ɛMacu 15:1 - ɛWee ne ìTsɛm iHywas

¹ Kɛ ne sɛ ɛdɛ ɛtuk kɛ, nidɛng ndɔ niFarisawa na nɛ ninaa ne kpɛl ɛShara gha ne les ne iYɛrushɛlɛm, nibhɛ yɛɛs ɛlɔ ɛYɛso gha, nibhɛ phom ɛbhɛ nibhɛ yɔngɔ,

ɛMacu 15:1 ပူးပေါင်းရင်းမြစ်များ

ɛTomɛ 23:9

iPhɛ ɛlɛy, ɛgbaang ne ishisim ne yilitsik ndɔ nibhɛ. Nidɛng ninaa ne kpɛl ɛshara gha nɛ nibhɛ kaa soye niFarisawa na ne yilitsik nibhɛ bol ivaa nibhɛ ivol nibhɛ yɔngɔ, “Sɔng njwii yaang ɛnyi yɛghaa wo kɛ ben nang. Yaa rɔk ɛdɛ ɛmalɛka ɛbhɛ kɛ boote ne ɛbhɛ, hang idɛ ikabyik ɛTaanggbey yɔɔ.”

ɛLuka 5:30

Nidɛng ndɔ niFarisawa na, nɛ nidɛng ndɔ Ninaa ne Kpɛl ɛShara gha ne ɛnu nibhɛ so ɛdaan nɛ, ne yaa bol nɛ ninɔn ne icwam ɛYɛso na ivol mumuk nibhɛ bo, “iKyee iphɛ kɛ te ɛ re ɛn, ɛ sɔ ɛn nɛ ninaa ne saasel ijam ne ivel la, gbik nɛ ninaa ne ɛfɔt taa?”

ɛLuka 5:21

niFarisawa na nɛ Ninaa ne Kpɛl ɛShara gha ne yaa bol ndɔ nibhɛ, nibhɛ bo, “ɛYa ɛnyi ghaa woo ne ɛɛ bol ivol ne bɛɛs ɛTaanggbey yeghaa? ɛTaanggbey zɔng ɛbhɛ so ɛhaa ne hana ɛnyi gha ne ɛfɔt ɛbhɛ wo!”

ɛLuka 5:17

Kaa ne sɛ ɛdɛ ɛtuk kɛ ne ɛYɛso gha so ne mɛmɛ ninyi na nɛ wo, niFarisawa na nɛ Ninaa ne Kpɛl ɛShara gha ne ma sooset ɛnggyɛ wo, nibhɛ kaa ne les nigarang ne iGalili, ne iYahudiya gbik ne iYɛrushɛlɛm. iTo-ndiinday ɛDaray de kaa ne so ndɔ ɛYɛso gha hyɔrɔ, ne ɛ tes nisha na niken.

ɛMarakus 3:22

Nidɛng ninaa ne kpɛl ɛShara gha kaa ne so ɛnggyɛ wo nɛ nibhɛ le ne iYɛrushɛlɛm. Nibhɛ ne yaa bol nɛ ninyi na nibhɛ bok nibhɛ, “ɛNyi yɛghaa wo bok ɛBɛlizɛbul le ne ɛ so ɛgɔm niphoo. Ɛbhɛ ɛ bok ɛbhɛ ɛ tuul niphoo na.”

ɛMacu 23:2

“Ninaa ne kpɛl ɛShara gha nɛ niFarisawa na ne kɛ sim nibhɛ nɛ zɔng tɛ nibhɛ kpɛl ninyi na ɛShara ɛMuusaa gha.

ɛMacu 5:20

Nzi bok nyini, wu ɛ kɛ sang hyel ɛn cik ɛ phyin ɛn niFarisawa na nɛ ninaa ne kpɛl ɛShara gha, ɛtsak kɛ sɔng ɛ sɛ ne bhɛ lel ɛn ne igbɔm ɛdaa ne irywa da nang.

ɛYohana 1:19

iBol lɛdee ne ɛYohana gha kaa tɔng nten de nɛ nindiinday niYahodawa na nɛ nibhɛ kaa so ne iYɛrushɛlɛm de kaa ne tom nidɛng ndɔ nibo ɛTaanggbey ya gbik nɛ nidɛng ndɔ ninaa ne wɛɛ iDeng ngge ɛlɔ ɛbhɛ gha, wu tɛ nibhɛ bhɛ phom ɛbhɛ ɛnyi gha ne ɛ jung soyɛ wo.

ɛTomɛ 25:7

Ne sɛ ɛBulus sa kɛ yɛɛs, niYahodawa na nɛ nibhɛ le ne iYɛrushɛlɛm be ne yilitsik nibhɛ te ɛbhɛ gyɔɔ, nibhɛ jii yɛɛset ne ivol nibhɛ da daa ne ito ɛBulus de gbom, sɔng nibhɛ ne kyii yɛɛ ne tɔɔrek wu ifɛ so ɛlɛy ɛtsak kang.