ɛMacu 15:14 - ɛWee ne ìTsɛm iHywas

¹⁴ Tek ɛn nibhɛ, nibhɛ so niwil nɛ nibhɛ hɔ iwil ɛntsɛng. Wu ɛhaa ne iwil la i hɔ ɛhak ɛhaa ne iwil la ɛntsɛng ngo, nibhɛ wo gbik yaa ne bhɛ hoghɛ ɛyek.”

ɛMacu 15:14 ပူးပေါင်းရင်းမြစ်များ

ɛLuka 6:39

ɛYɛso gha ne boote nɛ nibhɛ ndɔ ne igɔrɔp, ɛ yaak nibhɛ, “ɛWil la kɛ ku hɔ ɛhak ɛwil ɛntsɛng bɛ? Wu ɛ kɛ mɔn ɛlɛ wo, nibhɛ yaa ne ɛbyin nge, nibhɛ bhɛ hoghɛse ndɔ ɛyek.

2 ɛBiturus 2:1

Ninabawa ne irywɛɛk kaa ne le ndɔ ninyi ɛTaanggbey ya, ɛlɛy nɛ nikyɛɛ ne icwam ne irywɛɛk ka sɛ ne ma le ndɔ mon. Nibhɛ sɛ mɛmɛ ninyi na ne ivol ne irywɛɛk ne ifɛ labhe, ne ifɛ yaa bees ninyi na. Nibhɛ sɛ ma yung yɛɛs ne ivol ne mbaray ɛDaray ye ne ɛ kɛ phɔt nibhɛ, nibhɛ mɛmɛ ninyi na nɛ gying, ɛli ne iphɛ sɛ hɔ nibhɛ ɛkɔn ne bees itso nibhɛ.

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

2 ɛBiturus 2:17

Ninaa ne tɔng irywɛɛk kɛdaa nggyɛ wo so te irong ne iphɛ sang inɛn, te inɔp ne igbil i tobhos. ɛTaanggbey ya kɛ ne ku ryɔng nibhɛ ɛlɔ ndɔ ne ɛgbaang ne ibong gbyighilik.

1 ɛTimɔti 6:5

gbik ne ishamas nɛ ninyi ne icwas nibhɛ kɛ te buruburu nibhɛ sang tɔ yɛɛ itin ne ibebhe. Nibhɛ wɛɛ te roos ɛTaanggbey da so ɛnkiinɛ ne tɔk iryat.

ɛYohana 9:39

ɛYɛso gha ne yɔngɔ, “Nggɛ yɛɛs ndɔ ɛzay yeghaa wo te n bol ɛshara, tɛ niwil la yaa wɛɛ, ninaa nɛ nibhɛ wɛɛ wo ne ji tes se niwil.”