛMacu 15:17 - ɛWee ne ìTsɛm iHywas

¹⁷ Ɛ doo ɛn ɛli ne i sɛ ɛkɔn na kɛ lel ndɔ ɛnu ɛnyi gha, aa phɛ ndɔ ne iphul de, ɛ kyii ta mɔɔng ɛ wuru ndɔ ne ibek gee?

ɛMacu 15:17 ပူးပေါင်းရင်းမြစ်များ

ɛLuka 6:45

ɛNyi ɛyɛnɛng nga mɔn nikɔn niyɛnɛng lenɛ ne yɛnɛng ngge ne iphɛ ku so ndɔ ne irway ɛbhɛ. ɛBebhe ɛnyi gha ne ma mɔn nikɔn nibebhe lenɛ ne ibebhe de ne iphɛ ku so ndɔ irway ɛbhɛ. ɛNu gha bhɛ bol nikɔn na nɛ nibhɛ so ndɔ ne irway ɛnyi ba.

1 iKɔrɔntos 6:13

“Kɛ ryɔng ire de ɛlɔ ne iphul, kɛ ne ma ryɔng iphul de ɛlɔ ne re,” ɛTaanggbey ya sɛ ne bunga iphul de ne ire de gbik. Sɔng kɛ ne ryɔng ibek ge ɛlɔ ne nzangas sang, kɛ ryɔng ibek ge te iphɛ nang ɛDaray ye ne ndiinday, ɛDaray ya ɛbhɛ ne hyep ibek ge.

ɛYakub 3:6

iLem ɛnyi de ne so te igboo. iPhɛ soye ɛzay ne ibebhe ndɔ ne ibek njwɛɛn de! iLem be i yɛɛ ne bees ɛnyi gha gbik. iPhɛ i yɛɛ ne te irway ɛnyi da gbik phele ifɛ bees ishwɛɛ ɛbhɛ. Sɛ ne ma wɔɔ ilem be ne ito ne iphɛ ne igboo wo ne ifɛ le ne ijwee ne igboo wo.

ɛMacu 15:16

ɛYɛso gha ne yɔngɔ, “Ɛ ma tɔ ɛn tang seng naa?

ɛMacu 15:18

ɛKɔn na ne ɛ kɛ ne wuru ɛnu ɛnyi gha nang, ɛbhɛ ɛ le ne irway ɛnyi da, ɛbhɛ ne i nang ɛnyi gha ivebhe da.

ɛMarakus 7:19

Sɔng ire de i phɛ ndɔ ne ikok ɛnyi nang. iPhɛ yang bhɛ lel ndɔ ne iphul ɛnyi de. iPhɛ ne kyi ta bhɛ phee iphɛ bhɛ wuru ne ibek ɛnyi de dɔng.” (iBol lɛdee wo ne ɛYɛso gha kɛ bol lo kɛ tɔɔl wu hang idɛ ire de sɛ nang ɛnyi ivebhe).