ɛMacu 13:24 - ɛWee ne ìTsɛm iHywas

²⁴ ɛYɛso gha ne ta tɔng nibhɛ idɛ ibol ne igɔrɔp be dɔng, ɛ yɔngɔ: “Yaa ten igbɔm ɛdaa ne irywa da ne ɛdɛ ɛnyi gha ne ɛ kaa tubhus ɛlikama ɛbhɛ ɛyɛnɛng ngɛ ne ihwap ɛbhɛ.

ɛMacu 13:24 ပူးပေါင်းရင်းမြစ်များ

ɛMacu 25:1

“Nten nɛdee nggyɛ wo, igbɔm ɛdaa ne irywa da sɛ ne so te ibol ninɔn nilyilyap ɛnduwubɔ nɛ nibhɛ kaa bo ifitila nibhɛ, nibhɛ phɛɛs ne say ne ɛyiyaa ne yɛl.

ɛMacu 20:1

“Yaa ne ten igbɔm ɛdaa ne irywa da ne ɛkyɛɛ ne ijwee ne ɛ kɛ wuru ne ihwɛlɛ ɛ phɛɛs ne tɔk ninaa ɛtomɛ nɛ nibhɛ yaa mɔn ɛbhɛ ɛtomɛ gha ne ihwap ɛnap ɛbhɛ.

ɛMacu 13:47

“Yaa ne ta ten igbɔm ɛdaa ne irywa da ne ɛKara ne kɛ cwaak ndɔ ɛrenes, izing ngge ne leesel ihywee-ihywee.

ɛMacu 22:2

“Yaa ten igbɔm ɛdaa ne irywa da ne ɛdɛ ɛgɔm ma ne ɛ kaa bok idira ne tom ɛngɔn ɛbhɛ ne ɛyɛl.

ɛMacu 13:37

ɛYɛso gha ne kyii nibhɛ nɛ, ne ɛ yɔngɔ, “ɛNyi gha ne ɛ kɛ tubhus ihywee izɛnɛng ngge ɛbhɛ so ɛNgɔn ɛNyi gha.

ɛLuka 13:20

Ne ɛ ta phom, ɛ yɔngɔ, “Naa ne ta ten igbɔm ɛTaanggbey ba ne ikyee daa mɛɛ?

ɛLuka 13:18

ɛYɛso gha ne yɔngɔ, “iGbɔm ɛTaanggbey ba so te ikyee daa mɛɛ? Naa ten ifɛ ne kyee?

ɛMacu 13:33

Ne ɛ kyii ta boote nɛ nibhɛ ndɔ ne igɔrɔp ɛ yɔngɔ, “iGbɔm ɛdaa ne irywa da so te iyis ne ɛkuk kɛ hyoke nɛ ncɛt, ɛ yɛk ndɔ inuk ne mpɛ so gbom ɛ subhus mpɛ. iYis de ne te inuk ga wara gbom.”

1 ɛBiturus 1:23

Kɛ kyii ta yɛk nyini, sɔng ìyɛk kɛ ne so ìyɛk ne ifɛ sɛ sa nang, ifɛ yang so ìyɛk ne sang sa. Kɛ kyii ta yɛk nyini wo lenɛ ne ibol ɛTaanggbey ne iphɛ so idee ne iken, idee ne inat.

ɛMacu 13:31

ɛYɛso gha ne kyi ta tɔng nibhɛ idɛ ibol ne igɔrɔp be dɔng, ɛ yɔngɔ: “Yaa ten igbɔm ɛdaa ne irywa da ne itsara imɔsita ne ɛnyi kɛ bo ɛ tup ne ihwap ɛbhɛ.

ɛMacu 18:23

iPhɛ ɛlɛy, igbɔm ɛdaa ne irywa da so te ɛgɔm ne ɛ sim ɛ sɛɛ wɛɛ ɛli nɛ nikpuru ɛbhɛ kɛ mɔn ɛbhɛ ɛtomɛ.

ɛMacu 13:19

Nidɛng ninyi na sonɛ ne i sɛ nɛ nibhɛ kɛ phok ibol ne igbɔm ɛTaanggbey de sɔng nibhɛ ne seng iphɛ nang, ɛShɛtan na ne yɛɛs ɛ phɔt ɛkɔn na ne kɛ tup ndɔ ne irway nibhɛ da. Nibhɛ bhɛ ne so te ihywee de ne ihywɛ kɛ ho nkiinɛ wo.

ɛMacu 3:2

ɛ bo, “San ɛn ɛbɔk daa ɛli ne igbɔm ɛTaanggbey da yek cɛcɛk.”

ɛMacu 21:33

ɛYɛso gha ne yɔngɔ, “Tenes ɛn idɛ ibol ne igɔrɔp be. ɛDɛ ɛnyi gha kaa bok ihwap ɛnap. Ɛ kaa ne gan ifɛ, ɛ tɛm ɛyek ne sɛ pharak ne ikpam ɛnap ba, ɛ ji lɔl ɛlɔ ne yaa wara i shɛɛ nɛ i ta ɛkanang ne ihwap ba. Ɛ ji nang nidɛng ninyi na ihwap ba wu tɛ nibhɛ wɛɛ ɛbhɛ nɛ, ɛ ji hyel ihywel.

ɛMacu 4:23

ɛYɛso gha ne kaan ne ivel ne iGalili da gbik, ɛ mɛmɛ ninyi na nɛ ndɔ ne idee ne itsɔɔy niYahodawa na, ɛ tɔng nibhɛ ibol iyɛnɛng ne igbɔm ɛTaanggbey da, ɛ ta tes nishwa nɛ ninaa ne irɔ niken.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

ɛMacu 13:25

Kɛ ne sɛ nyini na so nwa, ɛhaa ne iphup ɛnyi gha ne bhɛ sanga ihywee ne idik ndɔ ne ɛlikama wo ne ɛ kyii ɛ hyili.