ɛMacu 13:21 - ɛWee ne ìTsɛm iHywas

²¹ Sɔng iphɛ ne lel ndɔ nibhɛ kyukyum nang, sɔng iphɛ ne ma phyɔngɔle ndɔ nibhɛ wo nang, yaa sɛ ishishim, ne nggbang kɛ yɛɛs nibhɛ, lenɛ ne ibol ɛTaanggbey de, nibhɛ ne shii hana iphɛ.

ɛMacu 13:21 ပူးပေါင်းရင်းမြစ်များ

ɛMacu 11:6

ɛHaa ɛwɛng ngaa nggyɛy ne ɛ say ibol nge de ɛ sang to irway ba.”

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

2 ɛTimɔti 1:15

ˆƐ yɛɛ ɛli ne gbik ninaa ne ivel ne iSiya na kɛ hyere me ɛtsim ma, ndɔ nibhɛ wo, ɛFijelus gbik ne ɛHamɛjɛnɛs sonɛ.

iFilibi 1:6

Nzi ne yɛɛ ncɛncɛng ɛhaa ne ɛ kɛ tsa ɛtomɛ ɛyɛnɛng ngɛ gha wo ndɔ mon no, aa ne re ɛnu ɛyisɛ ɛ taal ɛtuk ka ne ɛYɛso ɛKiriti gha sɛ bhɛ kyii wo.

iGalatiya 6:15

Sɔng ibol ne hyɛ itee de ne sang hyɛ itee de iphɛ phɛ soye ɛgbaang ɛkɔn nang. ɛGbaang ɛkɔn no so, te kyii ryɔng ɛnyi gha iryɔng ifas.

iGalatiya 6:12

Ninyi na nɛ nibhɛ sim tɛ nibhɛ yaa yɛk nyini nɛ nggbinggbing ɛ hyɛghɛ ɛn icwee da, nibhɛ sim te sɛɛ yɔng wu nibhɛ mɔn ɛkɔn ɛyɛnɛng. Nibhɛ mɔn nyini ɛlɛ wo ɛlɔ nɛ nibhɛ yaa yung sɔ nggbang daa ne ibol ne gangat ɛKiriti ye.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

ɛYohana 6:26

ɛYɛso gha ne kyii nɛ ɛ yɔngɔ, “Nzi tɔng nyini itin nɛ, sɔng ɛ tɔk ɛn mɛɛn daa ɛli ne ɛ kɛ yaang ɛn nikɔn ne kparat ta ne nggɛ mɔn nang, ɛɛ tɔk ɛn mɛɛn daa ɛli ne nggɛ nang nyini ire ɛ re ɛn ɛ sighisi ɛn.

ɛLuka 8:13

iHywee de ne ihywɛ kɛ ne ho ne nkinkang ngge, ne so tɛ ninyi nɛ nibhɛ kɛ phok ibol de, nibhɛ shii say iphɛ ne irway ihwala. Sɔng iphɛ ne kyii lel nibhɛ kyukyum nang; nibhɛ ne say iphɛ daa yaay, ne sɛ ɛngbyingbyang sɔng te sɛ nibhɛ, nibhɛ ne kyi shii hana iphɛ.

ɛMarakus 4:17

Sɔng ibol lɛ ne kyii lel ndɔ ne irway nibhɛ kyukyum nang. Sɔng iphɛ ne phyɔngɔle nɛ nang. iPhɛ ɛlɛy ne sɛ iku ne nggbang sɔng te sɛ nibhɛ lenɛ ne ibol lɛdee wo, nibhɛ shii hana iphɛ nibhɛ kyii ne ɛtsim.

ɛMacu 26:33

ɛBiturus sa ne yaak ɛYɛso yegha, “Sɛɛ kyi yɔng yaa tel gbik i tek kɛ, sɔng naa ne ma tel nang.”

ɛMacu 26:31

ɛYɛso gha ne yaak ninɔn ne icwam ɛbhɛ na, “Gbik mon no aa tel ɛn ɛ tek ɛn mɛɛn daa ɛkɔn na ne aa te ne mee wo, te ne shwaak ibol de ne kɛ haa i bo, ‘Naa hale ɛhaa ne hyep ᐩigyol la ᐩigyol lɛ teye shwaa.’

ɛMacu 24:13

ɛNyi gha ne ɛ kɛ ne rop iku i bhɛ phyii taal, ɛbhɛ sɛ ne iphɔrɔt.

ɛMacu 13:57

Nibhɛ ne te njenjek ne ɛYɛso gha. ɛYɛso gha ne yaak nibhɛ, “I naas ɛnɛbi gha ne ndiinday de nigarang nga gbik, kang ne ɛgarang ɛbhɛ ne ijwee ɛbhɛ.”

ɛMacu 13:6

Kɛ ne sɛ igbey kɛ ta, ifɛ ne hal ire de, ire de ne te yɔɔy iphɛ howo, daa ɛli ne sɔng ilwing ngɛ kaa tɔm kyukyum nang.

ɛMacu 10:22

Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.

1 ɛBiturus 1:5

iSha mon nɛdee lɛ, nyinɛn no ne ɛTaanggbey ya i hyep nyini daa ne ihwet ɛbhɛ lenɛ ne ìnang ne itin mon de. iCwas ɛbhɛ da i bo te ɛ sɛ ɛn iphɔrɔt da ne sɛ phaal ɛtuk ne taal ɛzay ya.

2 ɛTimɔti 4:10

Mɔn ɛlɛ wo daa ɛli ne ɛDimas sa kɛ yɛk irisɛ nikɔn ɛzay yɛdee wo, ɛ kɛ tek me ɛ yeghe ne iTasɔlɔnika, ɛKirisɛn ne yeghe ne iGalatiya, ɛTitus ne ma yeghe ne iDamatiya.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

ɛMacu 13:20

iHywee de ne ihywɛ kɛ ne ho nkinkang ngge ne so tɛ ninyi na nɛ nibhɛ kɛ phok ibol ɛTaanggbey de nibhɛ ne shii say iphɛ ne irway ihwala.

ɛYakub 3:2

Njwɛɛn no gbik i ibenes gbom. ɛNyi gha ne ɛ sang ben ndɔ ne ivol ɛbhɛ da ne ɛ so hyɔrɔ, ɛɛ ne ta yɛɛ ne boos ibek de ɛbhɛ byirik.