ɛMacu 13:44 - ɛWee ne ìTsɛm iHywas

⁴⁴ “Yaa ten igbɔm ɛdaa ne irywa da ne iryat ne kɛ rɛɛ ndɔ ne ihwap, ɛdɛ ɛnyi gha ne bhɛ sɛ ihywɛ ɛ kyii hante ne rɛɛ yɛ yɛnɛnng. iRway ihwala yɛ ne ji te ɛbhɛ ɛ lɛbhɛl nikɔn na ne ɛ bok gbik, ɛ bo ijam mɛ ɛ say ne ihwap pɛdaa nggyɛ wo.”

ɛMacu 13:44 ပူးပေါင်းရင်းမြစ်များ

iKɔlɔsi 2:3

Ndɔ ɛbhɛ ne kɛ rɛɛ ne iyɛnɛng ne ntsɛntsɛng ge ne ishweng ga gbik.

ɛLuka 14:33

Ɛlɛy ne iphɛ ne so, sɔng ɛdɛ mon yaa ne yɛɛ ne teye ɛngɔn ne icwam nge gha wu ɛ kɛ sang hana nikɔn na ne ɛ bok ko nang.”

ɛMacu 6:21

Ɛlɔ gha ne iryat mo de sonɛ, ɛlɔ yɛ ne irway mo da yaa ne ma sonɛ.

ɛMacu 19:29

Gbik ɛnyi gha ne ɛ kɛ ne tek idee, nɛ nigwaa niras sɛ nɛ nikuk kɛ, ne ɛkyɛɛ ne ɛgyinɛ, nɛ ninɔn, ne ihap ɛlɔ me wo, ɛ sɛ ne bhɛ say nikɔn nɛnaa wo i kyii tiil ɛbhɛ nɛ ikɔl idaan, ne ji ta nang ɛbhɛ iken ne inat.

Nikɔn ne kɛ Phaal 3:18

iPhɛ ɛlɛy, nzi ne kpɛng ngɛ, yɛɛs ɛ say izinariya de ɛlɔ nge, izinariya de ne kɛ halang i tul ishoo yɛ, te ɛ sɛ iryat de. Yɛɛs te ɛ say itsura ihwala da ɛlɔ nge dɔng te ɛ cwaal ne nkywankywaang mo de ne iphɛ soye ɛkɔn ncwa gha. Te ɛ ta say ihwal ne irwisɛ ne aa yɛk ne irwisɛ mo da te ɛ yaa wɛɛ yɛnɛng.

ɛMacu 19:27

ɛBiturus sa ne kyii nɛ ɛ yaak ɛbhɛ, “Njwi kɛ tek nikɔn na gbik njwii roos sɛ, ikyee ne njwi sɛ ne bhɛ sɛ?”

ɛMacu 19:21

ɛYɛso gha ne kyii nɛ ɛ yaak ɛbhɛ, “Wu ˆɛ sim te aa ji ku te hyɔrɔ wo, cwi ɛbhɛ lɛbhɛl nikɔn mo na gbik ˆɛ naas nihala ijam mɛ, aa ne sɛ iryat ɛdaa ne irywa de, te nɛ yɛɛs ˆɛ roos me.”

iRooma 15:4

Gbik nikɔn na ne kɛ haa ndɔ ne ɛWee ne iBol ɛTaanggbey yo kɛ haa te mɛmɛ njwɛɛn nɛ te njwɛɛn sit irwisɛ daa ɛli ne ɛWee ne iBol ɛTaanggbey yo kɛ nang njwɛɛn ɛbɔk, ɛbhɛ ne ta tes njwɛɛn itsɔngɔl gɛgɛy.

ɛMacu 13:24

ɛYɛso gha ne ta tɔng nibhɛ idɛ ibol ne igɔrɔp be dɔng, ɛ yɔngɔ: “Yaa ten igbɔm ɛdaa ne irywa da ne ɛdɛ ɛnyi gha ne ɛ kaa tubhus ɛlikama ɛbhɛ ɛyɛnɛng ngɛ ne ihwap ɛbhɛ.

iBirani 10:34

Ɛ kaa san ɛn iyɔm ninyi nibhɛ so ne nyang. Kaa ne phɔrɔt nikɔn mon ne ihwet, ne ɛ sim ɛn ɛlɛy ne irway ihwala, daa ɛli ne ɛ yɛɛ ɛ bok ɛn nikɔn niyɛnɛng nɛ nibhɛ kɛ jam gbom nibhɛ so ninaa ne inat.

ɛYohana 6:35

ɛYɛso gha ne ji phaal le kpas ɛ yɔngɔ, “Mee nzo ire de ne iphɛ nang iken de. ɛHiha ɛnyi ne ɛ kɛ yɛɛs ɛlɔ nge gha sɔng aa ne tang phok ikpyak kang, ɛhaa ne ɛ kɛ nang ne itin nɛ ne mo wo sɔng irway ɛbhɛ yaa ne tang has sang.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

ɛMacu 13:46

Yaa ne sɛ ɛ kɛ bhɛ sɛ idɛ ikɛɛ de ne iphɛ bok ijam, ne ɛ kyii ɛbhɛ lɛbhɛl nikɔn na ne ɛ bok, ɛ ji bok ijam mɛ ɛbhɛ say ne ikɛɛ yɛdee nggyɛ wo.”

ɛMacu 13:47

“Yaa ne ta ten igbɔm ɛdaa ne irywa da ne ɛKara ne kɛ cwaak ndɔ ɛrenes, izing ngge ne leesel ihywee-ihywee.