ɛMacu 13:39 - ɛWee ne ìTsɛm iHywas

³⁹ ɛHaa ne iphup pa ne ɛ kɛɛ sanga idik ge, ɛbhɛ so ɛShɛtan na, nten ne pha de iphɛ phɛ ne so nten ne taal ɛzay de, ninaa ne pha na nibhɛ ne ji so nimalɛka ɛTaanggbey.

ɛMacu 13:39 ပူးပေါင်းရင်းမြစ်များ

ɛMacu 13:49

ɛLɛy ne iphɛ sɛ ne te nten ne taal ɛzay de, nimalɛka ɛTaanggbey ya sɛ yɛɛs nibhɛ kasa ninyi nibebhe na ndɔ ninyi ne cik ka.

ɛMacu 25:31

“Sɛ ne sɛ ɛli ne ɛNgɔn ɛNyi gha kɛ yɛɛs ndɔ ne ito-ndiinday ɛbhɛ de nɛ nimalɛka ɛbhɛ na, ɛ sɛ ne soos ɛcuruu ne igbɔm ɛbhɛ ne ito-ndiinday ɛbhɛ.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

ɛMacu 24:3

Kɛ ne sɛ ɛYɛso gha kɛ soos daa ne iGol Niphaa de, ninɔn ne icwam ɛbhɛ na ne bhɛ sɛ ɛbhɛ gying, nibhɛ phom ɛbhɛ nibhɛ yɔngɔ, “Tɔng njwii, nggyibhii nɛ nikɔn nɛnaa wo sɛ tes soo? ɛYakɔn ɛbhɛ sɛ ne tɔɔrek nyu ne yɛɛs mo de ne izee ne taal ɛzay dee?”

ɛMacu 13:25

Kɛ ne sɛ nyini na so nwa, ɛhaa ne iphup ɛnyi gha ne bhɛ sanga ihywee ne idik ndɔ ne ɛlikama wo ne ɛ kyii ɛ hyili.

ɛYahuza 1:14

ɛNɔk ka ne ɛ so ɛhaa ne izam ɛniitaa yɛ lenɛ ne ɛDɛmu ma, kaa ne ma ku boote daa ninyi yɛnaa wo ɛ yɔngɔ, “Yaang ɛn ɛDaray ya yaaso nɛ nimalɛka ɛbhɛ ne kɛ tul kang nɛ nibhɛ kɛ hɔn ninom ma daa ɛco ninom ne ᐩishin daa ɛco ne ᐩishin,

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

iBirani 9:26

Sɛɛ yɔng ɛlɛy yo, ɛYɛso gha saa ne i ku ɛ kyi ta mɔɔng ɛ ku ne ile ne tum ɛzay de. ɛYɛso gha kaa yang tɔɔrek ito ɛbhɛ ɛdaan zɔng nten de ne ɛtuk ɛshara gha yungaa shwaak ghe, te ɛ ba ɛfɔt to lenɛ ne ɛ kɛ nang ito ɛbhɛ de.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

ɛMacu 13:28

“Ɛnyi gha ne yaak nikpuru ɛbhɛ na, ‘ɛHaa ne iphup nge ɛbhɛ kɛ mɔn ɛkɔn nɛghaa nggyɛ wo.’ “Nikpuru na ne yaak ɛbhɛ, ‘Ɛ ne sim ta njwi sɛ bhɛ sɛs idik gee?’

ɛMacu 12:32

Gbik ɛnyi gha ne ɛ kɛ bol ivol ne bɛɛs ɛNgɔn ɛNyi gha nɛ wo, sɛ ne hana ɛbhɛ nɛ. Wu ɛnyi gha kɛ ne bol ivol ne bɛɛs iKabyik ɛTaanggbey de, sɔng yaa ne hana ɛbhɛ nɛ ɛzay yɛghaa wo, ne ɛzay ya ne ɛ yaaso wo nang.”

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

ɛMacu 13:40

“ɛLi ne i sɛs idik ge i tumɛ i ji wɔɔ wo, ɛlɛy ne iphɛ sɛ ne te nten ne taal ɛzay de.

1 iKɔrɔntos 10:11

Nikɔn nɛnaa wo kɛ tes te tɔɔrek njwɛɛn ɛkɔn, kɛ ne ta haa te sɛ hɔwɔ njwɛɛn itsoro. Daa ɛli ne njwɛɛn so nten de ne ɛzay ya yungaa taal le.

iBirani 1:2

ɛLyilyɛghaa, ndɔ nituk ɛtsim mɛnaa wo, ɛTaanggbey ya i ne bol ne njwɛɛn lenɛ ne ɛNgɔn ɛbhɛ ne kɛ lenɛ ne ɛbhɛ i ryɔng ɛzay ya. Ɛbhɛ ne ɛTaanggbey ya kɛ ta kasa ɛbhɛ ɛ tek ɛbhɛ nɛ nikɔn na gbik.