ɛMacu 14:1 - ɛWee ne ìTsɛm iHywas

¹ Nten nɛdee nggyɛ wo, ɛHyiridus sa ne ɛ kaa so ɛgɔm ne iGalili gha, ne phok ngka ɛYɛso de,

ɛMacu 14:1 ပူးပေါင်းရင်းမြစ်များ

ɛLuka 3:1

Kaa ne sɛ igbɔm ɛTibaryus sa, ne ɛ so ɛgbaang ɛgɔm ne ivel ne iRooma ba, kɛ hɔn ishay ɛnduwubɔ ne iphɛ iwii, ɛBuntus ɛBilatus kaa ne soye ɛgɔm-na ne iYahudiya. ɛHyiridus ne soye ɛgɔm ne iGalili, ɛgwaa ɛbhɛ ɛFilibus ne soye ɛgɔm ne iTuriya gbik ne iTarakɔnitis. ɛLisaniya ɛbhɛ ne soye ɛgɔm ne iBiliya.

ɛTomɛ 4:27

Ɛtsak, ɛHyiridus sa ne ɛBuntus ɛBilatus sa kaa byinkit nɛ ninyi na ne hame nibhɛ so niYahodawa na, nɛ niSɛrɛla na ndɔ ɛgarang ngɛghaa wo. Nibhɛ yɛk iphup ne ɛKpuru mo ɛYɛso gha ne ɛ so kang ngo, ɛhaa ne ɛ kɛ sit ɛbhɛ ne nɔɔy da.

ɛMarakus 8:15

Kɛ ne sɛ nibhɛ so ndɔ ne ihywel ba nang, ɛYɛso gha ne kpɛngke nibhɛ ndɔ ne ivol ne igɔrɔp ɛ yaak nibhɛ, “Wɛɛ ɛn nyini hywɛɛ ne iyis niFarisawa de gbik ne idee ɛHyiridus de.”

ɛLuka 23:15

Ɛlɛy ne ɛHyiridus sa kɛ ma bhɛ sɛ ɛbhɛ. iPhɛ phɛ kɛ te ɛ kɛ bhɛ kyii njwii ne ɛbhɛ ɛbɛ wo. Sɔng ɛnyi yɛghaa wo kɛ mon ɛkɔn ne sɛɛ yɔng yaa phoo ɛbhɛ wo nang.

ɛTomɛ 12:1

Nten nɛdee nggyɛ wo, ɛGɔm ɛHyiridus sa ne yaa baasek nidɛng ndɔ ninaa nɛ nibhɛ so ne idira ninaa ne roos de nggbang.

ɛLuka 3:19

ɛYohana gha kaa ne nep ɛGɔm ɛHyiridus se, daa ɛli ne ɛ kaa phɔt ɛHyirɔdiya ye ne ɛ so ɛkuk ɛgwaa ɛbhɛ ɛFilibus; nɛ nidɛng nikɔn nibebhe na ne ɛ mɔn.

ɛMacu 9:26

iBol lɛ ne ku shii shwalat gbik nɛ ne ivel lɛ.

ɛMacu 9:31

Gbik ne phɛ ɛlɛy, nibhɛ ne hyel nibhɛ bol ibol ɛYɛso de ne ivel lɛdaa nggyɛ wo.

ɛMacu 13:58

Sɔng ɛYɛso gha ne mɔn nikɔn ne kparat ta gbom ɛgarang ɛbhɛ gha nang, daa ɛli ne hame nibhɛ kɛ nang ne itin nɛ ne ɛbhɛ wo.

ɛLuka 8:3

ne ɛYowana ɛkuk ɛCusa ne ɛ kaa so ɛndiinday ninaa ne mɔn ɛtomɛ ndɔ ne ijwee ɛgɔm ɛHyiridus, ne ɛSuzana, nɛ ɛbyin nikuk ka maa; nibhɛ kaa tang iryat nibhɛ, nibhɛ mɛɛ niYɛso yegha.

ɛTomɛ 13:1

Ndɔ ne idira ninaa ne roos ne iNtakiya na, ninabawa nɛ nikyɛɛ ne icwam kaa ne sonɛ ɛlɛ, ɛBanabas ne ɛSimiyɔn na ne bok ɛbhɛ ɛNija, ne ɛLushiyɔs ne ɛ so ɛnyi ne iSɛrene, ne ɛManayen ne ɛ kɛ shɛɛ ne ɛgɔm ɛHyiridus, gbik ɛShawulu.