ɛMacu 13:27 - ɛWee ne ìTsɛm iHywas

²⁷ “Nikpuru ɛhaa ne ihwap pa ne yɛɛs nibhɛ yaak ɛbhɛ, ‘ɛKyɛɛ ne ijwee, njwii maa bo ihywee izɛnɛng ne ɛ kaa tubhus ne ihwap mo da nang? Kɛ ne mɔn ɛlii idik ge kyii wuru nɛ woo?’

ɛMacu 13:27 ပူးပေါင်းရင်းမြစ်များ

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

1 iKɔrɔntos 16:10

Yaa sɛ ɛTimɔti gha kɛ tuu ɛlɔ mon na, te ne ɛ say ɛn ɛbhɛ ne irway ijwaan, daa ɛli ne ɛ ma so ɛhaa ɛtomɛ ɛTaanggbey ya te me wo ne mang.

ɛYakub 4:4

Nyinɛn no ne ˆɛ kɛ sang kyinak ɛn daa ibol de ne ɛ kɛ sim ɛn ɛTaanggbey yegha nɛ wo! ˆƐ doo ɛn ɛli ne isaa de ne ɛzay ya soye iphup be ne ɛTaanggbey ya naa? Gbik ɛnyi gha ne ɛ kɛ kasa aa wum isaa de ne ɛzay ya, ɛ kɛ ne teye ɛhaa ne iphup ɛTaanggbey ya.

ɛMacu 13:25

Kɛ ne sɛ nyini na so nwa, ɛhaa ne iphup ɛnyi gha ne bhɛ sanga ihywee ne idik ndɔ ne ɛlikama wo ne ɛ kyii ɛ hyili.

ɛMacu 13:26

Kɛ ne sɛ ɛlikama wo kɛ yaa tuul itso, idik ge ne ma ji tɔɔrek ghe.

ɛMacu 13:28

“Ɛnyi gha ne yaak nikpuru ɛbhɛ na, ‘ɛHaa ne iphup nge ɛbhɛ kɛ mɔn ɛkɔn nɛghaa nggyɛ wo.’ “Nikpuru na ne yaak ɛbhɛ, ‘Ɛ ne sim ta njwi sɛ bhɛ sɛs idik gee?’

ɛMacu 20:1

“Yaa ne ten igbɔm ɛdaa ne irywa da ne ɛkyɛɛ ne ijwee ne ɛ kɛ wuru ne ihwɛlɛ ɛ phɛɛs ne tɔk ninaa ɛtomɛ nɛ nibhɛ yaa mɔn ɛbhɛ ɛtomɛ gha ne ihwap ɛnap ɛbhɛ.