ɛMacu 13:25 - ɛWee ne ìTsɛm iHywas

²⁵ Kɛ ne sɛ nyini na so nwa, ɛhaa ne iphup ɛnyi gha ne bhɛ sanga ihywee ne idik ndɔ ne ɛlikama wo ne ɛ kyii ɛ hyili.

ɛMacu 13:25 ပူးပေါင်းရင်းမြစ်များ

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

2 ɛBiturus 2:1

Ninabawa ne irywɛɛk kaa ne le ndɔ ninyi ɛTaanggbey ya, ɛlɛy nɛ nikyɛɛ ne icwam ne irywɛɛk ka sɛ ne ma le ndɔ mon. Nibhɛ sɛ mɛmɛ ninyi na ne ivol ne irywɛɛk ne ifɛ labhe, ne ifɛ yaa bees ninyi na. Nibhɛ sɛ ma yung yɛɛs ne ivol ne mbaray ɛDaray ye ne ɛ kɛ phɔt nibhɛ, nibhɛ mɛmɛ ninyi na nɛ gying, ɛli ne iphɛ sɛ hɔ nibhɛ ɛkɔn ne bees itso nibhɛ.

ɛMacu 13:39

ɛHaa ne iphup pa ne ɛ kɛɛ sanga idik ge, ɛbhɛ so ɛShɛtan na, nten ne pha de iphɛ phɛ ne so nten ne taal ɛzay de, ninaa ne pha na nibhɛ ne ji so nimalɛka ɛTaanggbey.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

iBirani 12:15

Wɛɛ ɛn yɛnɛng, sɔng ɛdɛ mon hyere ɛTaanggbey yegha ne ɛ nang izɛɛng ngge ɛduu nang. Sɔng ɛdɛ mon yɛk irway ivebhe ne ifɛ yaa hɔn ifɛ yɛɛs ne ishisim, ifɛ bees ninyi na gbom mo nang.

ɛMacu 25:5

Sɔng ɛyiyaam ne yɛl la ne wɔɔ ne tuu nang, nilyilyap pa ne yaa phok nwa, nibhɛ ne wum nwa ba.

iGalatiya 2:4

Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

Nikɔn ne kɛ Phaal 2:20

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Ɛ kɛ sim ibol ɛkuk ge ne i bok ɛbhɛ ɛJɛjɛbhɛl la, ne ɛ yeres ito ɛbhɛ de ɛnɛbi gha. I lenɛ ne imɛmɛ ɛbhɛ ne ɛ dyɛɛl nikpuru nge na nibhɛ ra nzangas, nibhɛ ta hap igunkyi itsanga.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

ɛMacu 13:24

ɛYɛso gha ne ta tɔng nibhɛ idɛ ibol ne igɔrɔp be dɔng, ɛ yɔngɔ: “Yaa ten igbɔm ɛdaa ne irywa da ne ɛdɛ ɛnyi gha ne ɛ kaa tubhus ɛlikama ɛbhɛ ɛyɛnɛng ngɛ ne ihwap ɛbhɛ.

ɛMacu 13:26

Kɛ ne sɛ ɛlikama wo kɛ yaa tuul itso, idik ge ne ma ji tɔɔrek ghe.

ɛMacu 13:27

“Nikpuru ɛhaa ne ihwap pa ne yɛɛs nibhɛ yaak ɛbhɛ, ‘ɛKyɛɛ ne ijwee, njwii maa bo ihywee izɛnɛng ne ɛ kaa tubhus ne ihwap mo da nang? Kɛ ne mɔn ɛlii idik ge kyii wuru nɛ woo?’

ɛMacu 13:29

“Ɛnyi gha ne yaak nikpuru ɛbhɛ na, ‘Kwa, aa yung bhɛ sɛs ɛn ɛ bying ɛn ne ɛlikama wo.

ɛMacu 13:30

Tek ɛn te iphɛ hɔn gbik, sɛ ne sɛ nten ne pha yɛ, ne mɔng ninaa ne pha na, nibhɛ ne tsa nibhɛ sɛs idik ge nibhɛ robhos ikpɔng ngɛ nibhɛ ne wɔɔ, nibhɛ ne ji pha ɛlikama gha nibhɛ bhɛ sit me nɛ ne igban.’ ”