ɛMacu 13:17 - ɛWee ne ìTsɛm iHywas

¹⁷ Nzi tɔng nyini itin nɛ, ninabawa na gbom nɛ ninyi ɛTaanggbey ya gbom kɛ sim ɛli nɛ nibhɛ yaa yaang ɛkɔn na ne ɛ yaang ɛn no, sɔng nibhɛ kɛ yaang nang. Nibhɛ ne ta sim ɛli nɛ nibhɛ yaa phok ɛkɔn na ne ɛ phok ɛn no, sɔng nibhɛ kɛ ne phok kang.”

ɛMacu 13:17 ပူးပေါင်းရင်းမြစ်များ

ɛYohana 8:56

ɛKyɛɛ mon ɛBaraying nga kaa bok irway ihwala gbom da ne icwas ne yaang nten nge de; ɛ kaa ne yaang, iphɛ ne nang ɛbhɛ irway ihwala.”

iBirani 11:13

Gbik ninyi yɛnaa wo kaa ne kus ndɔ ne ìnang ne itin nibhɛ de. Sɔng nibhɛ kaa say nikɔn na ne ɛTaanggbey ya kaa rop nɛ nibhɛ wo nang. Nibhɛ kaa yang yaang nikɔn nɛ kyakyak. Nibhɛ ne phok yɛnɛng ngɛ, nibhɛ ne nang ishɛɛda yɛ wɛsɛrɛk wu nibhɛ soye ninaa ne ikpoo ndɔ ɛzay ya, sɔng ninaa ne ivel lɛ nang.

ɛLuka 10:24

Nzi tɔng nyini, niNabawa gbom nɛ nigɔm kɛ tɔk tɛ nibhɛ sɛɛ yaang nikɔn ne ɛ kɛ yaang ɛn no, sɔng nibhɛ ne yang nang. Nibhɛ ne ta i sim tɛ nibhɛ sɛ tenes ivol ba ne ɛ kɛ tenes ɛn no, sɔng nibhɛ ne phok kang.”

ɛLuka 10:23

ɛYɛso gha ne boote nɛ ninɔn ne icwam ɛbhɛ na gying ɛ yaak nibhɛ, “Ɛ so ɛn nyini ninaa ɛwɛng, nɛ nikɔn nɛnaa wo kɛ te ɛnu ɛyisɛ mon na!