ɛMacu 13:52 - ɛWee ne ìTsɛm iHywas

⁵² Ne ɛ ji yaak nibhɛ, “iPhɛ ɛlɛy, gbik ɛnyi ne kpɛl ɛShara gha ne ɛ kɛ teye ɛngɔn ne icwam ne igbɔm ɛdaa ne irywa gha ne so te ɛnyi ne ijwee gha ne ɛ kɛ tuul nikɔn niphas nɛ nitɛl lɛ ndɔ ne ɛgban ɛbhɛ.”

ɛMacu 13:52 ပူးပေါင်းရင်းမြစ်များ

ɛMacu 12:35

ɛNyi ɛyɛnɛng nga i wuusik nikɔn niyɛnɛng ne ɛ kɛ tuma ndɔ ne irway ɛbhɛ, ɛnyi ɛbebhe gha ne wuusek nikɔn nibebhe ne kɛ tuma ndɔ ne irway ɛbhɛ.”

ɛMacu 13:51

ɛYɛso gha ne phom ninɔn ne icwam ɛbhɛ na ɛ yɔngɔ, “Ɛ kɛ seng ɛn nikɔn nɛnaa wo gbik ghee?” Nibhɛ ne yɔngɔ, “Ɛɛy.”

ɛMacu 13:53

Ne sɛ ɛYɛso gha kɛ taal tɔng ivol ne igɔrɔp pɛdaa wo, ne ɛ hyel ɛ tek ɛlɔ yɛ,

ɛMacu 23:34

iPhɛ ɛlɛy, Nzi ne tomos nyini nɛ ninabawa, nɛ ninaa ne ishweng, nɛ ninaa ne kpɛl ɛShara, aa ne phobho ɛn nidɛng, nɛ gangat ɛn nidɛng, nɛ hal ɛn nidɛng ndɔ idee ne itsɔɔy mon, ne ˆɛ ji roos ɛn nigarang ˆɛ baasek ɛn nibhɛ nggbang.

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

ɛLuka 11:49

iPhɛ, iphɛ kɛ te ɛTaanggbey ya, ndɔ ne ntsɛntsɛng ɛbhɛ de, ɛ kaa boote ɛ yɔngɔ, “Naa tom nibhɛ nɛ niNabawa na, gbik nɛ ninɔn ne tom nge, nibhɛ sɛ ne bhɛ phobho nidɛng, nibhɛ ne ji baasek nidɛng nggbang.

ɛYohana 13:34

“Naa nang nyini ikpii ifas: Sim ɛn nyini. ɛLi ne nggɛ sim nyini wo ɛlɛy ne iphɛ ne so nggbinggbing ɛ sim ɛn nyini.

2 iKɔrɔntos 6:10

njwi bok irway ishwii, gbik ne iphɛ ɛlɛy, njwi ne so ne irway ihwala cɛcɛɛy. Njwi so nihala, gbik ne iphɛ ɛlɛy njwi kɛ ne tes ninyi gbom nibhɛ kɛ yɛk iryat. Sɔng njwi bok ɛkɔn nang, gbik iphɛ ɛlɛy nikɔn na gbik ne soye ninaa mos.

iFisus 3:4

Yaa ne sɛ ˆɛ kɛ tɔng ɛn ɛkɔn na ne nggɛ haa wo, ˆaa ne seng ɛn ɛkɔn na ne nzi yɛɛ daa ɛkɔn ɛgying ɛKiriti gha.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iKɔlɔsi 1:7

ˆƐ kɛ phok ɛn ibol ne izɛɛng ɛTaanggbey de ɛlɔ ɛPafaras ne njwii sim ɛbhɛ, ɛtaay ɛtomɛ mos, ɛ so sɛ kyinak daa ne ibol ɛbhɛ ndɔ ɛtomɛ ɛKiriti gha. Ɛ kaa ne mɔn ɛtomɛ gha ne ncwincway mos gbik.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

1 ɛTimɔti 3:6

Sɔng ɛ soye ɛnyi ne ɛ tɔ le ne san ɛbɔk nang, aa yung yaa tɔɔsek ito ɛ ho ndɔ ne ihywee ɛshara de ne kɛ ku hyɛ ɛShɛtan neghaa nɛ wo.

ɛTitus 1:9

Te ɛndiinday ya soye ɛnyi ne ɛ kɛ wum ibol ɛTaanggbey de ne sɛ kyinak ngɛ wo gɛgɛy, ɛli ne kɛ mɛmɛ ɛbhɛ nɛ wo. Yaa ne lenɛ ɛlɛ wo ne ɛ te ɛbyin ninyi na itsɔngɔl gɛgɛy lenɛ ne imɛmɛ ne itin, ɛ ta i nep ninaa nɛ nibhɛ bok iphup be ne imɛmɛ ne itin da.