ɛMacu 13:23 - ɛWee ne ìTsɛm iHywas

²³ iHywee de ne ihywɛ kɛ ne ho ne ivel nyɛnɛng ngga, ne so te ninyi na nɛ nibhɛ kɛ phok ibol ɛTaanggbey de nibhɛ ne seng iphɛ. Nibhɛ ne ji yɛk ibɔrɔk; izɛng so ikɔl idaan, izɛng ne so nzuwubɔ ɛtaraa, izɛng ne so nzuwubɔ icwat.”

ɛMacu 13:23 ပူးပေါင်းရင်းမြစ်များ

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

ɛYohana 15:16

Sɔng nyinɛn ɛ kɛ kasa mɛɛn nang; mɛɛ nggɛ yang kasa nyini n ji yɛk nyini nɛ te ɛbhɛ yaak ɛn ikpam ne ifɛ yaa shɛɛ. Ɛlɛy ɛkyɛɛ gha yaa ne ji nang nyini gbik ɛkɔn na ne ɛ kɛ phom ɛn daa ɛli ne ɛ so ɛn ninaa nge.

ɛMacu 12:33

“ɛHon ɛyɛnɛng nga i yɛk ikpam iywɛnɛng, ɛhon ɛbebhe gha ne ma yɛk ikpam ivebhe. I seng ɛhon na daa ihywee ne ikpam ɛbhɛ.

ɛMacu 13:8

iZɛng ne ji ho ne ivel nyɛnɛng, ihywɛ ne yɛk ibɔrɔk gbom: idɛ ibɔrɔk kɛ ne i so ikɔl idaan, idɛng ne i so nzuwubɔ ɛtaraa, idɛng ne ji i so nzuwubɔ icwat.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

ɛMacu 3:8

Mɔn ɛn nikɔn na nɛ nibhɛ yaa tɔɔrek wu ɛ kɛ san ɛn ɛbɔk ka.

ɛLuka 13:9

Wu ɛ kɛ yɛk, ne tek ɛbhɛ. Wu ɛ kɛ ne sang yɛk, sɛ ne ji tɛmɛ ɛbhɛ ne iwal.’ ”

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iBirani 8:10

Phok ɛn, ìtsɛm mɛdee bɛ ne nzɛ rop nɛ niSɛrɛla na, ndɔ nituk ka nɛ nibhɛ yaaso wo. Nzɛ yɛk imɛmɛ nge da ndɔ ne irway nibhɛ, ne n da haa ndɔ ne ikok nibhɛ. Nzɛ te me ɛTaanggbey nibhɛ, nibhɛ ne teye ninyi nge.

iBirani 4:2

Daa ɛli ne njwɛɛn kɛ phok iBol iYɛnɛng ngge ɛli nɛ ninyi ɛTaanggbey ya nɛ nibhɛ kaa so ndɔ ɛhay ya kaa ma phok ko. Gbik ne iphɛ ɛlɛy, sɔng ibol de nɛ nibhɛ kɛ ne phok ko kɛ ne phyik nibhɛ nang, daa ɛli ne sɔng nibhɛ kaa say iphɛ lenɛ ne ìnang ne itin de nang.

2 iTasɔlɔnika 2:10

Ɛ sɛ luk ninaa nɛ nibhɛ so ne ɛnkiinɛ ne bees se. Sɛ bees nibhɛ daa ɛli nɛ nibhɛ kɛ mbaray sim itin de nibhɛ phɔrɔt.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

iFilibi 4:17

Sɔng nzi bo nzi tɔk ɛkɔn ɛlɔ mon na nang. Kwa! Nzi yang sim te ɛco nikɔn na ne ˆɛ mɔn ɛn mɛɛn nɛ wo sɛ ku i hanas se nɛ.

2 iKɔrɔntos 9:10

ɛTaanggbey ya ɛbhɛ nang ɛnyi gha ihywee de ne aa tup po ɛ ta nang ire de. Ɛbhɛ aa ne nang nyini ihywee de ne ihywɛ yaa hɔn nyini ɛ tubhus ɛn. Aa ne te ìnang walala mon da hante ne ɛwɛng ɛtomɛ ɛyɛnɛng mon na.

ɛTomɛ 17:11

niYahodawa ne iBiriya na ne kaa ne phyin ninaa ne iTasɔlɔnika na ne iyɛnɛng. Nibhɛ kaa say ibol nibhɛ de ne irway ihwala, nibhɛ phɛl ɛWee ne iBol ɛTaanggbey yo izenge ne ihwɛlɛ tɛ nibhɛ yaang hang ibol ɛBulus de so itin nɛ yoo.

ɛTomɛ 16:14

Ndɔ nikuk kɛnaa nggyɛ wo, ɛdɛng kaa ne sonɛ ne bok ɛbhɛ ɛLidiya ne ɛ kaa le ɛgarang ne iTiyatira. Ɛ kaa ne i lɛbhɛl itsura ne jam ne ifɛ bok inɛn ntseng ngɛ mpumpuk ne ɛ re ɛTaanggbey ye ntsong. ɛDaray ya ne yɛk ngɛ ɛ kyii ne irway ɛbhɛ daa ne ibol de ne ɛBulus sa tɔng ngo, ɛ say iphɛ.

ɛYohana 8:47

ɛNyi gha ne ɛ so ne ɛTaanggbey ya, ɛɛ tenes ɛkɔn na ne ɛTaanggbey ya bol. ɛKɔn na ne ɛ kɛ ne te ɛ sang tenes ɛn mɛɛn no, sɔng ɛ so ɛn ninaa ɛTaanggbey ya nang.”

ɛLuka 8:15

iHywee de ne ihywɛ kɛ ne ho ne ivel nyɛnɛng ngga ne ji so tɛ ninyi nɛ nibhɛ kɛ phok ibol de, nibhɛ say iphɛ, nibhɛ boos iphɛ yɛnɛng ne irway ilyaak, nibhɛ kyinak ngɛ nting, nibhɛ phyii yɛk ibɔrɔk.”

ɛMarakus 10:15

iTin nɛ ne n nzi tɔng nyini, ɛhiha ɛnyi ne ɛ kɛ sang say igbɔm ɛTaanggbey ba te ɛngɔn ɛshɛɛrɛng nga, sɔng ɛ sɛ ne bhɛ lel ne ifɛ nang.

ɛMarakus 4:20

Nidɛng ninyi na ne so te ihywɛ de ne ihywɛ kɛ ho ne ivel nyɛnɛng ngga. Nibhɛ bhɛ ne soye ninaa nɛ nibhɛ kɛ phok ibol ɛTaanggbey de nibhɛ say yo. Nibhɛ ne so te ihywee de ne ihywɛ kɛ yɛk ibɔrɔk ge gbogbom mo, ihywɛ hɔn te izee de ne kaa sanga wo, nzuwubɔ icwat da, ne nzuwubɔ ɛtaraa ba, izɛ́ng ne ji so ikɔl idaan de.”

ɛMacu 3:10

iTsɛm be ku so ne icwin ne ihon da, ɛhiha ɛhon na ne ɛ kɛ sang yɛk ikpam iywɛnɛng, yaa ne tɛmɛ ɛbhɛ i cwaak ndɔ ne igboo.

iBirani 6:7

iVel da ne ifɛ sɔ inɛn da ne mpɛ reey yo ifɛ nang ɛhaa ne itson na ire iyɛnɛng ngge i ne say ɛwɛng ɛTaanggbey.

ɛLuka 8:8

iZɛ́ng ne ji ho ndɔ ne ivel nyɛnɛng, ihywɛ ne wuru ihywɛ raras. iHywɛ yɛk ibɔrɔk gbogbom ihywɛ hɔn te ihywee de ne kaa sanga wo ikɔl lɛ idaan.” ɛYɛso gha ne ji taal ibol de, ɛ yɔngɔ, “ɛNyi gha ne ɛ bok itoro ne tenes! Te ne ɛ phok.”